Ráðunautafundur - 13.02.1979, Blaðsíða 35

193
RAÐUNAUTAFUNDUR 1979
N?TING BOFJARABURÐAR A TjN
Sigfús ölafsson,
Búnaðarfélagi Islands.
Hér verður stuttlega greint frá árangri tilrauna með
yfirbreiðslu búfjáráburðar á tún. Þessi tilraunasería, sem
hér er fjallað um, var framkvæmd á fjórum tilraunastöövum og
hafði m.a. að markmiði að finna nýtingu búfjáráburðar borið
saman viö tilbúinn áburð.
Dreifing búfjáráburðar, mykju og taðs , á tún haust og vor
hefur verið algengur nýtingarmáti hjá bændum. Breytt viðhorf
hafa skapast að nokkru með tilkomu haugsuga, sem dreifa for.
Einnig er nokkuð algengt að dreift sé utan hins venjulega tíma
t.d. á frosna jörð að vetri.
Eldri tilraunir veita fræðslu um áburðarnýtingu við venju-
lega yfirbreiðslu. Slík vitneskja er mikilvæg við leiðbeiningar
um áburðarnotkun og mat á breyttum aðstæðum, þó að slíkt bendi
kanski á þörfina á nýjum tilraunum.
Um framkvæmd tilrauna.
1 1. töflu er yfirlit um nokkur atriði varðandi framkvæmd
tilraunanna. A Reykhólum, Akureyri og Skriðuklaustri voru
reyndir eftirfarandi tilraunaliðir:
a) Enginn áburður
b) Búfj áráburður 10 tonn/ha.
c) " 20 tonn/ha
d) " 20 tonn/ha + 50 kg N í Kjarna
e) Tilbúinn áburður, jafngildi b-liðar að N, P og K
f) " " , jafngildi c-liðar að N, P og K
A Hvannéyri var brugðið út af þessu plani þannig, að d-lið
var sleppt og köfnunarefnisgjöf í tilbúnum áburði í e- og f-lið
var höfð 60% af þessu efni í búfjáráburðinum.