Morgunblaðið - 24.11.2016, Qupperneq 34

34 ÍSLENDINGAR
MORGUNBLAÐIÐ FIMMTUDAGUR 24. NÓVEMBER 2016
Guðbjörg Björgvinsdóttir, sem rekur Ballettskóla GuðbjargarBjörgvins, á 70 ára afmæli í dag. „Við munum fagna 35 ára af-mæli skólans á næsta ári, en ég stofnaði hann árið 1982. Við
erum með nemendur á öllum aldri, þeir yngstu eru þriggja ára og svo
eru fullorðnir nemendur sem hafa hætt en sakna ballettsins og vilja
koma aftur. Það eru konur á öllum aldri.“
Guðbjörg byrjaði í ballett sex ára gömul og var í Balletskóla Sigríð-
ar Ármann. „Ég fór síðan í Ballettskóla Þjóðleikhússins og þar kvikn-
aði áhuginn fyrir alvöru og þá varð ekki aftur snúið. Ég varð að-
stoðarkennari í Þjóðleikhúsinu innan við tvítugt og kenndi hjá Sigríði
Ármann og Eddu Scheving þangað til ég stofnaði minn eigin ballett-
skóla.
Við erum alltaf með sýningar tvisvar á ári, eina stóra á vorin þar
sem allir taka þátt og er í Borgarleikhúsinu og jólasýningu. Í ár verð-
ur jólasýningin 3. desember og þar verðum við með dansa fyrir sjö
ára og eldri og spilum jólalög. Núna erum við að máta búninga og það
er alltaf skemmtilegur tími og afmælisdeginum verður eytt í þannig
vinnu með nemendunum. Síðan fagna ég afmælinu með fjölskyldu og
vinum um helgina. Veturinn snýst allur um ballettinn en á sumrin för-
um við hjónin á húsbílnum okkar um landið.“
Eiginmaður Guðbjargar er Ómar Jónsson, sem vinnur hjá Reykja-
víkurborg, og börn hennar eru Björgvin Sigurðsson, sérfræðingur í
tæknideild lögreglunnar, og Sigríður María Sigurðardóttir, fram-
kvæmdastjóri hjá Arena dansverslun.
Ásamt nemendum Guðbjörg að kenna ballett síðasta laugardag.
Lífið hefur snúist í
kringum ballettinn
Guðbjörg Björgvinsdóttir er sjötug í dag
Á
srún Davíðsdóttir fædd-
ist 24. nóvember 1946 í
Bár í Neskaupstað en
var alin upp í Miðstræti
18. Snemma kom í ljós
mikill tónlistaráhugi og sönggleði og
fimm eða sex ára fór hún að syngja
opinberlega við ýmsar athafnir í
Neskaupstað, t.d. á sumardaginn
fyrsta og 17. júní, með Guðnýju Ósk-
arsdóttur, sem er ári yngri og upp-
alin í sama húsi.
„Ég gekk í barnastúkuna Vorperlu
og þar var mikið sungið, mamma var
í kirkjukórnum, ég fór með henni á
æfingar og í messur, söng með og
lærði sálma, öll erindi og öll lög og bý
að því enn. Pabbi var líka í tónlist-
inni, hann stjórnaði kór í Gagnfræða-
skóla Norðfjarðar, þar sem hann
kenndi, og var einn af þeim sem
stóðu að stofnun Tónlistarskóla
Neskaupstaðar og þar byrjaði ég að
læra á orgel hjá Jóni Ásgeirssyni
tónskáldi.
Við fluttum suður þegar ég var
komin á 11. ár og sigldum suður með
Goðafossi í byrjun nóvember. Í
Kópavoginum hef ég búið síðan (utan
eins árs í Hafnarfirði), gekk í Kárs-
nesskóla og Kópavogsskóla, síðan
Gagnfræðaskóla Austurbæjar og
lauk gagnfræðaprófi frá Flensborg í
Hafnarfirði. Ég var lengi að stefna á
að fara í kennaranám, en frestaði því,
var upptekin upp fyrir haus í skáta-
starfi, þar sem ég kynntist eig-
inmannsefninu, Haraldi og tengda-
foreldrum mínum, Steinu og Friðrik.
Ég var farin að vinna, fyrst í mjólk-
urbúð, meðfram námi, síðan hjá
Sýslumanni í Hafnarfirði, við versl-
unarstörf í Tíbrá og á lögfræðiskrif-
stofu, en ekki ákveðin í hvað ég vildi
fyrr en auglýsing birtist í fjölmiðlum,
haustið 1973; Garðar Cortes var að
stofna Söngskólann í Reykjavík – þar
með voru örlög mín ráðin, ég vissi ná-
kvæmlega hvað ég vildi.
Ég lauk almennu söngnámi, hélt
áfram í háskóladeild og tók bæði ein-
söngvarapróf og söngkennarapróf og
fór utan í framhaldsnám, var gesta-
nemandi við Tónlistarháskólann í
Vínarborg. Ég fór að vinna hluta-
starf við Söngskólann meðfram nám-
inu og síðan fullt starf við söng-
kennslu og varð síðar aðstoðar-
skólastjóri.“
Sungið víða um heim
Á þessum árum stofnaði Garðar
Kór Söngskólans, sem síðan þróaðist
yfir í að verða Kór Íslensku óp-
erunnar, þegar hann stofnaði
óperuna. Ásrún kom að stofnun
Ásrún Davíðsdóttir aðstoðarskólastjóri – 70 ára
Á góðri stundu Ásrún, í miðið, ásamt systrum, mági og eiginmanni á sólpallinum heima í Kópavogi.
Örlögin ráðin við
stofnun Söngskólans
Reykjavík Írena Líf og Dögun Líf Antonsdætur fæddust 24. nóvember 2015 á
Landspítalanum við Hringbraut. Írena vó 2.130 g og var 45 cm og var fædd klukk-
an 03.28. Dögun vó 2.740 g og var 46 cm og var fædd klukkan 03.50 Foreldrar
þeirra eru Rebekka Ósk Friðriksdóttir og Anton Kristinn Guðmundsson. Þær
eru 1 árs gamlar í dag.
Nýir borgarar
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is