Ráðunautafundur - 13.02.1979, Síða 33
191
Reitir, sem fengu sömu áburðarmeðferð 1978 eru samliggjandi í tveimur
röðum og því er ekki nema að litlu leyti um eiginlegar endurtekningar að
ræða, þótt margar uppskerutölur liggi að baki hverju meðaltali. Mismunandi
áhrif nýræktaráburðar eftir grastegundum virðast þó ótvíræð.
í tilraunaskýrslu fyrir 1976 (Fjölrit Rala nr. 14) fékk tilraunin þessa
umsögn:
"Vallarfoxgrasið spratt vel og var slegið í október. Uppskera var ekki
vegin en var nálægt 30 hkg/ha. Hinar tegundirnar voru ekki slegnar. Vallar-
sveifgrasið varð vel grænt, en mjöldögg lagðist þungt á það seinni hluta
sumars og dró úr vexti. Snarrótin grænkaði ekki nema á smáblettum. Landið
gæti hafa verið of þurrt til þess".
í tilraun nr. 354-75 var einnig sáð vallarfoxgrasi og þar fengu B-, E-
og F-liðir sambærilega umsögn.
Niðurstaða sú, sem hér var frá skýrt, bendir eindregið til þess, að
áburðarþörf á nýrækt se mismunandi eftir tegund sáðgresis. Athugasemd sú
úr tilraunaskýrslu, sem vitnaö var til, sýnir, að vallarsveifgrasið og þó
einkum snarrótin eru mun seinni til sáningarárið en vallarfoxgrasið. Nær-
tækt er því að álykta, að gras, sem vex hægt upp af fræi, myndi betri
svörð með aukinni áburðargjöf. Reynslan af snarrótarsáningu hefur víða
orðið sú, að liöið hafa tvö til þrjú ár, áður en hún hefur skilað fullum
árangri, enda hefur fræið oft verið lélegt. Svipuð hefur reynslan verið með
aðrar tegundir, þegar sáð hefur veriö fræi af íslenskum uppruna, sem ekki
hefur staðist gæðakröfur. Ef til vill mætti í slíkum tilfellum tryggja
árangur sáningarinnar með mikilli áburðargjöf. Hér er e.t.v. einnig fengin
nokkur skýring á því, hve vel vallarfoxgrasnýræktir hafa reynst.
Tilraunaniðurstaða sú, sem hér var rædd, fellur að vísu engan veginn
undir titilinn "ídreifing búfjáráburðar". Hins vegar þótti hún það
athyglisverð í sjálfu sér, að þörf væri á að vekja á henni athygli, en jafn-
framt gefur hún til kynna, að vænta megi annars árangurs af ídreifingu, ef
öðru en vallarfoxgrasi er sáð, en það var ýmist einrátt eða ríkjandi í
öllum tilraununum.
Niðurlag.
Raktar hafa verið ýmsar helstu niðurstöður tilrauna með ídreifingu
búfjáráburðar. Þær sýna meðal annars, að vænta má verulegs árangurs af
allmikilli áburðarnotkun, sem getur enst í nokkur ár. Tilraununum mun
verða haldið áfram enn um hríð. Ekki er nema að litlu le'yti unnt að segja,