Lystræninginn - 01.11.1979, Blaðsíða 14

Vita Andersen
TIL ÞESS ÞARF GOTT BRJÓST
ég stend oft
og horfi á þau í speglinum
þau eru ekki falleg lengur
þau minna á þurrkuð epli
ég er heldur ekki ung lengur
ég hef líka eignast tvö börn
við erum búin að vera lengi saman
ástin mín
þú verður að komast af með tilboð vikunnar
fisk með afslætti ódýrt kjöt spari-ost spari-mjólk
þú munt verða alveg undrandi
á hinum vikulega grautardegi
þegar ég segi þér
að allt sé orðið svo dýrt
ég verð nefnilega að hnupla af heimilispeningunum
það er ekki um annað að ræða fyrir mig
brjóstaaðgerð kostar áreiðanlega 5000
og svo er það uppihald og farið
svo það líður dágóður tími þar til ég hef nóga peninga
ég verð að fela þá í dós á leyndum stað
ég get alls ekki lagt þá í bankann
reyndar opnar þú ekki bréfin mín
en þú spyrð alltaf ef ég fæ bréf
og ég fæ heldur ekki oft bréf
hvernig gæti ég útskýrt fyrir þér bréf frá banka
nei, blikkdós verður það að vera
snertu mig
allsstaðar
líka brjóstin á mér
það er ekki hægt að sjá á lim þínum að þú hafir eignast tvö börn
auðvitað vil ég alls ekki
að þú snertir það sem þér finnst ekki yndislegt
en fjandinn hafi það snertu á mér brjóstin
sjálfsagt hugsa ég of mikið um þetta
en þetta er svo niðurlægjandi
þú stingur tungunni inn í munninn á mér
hreyfir hana aðeins fram og aftur
svo rennur hönd þín niðureftir rassinum
upp magann
ég bíð alltaf í spennu
en nei
hönd þín rennur niður að blygðun minni
æfð leikur hún inn og út
þetta er ekki eins og í gamla daga
14