Fréttablaðið - 24.08.2016, Side 30

Starri Freyr
Jónsson
starri@365.is
Kerlingarfjöll njóta sívaxandi vin­
sælda meðal innlendra og erlendra
ferðalanga, enda eru þau ein af
helstu náttúruperlum Íslands. Þar
sameinast stórkostlegt landslag,
fjölbreytt og fróðleg jarðfræði og
ekki síst ótrúleg litadýrð þar sem
fyrir koma jarðhitasvæði, jöklar og
fallegur gróður.
Margir heimsækja fjöllin í dags­
ferð en aðrir gista og taka lengri
tíma í að fara um nokkrar af þeim
fjölmörgu gönguleiðum sem þar
eru í boði, að sögn Páls Gíslasonar,
framkvæmdastjóra Fannborgar
ehf., sem á og rekur Hálendismið­
stöðina í Kerlingarfjöllum.
Á fjórða áratug síðustu aldar
byggði Ferðafélag Íslands skála
í Kerlingarfjöllum og markar sú
framkvæmd eiginlegt upphaf ferða­
mennsku á svæðinu. „Auðvitað lá
leið margra hingað áður. Hér má til
dæmis finna örnefnin Snorrahver
og Ögmundur til heiðurs fylgdar­
mönnum Þorvaldar Thoroddsen
sem kom hingað á seinni hluta
19. aldar.“
Vinsælar göngur
Árið 1961 hófust skipulagðar skíða­
ferðir í Kerlingarfjöll. Þær voru
undanfari stofnunar Fannborgar,
félags sem stofnað var til að reka
skíðaskóla á svæðinu til ársins
2000. „Eftir 2000 og fram á þenn­
an dag hefur eingöngu verið rekin
hér gisti­ og veitingaþjónusta. Árið
2008 komu 500.000 ferðamenn til
landsins og um 8.000 þeirra heim­
sóttu Kerlingarfjöll eða um 1,6
prósent allra þessara gesta lands­
manna. Með sívaxandi straumi er­
lendra ferðamanna hefur þetta hlut­
fall haldist þannig að sífellt fleiri
heimsækja okkur ár hvert. Íslensk­
um ferðamönnum fjölgar líka en
flestir þeirra sækja í gönguferðir
hér um svæðið.“
Styttri og lengri gönguferðir eru
vinsælar í Kerlingarfjöllum og ná­
grenni þeirra, bætir Páll við. „Það
má segja að þrenns konar flokkar
gönguleiða séu í boði. Í fyrsta lagi
er hægt að ganga á fjöll hér í ná­
grenninu, til dæmis Snækoll. Þaðan
er eitt besta útsýni sem um getur
á landinu. Í öðru lagi má ganga
um hverasvæðin í Hveradölum,
þar sem litadýrð er mikil og um­
hverfi magnað. Loks má nefna
þann möguleika að ganga meðfram
giljum Jökulfallsins, sem er einn­
ig mjög áhugavert og fallegt land­
svæði. Úrval gönguleiða hér og í
grenndinni er því mjög fjölbreytt,
sérstaklega þegar haft er í huga að
úr Kerlingarfjöllum er innan við
klukkustundar akstur í Hvítárnes,
að Þverbrekknamúla og á Hvera­
velli. Svo má líka nefna Þjórsárver
en þangað er heldur lengra að fara.“
góð aðstaða
Ýmis ferðafélög og gönguklúbbar
skipuleggja reglulega ferðir í Kerl­
ingarfjöll auk þess sem fært er
þangað yfir sumartímann á öllum
gerðum bifreiða. Þar má finna
tjaldstæði og boðið er upp á svefn­
pokapláss og gistingu í uppbúnum
rúmum. Eldunaraðstaða er á staðn­
um fyrir gesti og einnig veitinga­
staður.
Nánari upplýsingar má m.a. finna á
www.kerlingarfjoll.is.
ótrúleg litadýrð og náttúra
Stórkostlegt landslag, fjölbreytt jarðfræði og ótrúleg litadýrð eru meðal einkenna Kerlingarfjalla. Straumurinn þangað
vex með hverju árinu og njóta þau sívaxandi vinsælda hjá bæði innlendum og erlendum ferðamönnum.
Fjölmargar skemmtilegar gönguleiðir eru í Kerlingarfjöllum og nágrenni. MYND/PÁLL GÍSLASON
Páll Gíslason rekur Hálendismiðstöðina
í Kerlingarfjöllum.
Fjölmargar skemmtilegar gönguleiðir eru í Kerlingarfjöllum og nágrenni.
MYND/PÁLL GÍSLASON
2 4 . á g ú s t 2 0 1 6 M I Ð V I K U D A g U R6 F ó l K ∙ K y n n I n g A R b l A Ð ∙ F e R Ð I R
2
4
-0
8
-2
0
1
6
0
3
:5
0
F
B
0
5
6
s
_
P
0
3
9
K
.p
1
.p
d
f
F
B
0
5
6
s
_
P
0
3
0
K
.p
1
.p
d
f
F
B
0
5
6
s
_
P
0
1
8
K
.p
1
.p
d
f
F
B
0
5
6
s
_
P
0
2
7
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
A
5
3
-9
8
8
C
1
A
5
3
-9
7
5
0
1
A
5
3
-9
6
1
4
1
A
5
3
-9
4
D
8
2
7
5
X
4
0
0
.0
0
1
4
B

F
B
0
5
6
s
_
2
3
_
8
_
2
0
1
6
C
M
Y
K