Fréttatíminn - 04.03.2016, Blaðsíða 82

KATRÍNARTÚNI 12 WOWAIR.IS WOWAIR@WOWAIR.IS
AMSTERDAM f rá
9.999 kr.
apr í l - maí
*
DUBLIN f rá
9.999 kr.
mars - maí
*
PARÍS f rá
9.999 kr.
mars - maí
*
STOKKHÓLMUR f rá
9.999 kr.
maí - september
*
BERLÍN f rá
9.999 kr.
mars - maí
*
ÞAÐ ER
FLUG
Á ÞÉR!
*Verð miðast við flug aðra leið með sköttum ef greitt er með Netgíró.
82 | fréttatíminn | Helgin 4. mars–6. mars 2016
Fyrsti Tógóbúinn
á Íslandi
Tógóbúinn Balema Alou hafði aldrei upplifað kulda á ævinni
þegar hann lenti í -29 gráðum í Moskvu. Balema kom til Evrópu
að stunda nám en ástin dró hann Íslands.
Balema Alou ólst upp í fjölmennri fjölskyldu í
Tógó, en faðir hans átti nokkrar eiginkonur og
24 börn. Hugsunin þar er að fjölkvæni virki sem
ákveðið velferðarkerfi.
Svanhildur Gréta Kristjánsdóttir
svanhildur@frettatiminn.is
Balema Alou ólst upp í Tógó í Vestur-Afríku ásamt 23 systkinum. Vegna afburða náms-hæfileika fékk hann pláss á heimavistar-
skóla í Norður Tógó og yfirgaf
Afríku í fyrsta skiptið árið 1994 að
sækja háskólanám í Þýskalandi.
„Það var draumur allra að fá góða
menntun og ég var einn af þeim
heppnu sem fékk styrk til náms,“
segir Balema. Beint flug til Þýska-
lands var dýrt og ákvað Balema
að spara sér aurana með rúss-
neska flugfélaginu Aeroflot. Í því
fólst tveggja sólarhringa ferðalag.
Fyrstu millilendinguna man
Balema ljóslifandi en það var í
Moskvu 19. janúar, um hávetur.
„Ég hafði aldrei upplifað kulda
áður, ég þekkti ekki tilfinninguna
að vera kalt. Mamma hafði reynt
að undirbúa mig fyrir kuldann
með því að stinga hendinni
minni inn í ísskáp. Í Moskvu voru
hinsvegar -29 gráður og ég var
klæddur gallabuxum og jakka. Ég
varð að gista á flugvellinum og á
þessum tíma var peningum ekki
eytt í upphitun í Rússlandi. Ég
reyndi að sofa í frostinu en það lá
við að mig langaði aftur heim.“
Eftir 48 klukkustunda flugleið
með allskyns krókaleiðum lenti
Balema í Þýskalandi og segir það
mikil viðbrigði. „Þetta var allt
annar heimur, svo margt sem
ég hafði aldrei séð. Mér var til
dæmis rétt ryksuga á heimavist-
inni, ég skildi ekkert hvaða furðu-
legi hlutur þetta var. Ég hafði
aldrei séð ryksugu á ævi minni
enda ekki notast við slíkt á mínu
heimili.“
Balema ólst upp í fjölmennri
fjölskyldu en faðir hans átti
nokkrar eiginkonur og 24 börn.
Balema segir flókið að útskýra
sína menningu og uppeldisár,
það liggi margt að baki. „Tógó er
gjörólíkt samfélagi Íslendinga,
fjölskyldurnar eru stórar og
venjan að eiga nokkrar eigin-
konur. Í grunninn er hugsun-
in góð og virkar fjölkvæni
sem ákveðið velferðar-
kerfi. Það er álitin eigin-
girni að karlmaður haldi
sínum auðæfum fyrir sig.
Á bak við öll samfélög
liggur hugmyndafræði
um hvernig hægt sé að
þrífast best saman.
Það er pressa á karl-
menn að sjá fyrir
konum og börnum, að leyfa sem
flestum að lifa af þeirra velferð.
Þú ert álitinn egóisti að eiga eina
konu og tvo bíla. Þetta er vissu-
lega að breytast með nýrri kyn-
slóð, það er mikill hagvöxtur og
uppbygging í Tógó í dag.“
Á námsárunum í Þýskalandi
kynntist Balema íslenskri konu,
Krístinu Hrund Whitehead, og
bjuggu þau saman á stúdenta-
görðum. Eftir námið hugðust þau
flytja til Íslands og fór Balema
að læra íslensku sjálfur. „Ég er
þannig gerður að ég vil ekki láta
fólk tala fyrir mig. Ég verð að vita
hvað er í gangi í umhverfi mínu
og geta fylgst með fréttum og
samfélagsmálum. Ég keypti mér
málfræðibækur og tók rúma 6
mánuði í að læra tungumálið og
aðlagast umhverfinu þegar við
fluttum hingað árið 2005.“
Stuttu síðar fékk Balema starf
á fjármálasviði Íslandsbanka
og hefur starfað þar síðan. Þau
Kristín eiga saman tvo drengi
og eiga von á stelpu. „Við erum
hæstánægð að fá stelpu í fjöl-
skylduna. Það er mikil eftirvænt-
ing á meðal strákanna.“ Balema
segir lítil viðbrigði að flytjast
frá Þýskalandi til Íslands
fyrir utan langan veturinn
og bjart sumarið. Hann
var lengi vel eini Tó-
góbúinn á Íslandi en
hann hefur aðstoðað
við ættleiðingarferli
fjögurra barna frá
Tógó til Íslands. „Ég
held við séum orðin
sex talsins – Tógóbú-
ar á Íslandi.“
Mynd | Hari
Ljónslöpp er fimmtán ára gömul sala mandra.
Þó salamöndrum sé hollast að borða lifandi
fæðu byrjaði hún fyrst að veiða sér til matar
fyrir ári síðan. Áður hafði hún aðeins borða
fiskamat. Nú borðar hún orma úr hendi eig-
anda síns eins og ekkert sé. Rétt fyrir jól flutti
inn til Ljónslappar froskurinn Lækjaleppur.
Við komu frosksins vissi Ljónslöpp varla
hvaðan á hana stóð veðrið, enda vön því
að allt sem hreyfðist inni í búri væri fæða.
Ljónslöpp áttaði sig þó fljótt á því að Lækja-
leppur var nýr vinur en ekki hádegisverður
og nú sést Lækjaleppur oft sitjandi á bakinu á
salamöndrunni, í litla hellinum í búrinu sem
þau kalla heimili sitt. | sgþ
Líf okkar skriðdýranna
Perluvinirnir Ljónslöpp og Lækjaleppur