Morgunblaðið - 24.11.2016, Qupperneq 38

38 MENNING
MORGUNBLAÐIÐ FIMMTUDAGUR 24. NÓVEMBER 2016
Það er ekki jafn frægt og málverk
hans af Mónu Lísu, en málverk
Leonardos da Vinci af Jóhannesi
skírara (málað 1513-16) hangir
skammt frá henni í Denon-álmu
Louvre-safnsins og er ekki síður
óviðjafnanlegt. Málverkið af skír-
aranum er nú aftur á sínum stað,
milli tveggja meistaraverka da
Vinci til – Jómfrúarinnar á klett-
inum og Heilagrar Önnu – eftir að
hafa verið í afar nákvæmri tíu mán-
aða hreinsun.
Í tilkynningu frá Louvre segir að
fjölmiðlar hafi fylgst grannt með
hreinsun verksins og hversu langt
yrði gengið við að fjarlægja óhrein-
indi sem hafa safnast á verkið.
Sumum fannst of langt gengið við
hreinsun Heilagrar Önnu, þar sem
bjartir og bláir litir, sem smám
saman höfðu dofnað og horfið,
njóta sín nú vel.
Fullyrt er að líklega hafi ekkert
málverk í safninu verið með jafn
mörg lög af fernisolíu og myndin af
skíraranum. Málverkið var síðast
hreinsað 1802 en síðan hefur fernis-
olía verið borið fimmtán sinnum á
það – þau lög voru fjarlægð og hef-
ur fyrir vikið birt mikið yfir unga
manninum í verkinu, sem áður sást
sem í gulri móðu. Þá nýtur krullað
hár hans sín betur og sjá má feld
sem sveipað er um hann að hluta.
Bjartara yfir Jóhannesi
skírara eftir da Vinci
Dularfullur Hluti málverks da Vinci
af Jóhannesi skírara.
 Fimmtán lög af
fernisolíu fjarlægð
Silja Björk Huldudóttir
silja@mbl.is
„Hugmyndin að þessari sýningu
varð til hjá Önnu Hallin og Guð-
nýju Kristmannsdóttur. Mér fannst
þetta áhugavert efni og ljóst að
þetta gæti orðið mikil sýning og
marglaga. Guðný kemur að norðan
og Anna héðan að sunnan, svo mér
fannst kjörið að vinna sýninguna í
samvinnu við Listasafnið á Ak-
ureyri,“ segir Inga Jónsdóttir,
safnstjóri Listasafns Árnesinga,
um sýninguna Nautn / Conspiracy
of Pleasure sem opnuð verður í
safninu laugardaginn 26. nóvember
kl. 14. Inga og Hlynur Hallsson,
safnstjóri Listasafnsins á Akureyri,
eru sýningarstjórar sýningarinnar.
„Sýningin var sýnd norðan heið-
ar í sumar og verður nú opnuð hér
fyrir sunnan. Í grunninn er þetta
sama sýningin, en auðvitað verður
alltaf blæbrigðamunur þegar verk
eru sýnd í öðrum húsakynnum og
ný verk hafa bæst við.“ Listamenn-
irnir sem verk
eiga á sýningunni
eru auk Önnu og
Guðnýjar þau
Birgir Sigurðs-
son, Eygló Harð-
ardóttir, Helgi
Hjaltalín Eyjólfs-
son og Jóhann
Ludwig Torfason.
„Tímasetning
opnunarinnar
núna er ágæt. Því í aðdraganda
mikillar neysluhyggju er gott að
staldra við og íhuga t.d. spurn-
inguna: Hvar liggja mörkin á milli
þess að leggja eðlilega og mann-
eskjulega rækt við unað og ánægju
annars vegar og hins vegar þess að
gangast þessum eiginleikum
hömlulaust á vald?“ segir Inga og
bendir á að hin ýmsu lögmál og
birtingarmyndir nautnar séu út-
gangspunktur sýningarinnar.
„Listamennirnir fjalla um hug-
takið hver frá sínu sjónarhorni og
forsendum. Þeir efna til orðræðu
um hlutverk nautnar í heim-
spekilegu, listrænu og veraldlegu
samhengi. Í verkunum má sjá þrá-
hyggjukenndar birtingarmyndir
neysluhyggju og kynlífs í samtím-
anum, holdið í myndlistinni, manns-
líkamann sem táknrænt fyrirbæri
og innblástur eða einfaldlega hina
frumstæðu nautn sem oft fylgir
listsköpun, glímunni við efni og
áferð, áráttu og blæti,“ segir Inga.
Spurð hvort ástæða hafi þótt til
að hafa sýninguna bannaða börnum
svarar Inga því neitandi. „Hingað
eru allir velkomnir. Af því að
myndlistin gefur oft tækifæri til að
nálgast hlutina óformlega þá er
þetta kjörinn vettvangur til að taka
á ýmsum álitamálum. Sýningin
veitir t.d. foreldrum og unglingum
tækifæri til að ræða ýmis mál. Svo
gefst börnum kostur á að prófa
spilið „Kúkur og piss“ eftir Jó-
hann,“ segir Inga og bendir á að á
sýningartímanum verði fyrsta
sunnudag í mánuði boðið upp á
fjölskyldustund með vinnusmiðju
sem byggist á umræðum út frá
einu verki, en sú fyrsta er 4. des-
ember.
Þess má að lokum geta að við
opnunina á laugardag flytur Birgir
Sigurðsson gjörning. Sýningin
stendur til og með 11. desember
þegar safnið fer í jólafrí og verður
áfram til sýnis 12. janúar til 26.
mars 2017. Á nýju ári er stefnt að
bæði vinnusmiðjum og sýning-
arspjalli um sýninguna, en það
verður auglýst þegar nær dregur.
Aðgangur að safninu er ókeypis.
Listafólkið Jóhann Ludwig, Helgi Hjaltalín, Birgir, Anna Hallin, Eygló og Guðný við opnun Nautnar í sumar.
„Hvar liggja mörkin“
 Nautn opnuð í
Listasafni Árnes-
inga á laugardag
Inga Jónsdóttir
Breski myndlistarmaðurinn David
Hockney, sem er orðinn 79 ára gam-
all og er einn vinsælasti listamaður
Breta, hefur tekið að sér að hanna
steindan glugga í Westminster
Abbey-kirkjunni til heiðurs El-
ísabetu II. Bretadrottningu.
Hockney segist ætla að gera
landslagsmynd fulla af blómum,
mynd sem verði hátíðleg árið um
kring. Samkvæmt tilkynningu frá
kirkjunni munu yfirvöld þar á bæ fá
að hafa hönd í bagga með hönnun
verksins. Steindi glugginn á að vera
tilbúinn um mitt ár 2018 þegar opn-
aðir verða sýningarsalir í kirkjunni,
helgaðir drottningunni en hún gekk í
hjónaband í Westminster Abbey ár-
ið 1947 og var krýnd þar fimm árum
síðar.
Fyrir fimm árum var Hockney
boðið að mála portrettmynd af
Elísabetu en hafnaði því þá, með
þeim skýringum að hann væri um
þær mundir upptekinn við að mála
myndir ef bresku landslagi, „landinu
hennar“. Ári síðan málaði hann síðan
mynd af henni á iPad.
AFP
Málarinn David Hockney blaðar í flennistórri yfirlitsbók frá Taschen um
feril hans sem nýverið kom á markað og er seld með sérstöku borði.
Gluggi fyrir drottningu
 David Hockney gerir kirkjuglugga
Jólaskeið ERNU 2016 og
servíettuhringur ársins
Íslensk hönnun og smíði síðan 1924
ERNA
Skipholti 3 – Sími 552 0775 – erna.is
Skeiðin er hönnuð af
Ragnhildi Sif Reynisdóttur,
gullsmið og hönnuði
GULL- OG SILFURSMIÐJA
Verð 21.500,-
Verð 12.500,-
LEYNIVOPN.IS
HVERNEINASTADAG
FRÁÞVÍ AÐÉG
MANEFTIRMÉR
„
ALFREÐ FINNBOGASON
LANDSLIÐSMAÐUR Í KNATTSPYRNU
LEYNIVOPN ÞJÓÐARINNAR
“