Morgunblaðið - 07.11.2016, Page 1
M Á N U D A G U R 7. N Ó V E M B E R 2 0 1 6
Stofnað 1913 261. tölublað 104. árgangur
SKÓLADRAUG-
URINN LIFIR
GÓÐU LÍFI
SPÁ
ÁFRAM
VEIKINGU
ALFREÐ Á
ÓSKALISTA
ÞJÓÐVERJA
BRESKA PUNDIÐ 14 HANDBOLTI ÍÞRÓTTIRBÓKAVERÐLAUN 12
AFP
Kosningar FBI segir ekkert saknæmt hafa
fundist í nýjum tölvupóstum Hillary Clinton.
Yfirmaður bandarísku alríkislög-
reglunnar (FBI), James Comey,
segir ekkert saknæmt hafa fundist í
tölvupóstum forsetaframbjóðand-
ans Hillary Clinton, en stofnunin
tók tölvupóstana aftur til rann-
sóknar eftir að áður óséðir póstar
fundust í lok síðasta mánaðar.
Í júlí sagði Comey að Clinton
hefði sýnt kæruleysi þegar hún
sendi og tók við tölvupóstum þegar
hún gegndi embætti utanríkis-
ráðherra Bandaríkjanna, en það
væri ekki saknæmt.
Kosið verður til forseta Banda-
ríkjanna á morgun og hefur Clinton
forskot á Donald Trump samkvæmt
nýjustu könnunum. Báðir fram-
bjóðendur hafa þéttbókaða dagskrá
í dag. »15-16
FBI segir ekkert
saknæmt vera í
póstum Hillary
Sigurður Bogi Sævarsson
sbs@mbl.is
Lögregla hefur grunsemdir um að
hingað komi menn til starfa, til
dæmis í byggingariðnaði, sem séu
gerðir út á vegum mansalshringja
erlendis. Til stendur að kanna þessi
mál frekar á næstunni. Þetta segir
Grímur Grímsson, yfirmaður deildar
skipulagðrar glæpastarfsemi hjá
Lögreglunni á höfuðborgarsvæðinu,
í samtali við Morgunblaðið.
Hjá deildinni, sem tók til starfa
fyrir nokkrum misserum með breyt-
ingum og uppstokkun á starfsemi
LRH, er sérstakur fulltrúi sem sinn-
ir mansalsmálum, sem eru nokkuð
stór málaflokkur. Fulltrúinn hefur
kannað stöðu mála þar sem ýmsar
stórframkvæmdir standa yfir, það
er hvort byggingaverkamenn þar
svo og fólk af erlendum uppruna
sem starfar í ferðaþjónustunni hér á
landi séu hugsanleg fórnarlömb
mansals.
Í þessari vinnu hefur lögreglan
haft með sér fulltrúa stéttarfélaga,
ríkisskattstjóra, Vinnueftirlits og
fleiri. Ekkert staðfest hefur þó kom-
ið út úr þessari rannsókarvinnu, enn
sem komið er, svo sem að slíkt mál
endi með aðkæru og dómi. „Með
nýjum aðferðum í rannsóknum og
betri þekkingu getum við kafað
dýpra í þessi mansalsmál, til dæmis
þau sem tengjast vændi,“ segir
Grímur.
Grunsemdir um mansal
Byggingariðnaður og ferðaþjónusta í skoðun hjá lögreglu Fólk við störf á
Íslandi hugsanlega gert út á vegum aðila erlendis Nýjar rannsóknaraðferðir
MViljum ofar... »6
PJ Harvey, sem verið hefur í fremstu röð hljóm-
listarkvenna í langan tíma, sló botninn í tón-
listarhátíðina Iceland Airwaves þegar hún hélt
stórtónleika í Valshöllinni í gærkvöldi. Hátíðin
er sögð hafa gengið afar vel í ár, en alls komu
þar fram um 220 listamenn á tæplega 300 tón-
leikum. Áhorfendur eru ekki einir um að hafa
skemmt sér á hátíðinni því erlendu listamenn-
irnir eru einnig sagðir vera í skýjunum. »26-27
Morgunblaðið/Freyja Gylfa
Um 220 listamenn á nærri 300 tónleikum á Iceland Airwaves og almenn ánægja með hátíðina
Rokkuðu sig
inn í nóttina
Alls tóku ríf-
lega 400 björg-
unarsveitarmenn
víða um land þátt
í útköllum
helgarinnar, þar
af nærri 200 í leit
að tveimur
rjúpnaskyttum á
Snæfellsnesi.
Skytturnar komu í leitirnar í gær,
hraktar og kaldar, eftir að hafa
verið týndar í sólarhring. Þá var
leitað að rjúpnaskyttu við Botns-
súlur á laugardag og í gærkvöldi
var maður sóttur upp í Gunnólfs-
víkurfjall á Langanesi, en sá kom
sér þar í sjálfheldu. »2 og 4
Um 400 manns tóku
þátt í leit um helgina
„Okkur hérna á Orkustofnun finnst
mikilvægt að eiga þessi samtöl. Ég
tel að sveitarfélögin hafi ekki áttað
sig á stöðunni. Sjálfsagt halda marg-
ir að einhver beri ábyrgð á því að
tryggja orkuöryggi og framboð raf-
orku en svo er ekki,“ segir Erla
Björk Þorgeirsdóttir, verkefnisstjóri
hjá Orkustofnun, sem hefur verið að
funda með sveitarfélögum um stöð-
una í orkumálum á viðkomandi
svæði. Áhyggjur eru uppi víða um
land um flutningskerfi raforku og
ótryggt afhendingaröryggi.
„Þetta er virkilegt áhyggjuefni því
byggðalínan ræður ekki við þetta,“
segir Anna Alexandersdóttir, forseti
bæjarstjórnar Fljótsdalshéraðs.
Erla Björk segir að flutningskerf-
ið sé nánast sprungið. „Það hefur
gengið illa að byggja upp flutnings-
kerfið, þannig að það gengur mjög
erfiðlega að flytja orku um landið. Ef
menn vilja uppbyggingu á sínum
svæðum verða þeir hinir sömu að
láta sig orkumál varða. Þetta mun
ekki gerast af sjálfu sér,“ segir Erla,
en Orkustofnun hefur óskað eftir
samvinnu við sveitarfélögin um að
kanna möguleika á virkjunum. »10
Flutningskerfi raf-
orku nær sprungið
Kristján H. Johannessen
khj@mbl.is
Bjarni Benediktsson, formaður
Sjálfstæðisflokksins, ræddi í gær
símleiðis við Guðna Th. Jóhannes-
son, forseta Íslands. Þetta staðfestir
forsetaskrifstofan við blaðið, en efni
símtalsins fékkst ekki uppgefið.
Bjarni hafði áður sagst ætla veita
forseta upplýsingar um gang kom-
andi stjórnarmyndunarviðræðna og
var helgin m.a. nefnd í því samhengi.
Frá því að Bjarni tók við umboði
til stjórnarmyndunar frá forseta Ís-
lands hefur hann átt formlega fundi
með forsvarsmönnum allra flokka á
Alþingi auk þingflokks síns.
Morgunblaðið hafði í gær samband
við forsvarsmenn flestra þessara
flokka og segja þeir m.a. næstu skref
byggjast á trausti og trúnaði.
„Staðan er þessi; það eiga sér stað
óformleg samtöl á milli forystufólks.
Menn eru bara að hugsa hvað ber í
milli, hverjir geta starfað saman og
hvernig næsta kjörtímabil mun líta
út,“ sagði einn þeirra.
Óttarr Proppé, formaður Bjartrar
framtíðar, sagði Bjarna hafa hringt í
sig síðdegis í gær. »2 og 4
Kynnti forseta stöðuna
Bjarni hringdi í Guðna og formann Bjartrar framtíðar
Bjarni
Benediktsson
Guðni Th.
Jóhannesson