Morgunblaðið - 25.10.2016, Side 33

MENNING 33
MORGUNBLAÐIÐ ÞRIÐJUDAGUR 25. OKTÓBER 2016
Myndlistarmað-
urinn Birgir
Breiðdal, Biggi,
snýr aftur eftir
nokkurra ára
fjarveru og opn-
ar sýningu á
Bryggjunni
Brugghús i í dag
kl. 18.
Innblástur
sinn í listinni sækir Birgir beint í
arkitektúr, en hann nam fagið í Míl-
anóborg til margra ára. Á árunum
2005-2008 helgaði Biggi sig ein-
göngu myndlistinni, hélt margar
sýningar og prýða myndir hans
fjölmörg heimili hérlendis sem og
erlendis.
Birgir sýnir á
Bryggjunni
Birgir Breiðdal
Hildur Loftsdóttir
hildurl@mbl.is
FUBAR nefnist nýtt sólódansverk
sem Sigríður Soffía Níelsdóttir, eða
Sigga Soffía, frumflytur í Gamla bíói
annað kvöld kl. 20. Til liðs við sig
hefur hún fengið Jónas Sen tónskáld
sem semur tónlistina, Hildi Yeoman
fatahönnuð sem sér sér búninga og
Helga Má Kristinsson myndlist-
armann sem hannar sviðsmynd og
ljós.
Sýningarnar þar verða alls sex og
síðan mun hún ferðast út á land.
Einnig munu Sigga Soffía og Jónas
koma fram á Airwaves í Kaldalóni í
Hörpu hinn 2. nóvember með lögin
úr sýningunni og fleiri til.
Afsprengi hryðjuverkaógnar
Sigga Soffía segir þessa sýningu
mun persónulegri enn fyrri verk sín.
„Yrkisefnið er ég sjálf. Í verkinu
segi ég skemmtisögur af kómískum
mómentum sem ég hef upplifað sem
dansari, atvikum sem ég hef lent í og
hafa áhrif á líf mitt. Og sumar sög-
urnar eru frekar persónulegar,“
segir hún.
Sigga Soffía segir frá því að hún
hafi verið stödd í París í nóvember í
fyrra þegar hryðjuveraárásin átti
sér stað.
„Sýningin er afsprengi þess að
ég og maðurinn minn vorum stödd
400 metra frá árásarstaðnum, en
vorum sem betur fer inni á hóteli
þegar skothríðin byrjaði. Tveimur
dögum seinna voru sprengdir flug-
eldar á Place de la Republique
torginu, og hundrað manns komu
hlaupandi og öskrandi inn í hverfið
að það væri maður að sprengja sig í
loft upp. Við lentum inni í hópi
fólks sem var skelfingu lostið,
hlupum með því og enduðum inni í
verslum í felum ásamt 40 öðrum
túristum. Þessi ótti og skelfing var
afleiðing hryðjuverka. Þannig að
ég segi sögur af því þegar ekkert
gerðist, en allt gerðist,“ segir
Sigga Soffía.
„Upplifun mín og mannsins míns
var svo ólík. Mér fannst þetta vera 4
mínútur en hann vill meina að við
höfum verið í 20 mínútur í felum.
Það er eins og við höfum ekki upp-
lifað sama atburðinn. Verkið er
abstrakt nálgun á því hvernig ég
upplifði atburðinn.“
Meginþemað er
hraðabreytingar
„Inn í þessa frásögn tvinna ég
sögur af dansferli mínum og hvern-
ig þær tengjast því hvernig ég
hegðaði mér þennan dag. Þannig að
þessi litlu sögubrot eru tengd
þessu, þótt það sé ekki á mjög
greinilegan hátt. Þetta eru eins og
brotakenndir kaflar sem eru ekki
einu sinni í réttri tímaröð. Þetta eru
í raun brot úr undirmeðvitund
minni,“ segir Sigga Soffía til að lýsa
verkinu.
„Ég var í sirkusskóla fyrir nokkr-
um árum og söng í óperu eftir Barða
Jóhannsson, Sjón og Keren Ann í
Frakklandi árið 2011 þannig að inn í
þetta verk tek ég þá hluti sem ég hef
verið í sem dansari, alla mína
reynslu. Ég hef unnið mjög stór
verk undanfarin ár, eins og flug-
eldasýninguna á Menningarnótt
2013-2015,“ segir Sigga Soffía sem
hefur verið að vinna að FUBAR sl.
hálft ár.
„Mig langaði núna að vinna bara
nákvæmlega það sem mér finnst
spennandi í hreyfingu. Dansinn er
mitt heimasvæði og ég vildi fara
djúpt í hreyfiefni, því mér finnst það
mest spennandi við listir. Meg-
inþemað í dansinum sjálfum eru
hraðabreytingar, eins og þegar mað-
ur upplifir eitthvað í „slow motion“,
eins og tíminn stoppi af því að eitt-
hvað hræðilegt er að gerast. Ég tek
þetta inn í dansinn. Allt í einu dansa
ég í „slow motion“ í heila mínútu.
Verkið er í raun líka rannsókn á
hreyfiefni.“
Spuni í stúdíói
Sigga Soffia segir að samvinna
þeirra Jónasar hafi verið mjög náin,
en hann frumsemur alla tónlistina
við verkið.
„Það er búið að vera mjög
skemmtilegt og við höfum verið
mjög mikið tvö saman að gera spuna
í stúdíóinu og vinnum alltaf út frá
sama yrkisefninu. Ég prófa að
syngja einhverjar laglínur inn á og
hann vinnur þær áfram. Einn daginn
vinnum við bara með einhvern þátt;
þoku, tíma eða hræðslu og Jónas
spinnur lag út frá því og ég bý til
dans. Þetta er allt frumsamin tónlist
hjá honum og hann spilar auk þess á
öll hljóðfærin í sýningunni; píanó,
flautu, rafhljóðfæri og fleira, það er
nóg að gerast.“
Listaspjall og djassgjörningur
„Mig langaði að gera meira úr
sýningunum í Gamla bíói, búa til
stærri viðburð og fá fleiri listamenn
til liðs við mig. Leikhúsin eru orðin
eini staðurinn þar sem fólk kemur
saman reglulega, hittist í hléi og
spjallar um lífið og listina,“ útskýrir
Sigga Soffía. „Það verður lista-
mannaspjall eftir allar sýningarnar
leitt af mismunandi fólki, eins og rit-
höfundum, uppistandara, leikstjóra
og tónlistarfólki. Þannig getur fólk
setið lengur og hlustað á spjallið.
Frammi í anddyri verður líka djass-
band, stýrt af Haraldi Ægi, sem
verður með gjörninginn Composual.
Þeir flytja lifandi djass og á meðan
málar listmálari mynd af tónlistinni.
Þetta verður skemmtileg kvöldstund
fyrir fólk í æðislegu húsi sem er svo
ríkt af sögu og list,“ segir Sigga
Soffía og bendir á að hægt sé að
velja sér sýningu út frá því hver
stjórni listaspjallinu, og fyrir þá sem
vilji frekar með verkinu sé gott að
kíkja á SiggaSoffiaInc á Instagram.
Brot úr undirmeðvitundinni
 Í nýju dansverki sínu sem byggist á kómískum atriðum úr lífi Siggu Soffíu
sem dansari og persónulegri upplifun á hryðjuverkaógn mun hún nýta reynslu
sína af mörgum sviðum listarinnar eins og söng og sirkuslistum
Ljóssmynd/Marinó Thorlacius
Ég sjálf „Yrkisefnið er ég sjálf. Í verkinu segi ég skemmtisögur af kómískum augnablikum sem ég hef upplifað sem dansari, atvikum sem ég hef lent í og
hafa áhrif á líf mitt. Og sumar sögurnar eru frekar persónulegar,“ segir Sigríður Soffía Níelsdóttir um nýtt dansverk sitt sem frumsýnt verður á morgun.