Tímarit um endurskoðun og reikningshald - 01.01.1983, Qupperneq 10
annars vegar kemur frá UEC og hins vegar
frá IFAC/IASC. Eru menn áhugasamir um
að e-ð verði að gera, en spurning hvenær slíkt
kæmi til framkvæmda.
Rætt var um starfsemi IFAC og IASC og
m.a. samþykkt að Norðurlöndin mundu
styðja að kjöri fulltrúa Noregs í framkvæmda-
stjórn IFAC á heimsþinginu í október 1982.
(Fulltrúi Noregs var þar kjörinn í fram-
kvæmdastjórnina).
Ýmis önnur mál voru rædd á þessum
árfundi sem ekki verður tíundað hér. En
fundarhöldum lauk með fróðlegu og einstak-
lega vel framsettu erindi um olíuvinnslu
Norðmanna.
Tilgangur með samvinnu innan NRF.
FLE er þátttakandi í NRF (Norræna
endurskoðendasambandið) og hefur svo ver-
ið allt frá stofnun FLE 1935. Samstarf
endurskoðenda í Skandinavíu er þó eldra eða
frá 1924. í upphafi ver gert ráð fyrir víðtækri
samvinnu innan NRF og að hluta til skuld-
bindandi samvinnu á þeim sviðum er snerta
góðar endurskoðunar- og reikningsskilavenj-
ur. En þróunin í hinum ýmsu löndum NRF
beinist ekki alls staðar í sömu áttir og ýmsar
ástæður valda því, að erfitt er að framfylgja
sameiginlegum tillögum og ólík þróun gerir
erfitt að finna sameiginlega lausn. Þetta hefur
m.a. orðið til þess, að norræna reikningsskila-
nefndin hætti að starfa. Og norræna endur-
skoðunarnefndin hefur ekki lengur á dagskrá
sinni að gefa út norræna endurskoðunar-
staðla, en í þess stað hefur starfið fyrst og
fremst verið gagnkvæm skoðanaskipti um
endurskoðunarvenjur og staðla þá, sem í
undirbúningi eru hverju sinni hjá einstökum
aðildarfélögum.
Það er því eðlilegt, að nokkur umræða fari
fram um tilgang og markmið samvinnu innan
NRF. Segja má að samstarfið innan NRF hafi
þróast á þann veg að það felst í:
a) gagnkvæmri upplýsingamiðlun,
b) gagnkvæmum skoðanaskiptum, sem hvoru
tveggja hefur gefið þýðingarmiklar hugmynd-
ir fyrir starfið í einstökum aðildarfélögum,
c) skýrslugerð sem grundvöll umræðna um
einstök fagleg málefni, sem ofarlega eru á
baugi hverju sinni og gefa þannig málefninu
breiðari grundvöll.
d) samvinnu með það markmið að taka
sameiginlega afstöðu til málefna sem koma
frá þeim alþjóða samtökum sem öll NRF-
löndin eru aðilar að og marka sameiginlega
stefnu til þeirra fulltrúa sem NRF-löndin hafa
í hinum ýmsu nefndum og ráðum alþjóða
samtka. Þannig verða NRF-löndin áhrifa-
meiri í viðkomandi samtökum.
Á ársfundi NRF í Noregi 1982 var það
sameiginleg niðurstaða að starfið innan NRF
miðaðist við ofangreind atriði án þess að
lokað væri fyrir þann möguleika að samstarf
gæti orðið á öðrum sviðum. Og þó hér sé
komin viss rammi utan um samstarfið, þá er
viðbúið að frekari athugun og umræða verði
um á hvern hátt þetta samstarf þjóni best
sameiginlegum áhuga og tilgangi.
Segja má að NRF hafi þannig ákaflega
lausan ramma utan ums tarfsemi sína. Full-
yrða má, að Danmörk, Noregur og Svíþjóð
hafi mest not af þeim upplýsinga- og skoðana-
skiptum sem eiga sér stað innan NRF. Þetta v
á sínar eðlilegu skýringar þar sem þróun
ýmissa mála er þar lengra á veg komin en í
öðrum aðildarfélögum.
En gagnsemi af þátttöku okkar í NRF er
þó ótvíræð. Hún gefur okkur tækifæri til að
fylgjast betur með því sem gerist á erlendum
vettvangi og þróuinin á öðrum Norður-
löndum hefur sín áhrif á þróun mála hjá
okkur, bæði á félagslegum og faglegum
sviðum.
i
8