Hjúkrunarkvennablaðið - 01.12.1957, Blaðsíða 8

6
HJÚKRUNARKVENNABLAÐIÐ
VI. Mænusóttarbólusetningu á öllum
Reykvíkingum allt að 45 ára aldri má
kalla sjálfstæða deild, enda þótt hún sé
tímabundin. Er nú búið að bólusetja ná-
lega 45.000 manns, þaraf flesta tvisvar
og marga þrisvar. Er það töluvert mikið
verk, eins og allir geta skilið. Einnig
hefur nú í vetur nokkur hundruð manns
verið bólusett við Asíu-influenzu. Má bú-
ast við, að slíkar hópbólusetningar verði
algengur þá.ttur í starfi Heilsuverndar-
stöðvarinnar í framtíðinni.
VII. Hjúkrun sjúkra í heimahúsum.
Þeirri starfsemi hefur verið haldið uppi
af Hjúkrunarfélaginu Líkn, frá 1915,
þar til Heilsuverndarstöðin tók við henni
árið 1955. Hefur Heilsuverndarstöðin 3
hjúkrunarkonur, sem ganga í vitjanir
inn á heimilin og stunda sjúka. Margir
vilja helzt hafa ástvini sína kyrra á
heimilum þeirra í banalegu þeirra og
dauða. Það er oft því að eins mögulegt
að hjúkrunarkona stundi þá heima. Hef-
ur Heilsuverndarstöðin einnig oft haft
milligöngu með að útvega fastar vaktir,
þeim sem þess þurfa, en sú þjónusta er
ekki veitt frá Heilsuverndarstöðinni,
heldur aðeins privat hjúkrunarkonum.
VIII. Heilsugæzla í skólum. Samkvæmt
lögum frá 1957 fer nú öll heilsugæzla í
skólum fram frá Heilsuverndarstöðinni.
Læknar og hjúkrunarkonur barnaskól-
anna eru því nú í rauninni orðin starfs-
menn Heilsuverndarstöðvarinnar. Þessi
þáttur s.tarfsins er enn á tilraunastigi,
nema í barnaskólunum, þar sem starfað
er eins og venjulega.
IX. Kennslustofnun. Við gerum okkur
vonir um að Heilsuvei-ndarstöðin geti
með tímanum orðið kennslustofnun fyrir
læknanema, hjúkrunarnema og ljós-
mæðranema. Það er nú þegar byrjað í
smáum stíl að kynnahjúknmarnemum og
ljósmæðranemum starfsemi Heilsuvernd-
arstöðvarinnar. Læknar þeir er starfavið
stöðina, eru allir sérfræðingar, hver í
sinni grein. Ættu því þar að vera góð
skilyrði til kennslu, bæði til að greina
sjúkdóma og einnig til að greina heil-
brigði. Hefur verið talað um að hjúkrun-
arnemar dvelji einhveratíma á stöðinni
og sé það þáttur í námi þeirra. Ættu þær
þá að kynnast vinnubrögðum allra deild-
anna og ganga inn á heimilin, bæði í
fylgd með hjúkrunarkonum og einar, til
hjúkrunar og heilbrigðiseftirlits. Virðist
sú reynsla ætti að geta stuðlað að því að
þær skilji betur hin ýmsu félagslegu
vandamál sjúklinga sinna á sjúkrahúsun-
um, sem stundum standa þeim fyrir var-
anlegum bata.
Við Heilsuverndarstöðina starfa nú um
20 hj úkrunarkonur (25 með skólahjúkr-
unarkonunum). Eru ungar hjúkrunar-
konur oft teknar til reynslu um nokkurn
tíma, en skilyrði fyrir því að þær dvelji
þar áfram er, að þær taki framhaldsnám
í heilsuvernd við viðurkenndan skóla er-
lendis.
Sigrún Magnúsdóttir.
<$>-----------------------------------«>
Hjúkrunarhonur}
athugið!
Þær hjúkrunarkonur,
sem ekki hafa greitt fé-
lagsgjöld sín, eru vinsam-
lega beðnar um að gera
það sem fyrst.
Greiðsla sendist til
Ragnhildar Jóhannsdótt-
ur, Hvítabandinu.
<|>-----------------------------------