SÍBS blaðið - 01.11.2006, Blaðsíða 12
12
Ú
r
s
ö
g
u
n
n
i
Eins og greint hefur verið
frá í SÍBS blaðinu þá voru
reyndar ýmsar leiðir í fjár-
öflun fyrir SÍBS á fyrstu
árum þess og margar þeirra
afar nýstárlegar. Áður hefur
verið sagt frá flugvélinni sem
var í happdrættisvinning og
einnig skrifaði Jón Birgir
Pétursson um komu Sirkus
Zoo til landsins á vegum
SÍBS árið 1951.
Árið 1953 var mikið
athafnaár hjá SÍBS á þessu
sviði, þar sem sænskir lista-
menn voru í aðalhlutverki. Snoddas kom til
landsins og hélt tíu söngskemmtanir, sænska
óperusöngkonan Hjördís Schymberg hélt kons-
ert í Þjóðleikhúsinu til ágóða fyrir SÍBS og
loks kom söngkonan Alice Babs ásamt Norman
tríóinu og hélt tólf hljómleika við húsfylli.
Snoddas kemur
Í mars kom sænski söngvarinn Karl Gösta
Nordgren, betur þekktur sem Snoddas, hingað,
hélt alls 10 söngskemmtanir fyrir fullu húsi
og færði SÍBS drjúgar tekjur til uppbygging-
arstarfs m.a. á Reykjalundi og í
Múlalundi. Með honum voru í
för umboðsmaður hans, Torsten
Adenby og harmonikuleik-
arinn John Formell. Adenby
sá að mestu um tengsl við
fjölmiðla, því Snoddas sjálfur
var mjög hlédrægur og forð-
aðist viðtöl eins og heitan eld-
inn. Samkvæmt frétt í Vísi hafði
Snoddas þegar hér var komið
sögu ,,sungið 3050 sinnum á
skömmum tíma, plötur hans
hafa verið gefnar út í 700 þús.
eintökum og hann hefur farið
um 140 þús. km. veg í bíl í Svíþjóð til þess
að syngja fyrir landa sína. Og alls staðar við
sömu viðtökur”.
Morgunblaðið gat þess að hann hefði sungið á
474 skemmtistöðum í Svíþjóð á 156 dögum og
hefði auk þess skemmt 328 sinnum á sjúkra-
húsum, elliheimilum og hælum.
En hver var þessi söngvari sem skaust upp á
stjörnuhimininn eins og raketta og féll þaðan
aftur eftir frekar skamma viðdvöl?
Hvaðan kom þessi stjarna?
Karl Gösta „Snoddas” Nordgren fæddist í Arbrå
í Svíþjóð 30. desember 1926. Samkvæmt blaða-
fregnum hér naut hann ekki skólagöngu í æsku,
fór snemma að róa til fiskjar og seldi aflann á
markaðstorginu í bænum. Einnig fékkst hann
við skógarhögg og tígulsteinabrennslu.
Þá kemur fram í blaðafréttum að hann hafi
verið liðtækur skautahlaupari og keppti í svo-
nefndum „bandy”, leik sem er mjög skyldur
ísknattleik. Þar var hann að sögn sérlega laginn
við að gabba andstæðinga sína, þóttist ætla að
gera eitt en gerði svo allt annað. Þetta kalla
Svíar að snuða, hann „snodde altid” sögðu þeir
og af þessu fékk hann viðurnefnið „Snoddas”,
sem varð jafnframt listamannsnafn hans sem
söngvara.
Jonas Sima, sem ritaði ævisögu hans 1991
hefur reyndar aðra sögu að segja um viðurnefni
hans. Faðir hans, Kalle Nordgren var fisksali
ásamt fleiru og seldi einnig smokka. Af því
fékk hann viðurnefnið Gummi-Kalle. Sonurinn
fékk oft að sitja í bíl fyrirtækisins og fékk af
því viðurnefnið Gummisnodden. Síðar breyttist
þetta einfaldlega í Snoddas, stutt og laggott.
S n o d d a s k e m u r t i l Í s l a n d s á v e g u m S Í B S
„Allir miðarnir seldust upp
á svipstundu“
Snoddas við hljóðnemann.