Morgunblaðið - 25.10.2016, Blaðsíða 23

ar hún myndi vakna, en innst inni
vissi ég að raunin var önnur og
vildi ekki hugsa það til enda, en allt
hrundi þegar hjúkrunarkonan
sagði við okkur: hún er farin, og
fór með okkur yfir í herbergið til
þín, elsku mamma mín. Ég tók í
hönd þín og strauk hana og kyssti
og hún var svo mjúk ég strauk
kinn þína og kyssti enni þitt og húð
þín var svo mjúk, ég strauk yfir
hár þitt sem er eins og silki. Þú
varst svo falleg, elsku mamma
mín, bæði að utan sem innann. Ég
er svo þakklát með þig fyrir
mömmu og ömmu barnanna okk-
ar. Þú varst svo mikill listamaður,
allt sem þú gerðir varð fallegt í
þínum höndum, sama hvað það
var. Það er svo sárt til þess að
hugsa að nú getur maður ekki
heimsótt þig í Grundarfjörð sest
niður og talað eins og maður gerði
þegar maður kom. Ég ætlaði að
fara að kíkja oftar til þín en það er
of seint núna. Ó, hvað ég sakna
þín, mamma. Guð geymi þig, hvíl í
friði, mamma. Ég elska þig að ei-
lífu.
Engillinn mamma mín
Ó, hve sárt er þig að missa,
söknuðurinn mikill er.
Mig langar þig að knúsa og kyssa,
ég geri það seinna þegar ég fer.
Sterk ert þú mamma mín,
veikindin á þig herja.
samt þú skapar, listin er þín,
dauðinn fór dyrnar að berja.
Þennan heim þú kvaddir fljótt,
þú gekkst í ljósið bjarta.
Svefninn tók þig ansi hljótt,
með Guð í þínu hjarta.
(Líney Rakel Jónsdóttir.)
Þín dóttir,
Líney Rakel Jónsdóttir.
Elsku Helga amma, mikið var
ég sorgmædd þegar ég fékk fréttir
af því að þú værir dáin. Þú varst
svo mikil listakona og prjónaðir
bangsa handa mér sem var í flott-
um ballettfötum sem þú prjónaðir
líka. Þegar ég bjó í Grundarfirði
þá kom ég oft í heimsókn til þín
með ömmu og Jasmín og þá leyfðir
þú mér að lita mynd, spila spilið
þitt og fara stundum í tölvuleik. Þú
bauðst alltaf upp á kex og mjólk og
lést mig fá lítinn bolla með und-
irskál svo ég gæti hellt mjólkinni á
undirskálina og drukkið hana
þannig. Svo varstu svo dugleg að
vinna í fallega garðinum ykkar afa
sem er algjör lystigarður og ég og
Alba systir vorum oft að hlaupa
eftir steinunum sem voru á stígn-
um og fórum í steinaleik í garð-
inum, svo voru líka fallegir steinar
í beðinu sem þú varst búin að mála
og gera fína, fullt af fallegum
blómum og trjám sem gerðu garð-
inn svo fallegan. Ég, Alba og
Magnús bróðir söknum þín enda-
laust og elskum þig mjög mikið, ég
bið góðan guð um að passa þig
þangað til við hittumst aftur, ég
sakna þín mikið, elsku besta Helga
amma.
Kveðja,
Emma Lind.
Elsku amma, mikið er erfitt að
þurfa að sætta sig við það að þú
sért farin, en ég veit samt að þér
líður vel núna og þarft ekki að
þjást lengur. Ég get rétt ímyndað
mér hvernig himnaríki lítur út eft-
ir að þú komst þangað, allt í blóm-
um og svo fallegt og friðsælt.
Margar eru minningarnar sem þú
skilur eftir og það eru þær sem
munu ylja manni um hjartarætur
á erfiðum dögum. Ég var ekki auð-
veldur krakki og skammarstrikin
mín svolítið mörg en þú vissir allt-
af hvernig átti að taka á því. Þú
varst svo ákveðin en samt alltaf
svo hlý. Þú og Steini pössuðuð allt-
af svo vel upp á mig og ég mun allt-
af vera svo þakklát fyrir það, þið
voruð í svo miklu uppáhaldi hjá
mér. Það var alltaf svo gaman að
koma heim til ykkar, húsið yfirleitt
fullt af fólki.
Fjölskyldan safnaðist alltaf
saman heima hjá ykkur og gerði
alls konar saman. Til dæmis man
ég vel eftir því þegar við vorum öll
að föndra úr trölladeigi, það var
svo gaman og þú varst svo hæfi-
leikarík í öllu föndri. Þú kenndir
okkur svo margt, til dæmis að búa
til blómvendi úr nælonsokkabux-
um, mála á keramik, prjóna, hekla
og það er endalaust hægt að telja
upp fleira.
Og öll þín listaverk voru svo fal-
leg og gerð með ást og umhyggju.
Svo er mér líka minnisstætt þegar
fjölskyldan kom saman í garðin-
um og hjálpaðist að við að gera
hann fallegan, þú varst svo mikill
snillingur í að gera garðinn flott-
an. Og þú varst svo mikill dýravin-
ur enda sást það hvað öllum dýr-
um leið alltaf svo vel hjá þér og þú
hugsaðir alltaf svo vel um öll dýrin
þín. Ég man líka hvað það var
gaman að fara með þér í göngu-
túra hjá Kirkjufelli að tína fallega
steina. Það var líka alltaf svo kósí,
þegar við krakkarnir vorum yngri,
þá fengum við oft að gista hjá þér
og þá útbjóstu alltaf svo skemmti-
legt, settir dýnur út um allt og við
bjuggum til hús úr borðinu með
því að setja teppi yfir það og svo
horfðum við á mynd saman og
fengum okkur auðvitað popp
með… við áttum það sameiginlegt
(ásamt svo mörgu öðru) að við
elskuðum popp. Þú varst líka allt-
af svo fljót að læra á allt nýtt. Til
dæmis get ég nefnt að þú varst
ábyggilega klárari en mörg okkar
ungmennanna í tölvu og þú varst
alltaf til í að læra eitthvað nýtt.
Elsku besta amma, fallegi eng-
illinn minn, sofðu rótt og við
sjáumst þegar minn tími kemur.
Ég elska þig að eilífu.
Kristjana Ósk.
Elsku amma, þú varst besta
amma í öllum heiminum, ég á eftir
að sakna þín svo mikið, ég trúi því
varla að þú sért farin. Það var svo
margt sem við áttum sameigin-
legt, t.d. elskuðum við báðar öll
dýr og okkur fannst báðum gaman
að teikna og mála og föndra ým-
islegt. Við vorum heldur ekki mik-
ið fyrir að vera í fjölmenni. Það var
alltaf svo gott að tala við þig, þú
hlustaðir og skildir allt sem maður
sagði og komst alltaf með góð ráð.
Mér fannst alltaf gott að vera í
pössun hjá þér þegar ég var lítil og
fá að aðstoða þig við að passa litla
strákinn sem var hjá þér í pössun.
Mér og Aroni fannst alltaf svo
gaman að fara að veiða og koma
með fiskinn til þín fyrir kisurnar
þínar sem kunnu vel að meta það.
Og ekki urðu fuglarnir út undan
þeir fengu alltaf brauð, ávexti og
korn. Elsku amma, ég veit að við
hittumst aftur þegar minn tími
kemur en þangað til mun ég sakna
þín.
Ágústa Hrönn Smáradóttir
Stolzenwald.
Elsku Helga amma. Ég man
svo vel eftir því þegar ég kom í
heimsókn til þín og bað um kex, þá
varst þú alltaf tilbúin að gefa mér
kex og leyfðir mér meira að segja
stundum að klára pakkann þótt
mamma leyfði mér það ekki. Af
því að þannig eru ömmur. Einn
daginn gafst þú mér penna og liti
og meira að segja sérstaka liti sem
var hægt að nota með vatni svo
þeir breyttust í vatnsliti. Þú gafst
mér þetta út af því að þú vildir að
ég væri listamaður eins og þú.
Elsku amma, ég sakna þín mjög
mikið, viltu knúsa hana systur
mína á afmælisdaginn hennar fyr-
ir mig. Þinn
Alfreð Ragnar.
Æ elsku amma mín, manstu
eftir öllum góðu minningunum
sem við áttum saman? Eins og
þegar ég, þú og Kristófer vorum
alltaf að gista saman og þú varst
að passa okkur, við vorum ekki
þeir auðveldustu til að passa en
það skipti þig aldrei neinu máli því
þú sást alltaf fyrir það sem við vor-
um að gera, hvort sem það var að
læðast út á nóttinni eða með fífla-
læti og vesen. Þessi minning mun
sitja í mér alla ævi því þetta voru
tímarnir sem ég var mest með þér.
Þú varst ótrúleg manneskja og
það er ekki hægt að líkja þér við
neinn. Þú varst svo hjartahlý og
ótrúlega hæfileikarík. Það mátti
ekki segja neitt illt um neinn því
þú sagðir að það væri enginn al-
slæmur. Mér fannst líka einstak-
lega gaman að fá að koma í fallega
garðinn þinn sem þú hafðir búið til
frá grunni og tína jarðarber og fá
sykur í skál til að dýfa í meðan ég
sat með þér og spjallaði um allt
mögulegt, það var svo notalegt.
Það var hægt að tala við þig um
allt því þú varst einstaklega góður
hlustandi og þú vissir einhvern
veginn alltaf eitthvað um allt. Ég
hef alltaf getað talað við þig um
hvað sem er. Þú varst einstaklega
mikill dýravinur, og það fór alltaf í
taugarnar á mér þegar þú bann-
aðir mér að drepa köngullærnar
því ég var svo skíthræddur við
þær. Ég man líka svo vel eftir því
þegar ég kom í heimsókn til þín
með Klaudiu í fyrsta skiptið, mér
fannst svo gaman að sjá hvað ykk-
ur kom strax vel saman. Klaudiu
þótti afar vænt um þig og hana
langaði að hafa meiri tíma til þess
að hitta þig og kynnast þér. Hún
talaði svo oft um það hversu ynd-
isleg þú værir og hún sá strax um
leið og hún hitti þig fyrst hversu
hjartahlý og yndisleg þú værir.
Elsku amma, það mun alltaf vanta
eitthvað í hjartað mitt eftir að þú
fórst frá okkur, þú áttir svo stóran
part í hjarta mínu. Ég er svo
þakklátur fyrir það að hafa farið
upp á spítala til þín og fá að spjalla
aðeins við þig áður en þú fórst frá
okkur. Klaudiu langaði svo að
koma með upp á spítala að hitta
þig en hún var upptekin, hún hélt
að hún hefði miklu meiri tíma til
þess að fá að kynnast þér og hún
var alveg viss um að þú myndir
hressast og hún beið spennt eftir
því að fá að hitta þig. Ég mun aldr-
ei gleyma seinasta knúsinu okkar
því þetta var eitt dýrmætasta
knús sem ég hef fengið á ævinni.
Ég og Klaudia vorum ekki tilbúin
en þetta gekk alltof fljótt yfir. Ég
mun hlakka til að fá að hitta þig
aftur og spjalla um allt því sam-
tölin við þig voru þau bestu og lær-
dómsríkustu. Elsku amma, þang-
að til næst farðu vel með þig, við
hugsum til þín alltaf. Við elskum
þig endalaust.
Hvíldu í friði
Ljóð til ömmu
Við allt viljum þakka amma mín,
indælu og blíðu faðmlög þín,
þú vafðir oss vina armi.
Hjá vanga þínum var frið að fá
þá féllu tárin af votri brá,
við brostum hjá þínum barmi.
Við kveðjum þig elsku amma mín,
í upphæðum blessuð sólin skín,
þar englar þér vaka yfir.
Með kærleika ert þú kvödd í dag,
því komið er undir sólarlag,
en minninga ljós þitt lifir.
(Halldór Jónsson frá Gili.)
Aron Freyr og Klaudia.
Elsku Helga amma.
Ég hugsa um þig á hverjum
einasta degi, elsku amma mín, og
þín er afar sárt saknað. Ég man
svo vel eftir því að þú varst alltaf
með flottasta garðinn í bænum og
okkur barnabörnunum fannst allt-
af svo gaman að koma og hjálpa til
við að gera garðinn fallegan og
reyta arfa og svona. Ég sakna
þess að geta talað við þig og heyrt
röddina þína. Ég elska þig, amma,
og hafðu það sem allra best á
himnum þangað til að við hittumst
aftur.
Vertu blessuð, elsku amma,
okkar hugsun með þér fer
yfir hafið hinum megin
horfnir vinir fagna þér.
Þó við dóminn skapa ei skiljum,
skýrist margt við kærleiks yl.
Lítil barnssál líka getur
leitað, saknað, fundið til.
(Guðrún Jóhannsdóttir.)
Langt úr fjarlægð, elsku amma mín,
ómar hinzta kveðja nú til þín.
En allt hið góða, er ég hlaut hjá þér,
ég allar stundir geymi í hjarta mér.
Ég man frá bernsku mildi og kærleik þinn,
man hve oft þú gladdir huga minn.
Og glæddir allt hið góða í minni sál,
að gleðja aðra var þitt hjartans mál.
Og hvar um heim, sem liggur leiðin mín
þá lýsa mér hin góðu áhrif þín.
Mér örlát gafst af elskuríkri lund,
og aldrei brást þín tryggð að hinztu stund.
Af heitu hjarta allt ég þakka þér,
þínar gjafir, sem þú veittir mér.
Þín blessun minning býr mér ætíð hjá,
ég björtum geislum strái veg minn á.
(Höf. ók.)
Þín
Freyja Líf.
Elskuleg systir mín er borin til
grafar í dag. Hún lést eftir stutt
veikindi, en það átti enginn von á
því að hún myndi kveðja svo fljótt.
Veikindi hennar voru lengra
gengin en nokkurn grunaði. Hún
er nú engill á himnum, og hún
mun fylgjast með öllum sínum af-
komendum um aldur og ævi.
Hún náði tæplega 62 árum í
aldri en hafði lifað tímana tvenna.
Hún fullorðnaðist mjög snemma
og má nefna að hún var orðin
þriggja barna móðir aðeins 17 ára
og gifti sig 16 ára. Og var aðeins 24
ára þegar börnin voru orðin fimm.
Hún var einstök hæfileikakona,
með mikla listhæfileika í sér.
Börnin hennar hafa öll fengið í
vöggugjöf þá dásamlegu hæfileika
sem hún hafði. Elsku Helga var
sáluhjálp fyrir marga og fann frið-
inn í handavinnu og listsköpun.
Hún kenndi mér margt, til
dæmis að baka, hún var þolinmóð
og skipti aldrei skapi. Hún kenndi
mér að prjóna og hekla, og gaf
mér fyrstu jólagjöfina mína, þegar
ég var fjögurra ára, ég man að ég
var svo feimin að ég skreið undir
borð. Hún kom með jólin líka til
okkar hinna systkinanna, þegar
hún flutti að heiman þá var ég
bara þriggja ára og hún hélt jól og
afmæli með sinni fjölskyldu og ég
gleymi aldrei hvað það var gaman
að vera þátttakandi í undirbún-
ingnum fyrir jólin, að fá að hjálpa
til við að pakka inn og baka og
skreyta. Helga bakaði fullkomn-
ustu smákökur sem ég hef nokk-
urn tíma séð, þær eru ekki bara
fullkomnar í útliti, líka bragðbestu
smákökurnar.
Garðurinn hennar við Nesveg í
Grundarfirði er eins og lystigarð-
ur og einn sá fallegasti sem ég hef
séð.
Hún fann friðinni í garðvinn-
unni og áður en hún flutti til
Grundarfjarðar bjó hún til lysti-
garð við gamla húsið í Selási, þar
sem fjölskylda okkar áður bjó í á
Háaleitisbrautinni, en hafði verið
flutt upp á Selásblett í Norðlinga-
holti. Hún ólst upp í þessu húsi þar
til hún var 11 ára.
Ég var mikið hjá Helgu sem
barn og unglingur, en þegar ég
var barn þá var ég bara ein af
hennar fjölskyldu og var að passa
alla krakkana og hjálpa til við
heimilisstörfin að einhverju leyti.
Á mínum unglingsárum var gott
að eiga athvarf hjá Helgu því þeg-
ar unglingaþvermóðskan var í
hæstu hæðum var alltaf gott að
leita til hennar með þau mál sem
upp komu. Helga var eins og
skjöldur sem gott var að koma til
og skýla sér við og finna ró.
Hún var stoð og stytta barna og
ömmubarna sinna, hlustaði og
ráðlagði, huggaði og var alltaf til
staðar fyrir þau.
Mig langar að enda kveðjuorðin
mín til Helgu á orðum sem hljóma
svo rétt.
Við getum grátið yfir dauða
hennar eða við getum glaðst yfir
lífi hennar. Við getum lokað aug-
unum og beðið bæn um að fá að sjá
hana aftur, eða við getum opnað
augun og séð allt sem hún skildi
eftir.
Elsku hjartans Helena, Bald-
vin, Linda, Líney og Anna Björg
og fjölskyldur, við biðjum góðan
Guð um að styrkja ykkur á þess-
um erfiðu tímum. Nú er Helga ein
af englunum sem yfir okkur vakir.
Ólöf Rún Tryggvadóttir
og fjölskylda.
MINNINGAR 23
MORGUNBLAÐIÐ ÞRIÐJUDAGUR 25. OKTÓBER 2016
Virðing,
reynsla
& þjónusta
Allan
sólarhringinn
571 8222
Svafar:
82o 3939
Hermann:
82o 3938
Ingibjörg:
82o 3937
www.kvedja.is
svafar & hermann
Útför
DR. JÓNS ÞÓRS ÞÓRHALLSSONAR,
fv. forstjóra Skýrr, Akurgerði 31,
fer fram í Kópavogskirkju fimmtudaginn 27.
október klukkan 13.
.
Vinir og vandamenn.
Ástkær eiginmaður minn, faðir okkar og
tengdafaðir,
KJARTAN GÚSTAFSSON,
Ólafsfirði,
lést 14. október síðastliðinn. Útförin fer
fram frá Ólafsfjarðarkirkju fimmtudaginn 27.
október og hefst klukkan 14.
.
Ólöf Þorvaldsdóttir
Jóhanna Kjartansdóttir Atli Hörður Bjarnason
Margrét A. Kjartansdóttir Andrés Ingiberg Leifsson
Ari Jón Kjartansson Elín Ása Hreiðarsdóttir
Sveinn Þór Kjartansson
Ástkær eiginmaður minn,
GUÐNI RUNÓLFSSON
frá Bakkakoti 1, Meðallandi, síðast til
heimilis að Sigöldu 6 á Hellu,
lést 18. október á Hjúkrunar- og
dvalarheimilinu Lundi á Hellu. Útförin fer
fram frá Oddakirkju á Rangárvöllum laugardaginn 29. október
klukkan 11.
F.h. aðstandenda,
.
Ingunn Anna Hilmarsdóttir.
Ástkær móðir okkar, tengdamóðir, amma
og langamma,
FRIÐMEY EYJÓLFSDÓTTIR
hjúkrunarfræðingur,
lést 20. október. Útförin fer fram frá
Fríkirkjunni í Reykjavík föstudaginn
28. október klukkan 15.
.
Gunnlaugur Ástgeirsson Ósk Magnúsdóttir
Kristín Ástgeirsdóttir
Ólafur Ástgeirsson Aldís Einarsdóttir
Kári Gunnlaugsson Árný Bergsdóttir
Freyja Gunnlaugsdóttir Egill Arnarson
Ástgeir Ólafsson
Baldur Kárason
Elskulegur og hjartkær faðir okkar og bróðir
minn,
INGVAR EMILSSON
haffræðingur,
lést á sjúkrahúsi í Mexíkóborg föstudaginn
21. október. Minningarathöfn fer fram síðar
í Reykjavík.
.
Kristján Ingvarsson,
Tryggvi Ingvarsson Emilsson,
Elín Margrét Emilsson Ingvarsdóttir,
Hulda Emilsdóttir.