Morgunblaðið - 29.11.2016, Blaðsíða 36

ÞRIÐJUDAGUR 29. NÓVEMBER 334. DAGUR ÁRSINS 2016
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 517 KR. ÁSKRIFT 5613 KR. HELGARÁSKRIFT 3505 KR. PDF Á MBL.IS 4978 KR. I-PAD ÁSKRIFT 4978 KR.
1. Fegurstu flugfreyjur landsins …
2. Hún prófar ekki …
3. Leitað að konu vegna …
4. Telur Brúnegg hafa blekkt …
»MEST LESIÐ Á mbl.is
FÓLK Í FRÉTTUM
 Tómas R. Einarsson fagnar ásamt
fríðu föruneyti hljómdiskinum Bongó í
Kaldalóni Hörpu í kvöld kl. 20.30. Um
söng sjá Sigríður Thorlacius og Bógó-
míl Font, en auk þeirra troða m.a. upp
Ómar Guðjónsson, Davíð Þór Jónsson,
Einar Valur Scheving, Samúel Jón
Samúelsson og Tómas sjálfur.
Útgáfutónleikar í
Kaldalóni í kvöld
 Myndlist á
Akureyri: Horft
um öxl og fram
á veginn er yf-
irskrift erindis
sem Lárus H.
List, formaður
Myndlistar-
félagsins, flytur
í Listasafninu á Akureyri, Ketilhúsi, í
dag kl. 17. Í fyrirlestrinum fjallar hann
um Myndlistarfélagið, fortíð þess og
framtíð, hvað hefur áunnist síðan fé-
lagið var stofnað og verkefnin sem
framundan eru. Aðgangur er ókeypis.
Horft um öxl og fram
á veginn á Akureyri
 Hilda Örvars fagnar hljómdiskinum
Hátíð með útgáfutónleikum í Fríkirkj-
unni í Reykjavík fimmtudaginn
1. desember og Ak-
ureyrarkirkju sunnu-
daginn 4. desember
kl. 20 bæði kvöld. Atli
Örvarsson útsetur ís-
lensk og norræn jóla-
lög þar sem sameinast
hljóðheimur kvik-
mynda- og þjóð-
lagatónlistar.
Hátíð fagnað í
tveimur kirkjum
Á miðvikudag Suðvestan 3-10, dálítil rigning eða slydda og hiti 1
til 6 stig. Austlægari norðantil á landinu, él og hiti um frostmark.
Á fimmtudag Austan 5-13 m/s. Hægari norðan- og austanlands.
VEÐUR
„Það sem heillaði mig einna
mest var hvernig fólkið á
svæðinu talaði um klúbbinn.
Þetta er um sex þúsund
manna bær og kvennafót-
boltinn er þeim mikilvægur
og þar með er lagður mikill
metnaður í hann, enda hefur
kvennaliðið lent í efri hluta
deildarinnar undanfarin ár,“
segir knattspyrnukonan
Sandra María Jessen sem
nú æfir með Kolbotn
í Noregi. »2
Mikill metnaður
hjá liði Kolbotn
„Það komu bara tvö lið til greina að
fara í, Selfoss og Haukar. Ég tók
ákvörðun frekar seint um að koma
heim. Flest liðin hér heima voru eig-
inlega tilbúin með lið sín. Selfyssing-
arnir voru komnir með þann mann-
skap sem þeir
vildu svo það
fóru ekkert
af stað neinar
viðræður að ráði
við þá og það lá þá
beinast við að fara
aftur til Haukanna,“
segir handknattleiks-
maðurinn Guð-
mundur Árni
Ólafsson.
»3
Ekki pláss á Selfossi
og fór þá í Haukana
,,Mér fannst skrítið til að byrja með
að spila á móti KR, vera ekki í sama
klefanum og hita upp á hinar körf-
urnar,“ segir Björn Kristjánsson í
samtali við Morgunblaðið en hann er
tekinn sérstaklega til umfjöllunar
eftir 8. umferð Dominos-deildarinnar
í körfubolta. Björn var stigahæstur
með 24 stig þegar Njarðvík vann úti-
sigur á Íslandsmeisturunum. »4
Skrítið að mæta
KR til að byrja með
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Erla Rún Guðmundsdóttir
erlarun@mbl.is
Iðn- og verkgreinakeppnin EuroSkills fer
fram í Gautaborg nú í vikulok. Sjö fulltrúar Ís-
lands keppa á mótinu sem tekur þrjá daga.
„Það verða um 500 keppendur frá 28 Evr-
ópulöndum,“ segir Björn Ágúst Sigurjónsson,
formaður Verkiðnar, samtaka um keppnir í
iðn- og verkgreinum á Íslandi.
Björn Ágúst starfar hjá Rafiðnaðar-
sambandinu en hann hefur verið formaður
Verkiðnar frá stofnun árið 2010. Samtökin
standa fyrir Íslandsmótinu í iðn- og verk-
greinum en eiga auk þess aðild að EuroSkills-
og WorldSkills-samtökunum sem standa fyrir
alþjóðlegum mótum.
Aldurstakmark EuroSkills-leikanna miðast
við 25. aldursár en aldursviðmið er í raun eina
þátttökureglan. Ekki er sagt til um hversu
langt viðkomandi megi eða eigi að hafa náð í
námi. „Maður getur verið að byrja [í námi]
eða jafnvel löngu búinn með sveinspróf og far-
inn að vinna.“
Fulltrúar Íslands í ár keppa sem fyrr segir í
sjö iðngreinum. Anton Örn Gunnarsson keppir
í húsasmíði, Axel Fannar Friðriksson í graf-
ískri miðlun, Bjarki Rúnar Steinsson í málm-
suðu, Bjarni Freyr Þórðarson í rafvirkjun, Ið-
unn Sigurðardóttir í matreiðslu, Reynir
Óskarsson í pípulagningum og Sara Anita
Scime í hárgreiðslu. Liðsstjóri er Svanborg
Hilmarsdóttir rafmagnstæknifræðingur.
Samkvæmt upplýsingum á vefsíðu EuroSk-
ills 2016 verða keppnisgreinarnar rúmlega 40 í
ár. Björn Ágúst segir það misjafnt eftir grein-
um hvernig keppnin fer fram.
„Í rafvirkjuninni vinna keppendur verkefni
á bás eins og þegar þeir taka sveinsprófið hér
heima. Í matreiðslu eru þeir auðvitað að elda
og í hárgreiðslunni eru það allskonar hár-
greiðslur en ég er nú ekki mikill sérfræðingur
á því sviði.“
Hann segir það þó sammerkt með öllum
greinum að keppendur fái upplýsingar um
verkefnin áður en út er haldið.
„Svo fara dómarar yfir verkefnið en þeir
hafa leyfi til að breyta því um allt að 30%.
Þannig kemur ekkert raunverulega á óvart en
á sama tíma geta keppendur ekki lært allt
með bundið fyrir augun. Þar sem það er
búið að breyta einhverju þurfa þeir
líka að hugsa á staðnum,“ segir Björn
Ágúst.
Keppa í iðn- og verkgreinum
 Sjö fulltrúar Íslands
keppa á EuroSkills 2016
Morgunblaðið/Freyja Gylfa
Keppni Frá vinstri: Reynir Óskarsson, Bjarki Rúnar Steinsson, Iðunn Sigurðardóttir, Anton Örn Gunnarsson, Bjarni Freyr Þórðarson og Sara Anita Scime.
Meginmarkmið Verkiðnar og annarra samtaka
um keppnir í iðn- og verkgreinum er að vekja
athygli á möguleikum í námi og störfum í
greinunum.
Björn Ágúst segir að búist sé við hátt í 40
þúsund gestum á EuroSkills í Gautaborg.
„Stór hluti af gestum eru grunnskólanem-
endur þar sem það er nú verið að reyna að
kynna þetta.“
Að sögn Björns Ágústs voru um
átta þúsund gestir á síðasta Ís-
landsmóti, sem haldið var í Kórnum
í Kópavogi árið 2014. „Við keyrðum
grunnskólakrakka í Kórinn úr nánast
öllum grunnskólum á höfuðborgar-
svæðinu og svo komu líka einhverjir
frá Akureyri og Egilsstöðum.“
Næsta Íslandsmót verður hald-
ið dagana 16.-18. mars 2017.
Vekja athygli á
námi og störfum
HORFA TIL GRUNNSKÓLANNA
Björn Ágúst
Sigurjónsson
SPÁ KL. 12.00 Í DAG Vestlægari og víða dálítil él, en bjartviðri
austanlands. Frostlaust við suður- og suðvesturströndina, annars
0 til 8 stiga frost. Rigning eða slydda suðvestantil í kvöld.