Ráðunautafundur - 15.02.1992, Side 91

81
RÁÐUNAUTAFUNDUR 1992
Breytingar á skýrsluhaldi í nautgriparækt
Jón Viðar Jónmundsson
Búnaðatfélagi íslands
Hér á eftir verður farið örfáum orðum um þær breytingar sem gerðar eru á skýrsluhaldi
í nautgriparækt nú frá áramótum. Þegar þetta er skrifað hefur breytingin ekki enn komið
til framkvæmda, en þegar fundur verður haldinn verður fyrsta reynsla fengin og verður
þá vikið að þeim atriðum sem þegar hafa komið í ljós.
Þetta er í reynd fyrsta breyting í framkvæmd skýrsluhaldsins í grunnatriðum frá því
að skýrsluhaldi með úrvinnslu í tölvum var komið á um allt land árið 1974.
Grunnbreytingin sem nú er gerð er sú að afurðamælingum er fækkað um helming.
Teknar verða upp mánaðarlegar mælingar í stað tveggja mælinga í mánuði. Vegna
þessara breytinga skal á það bent að víðast í nágrannalöndum var um það leyti sem
vélaskýrsluhald hófst hér á landi verið að taka upp mánaðarlegar afurðamælingar. Nú
þekki ég að vísu ekki þá umræðu sem hér fór fram við þá breytingu en hygg samt að
rök fyrir tíðari mælingum hér hafi verið að vinna smávegis í nákvæmni á móti því litla
eftirliti sem hér á landi er með framkvæmd afurðamælinga í samanburði við önnur lönd.
Þegar málið er skoðað þá er ljóst að sú aukna nákvæmni sem næst með hálfs-
mánaðarlegum mælingum í stað mánaðarlegra er það takmörkuð með hliðsjón af þeim
notum sem eru af tölulegum upplýsingum skýrsluhaldsins að slíkt réttlætir ekki jafn tíðar
mælingar og verið hefur. Hins vegar er engin ástæða til að draga úr gildi þess fyrir hinn
einstaka mjólkurframleiðenda að fylgjast sem best með breytingum í nyt hjá einstökum
gripum á hveijum tíma.
Um leið og mælingum er fækkað þá verður gert ráð fyrir að mælingar verði sendar
jafnóðum til skráningar og úrvinnslu í stað þess að vinna upplýsingar á ársfjórðungs
fresti eins og áður var. Þetta er nákvæmlega sama framkvæmd og er til staðar í öllum
nálægum löndum. Með þessari breytingu ætti í framtíðinni að vera lagður betri grunnur
að nýtingu á upplýsingum skýrsluhaldsins við daglega rekstarstjóm á hverju búi.
Þegar mælingar eru orðnar þetta strjálar þá skiptir nokkxu að ekki sé veruleg óregla
á mælingardögum frá einum mánuði til annars. Afurðamagn er reiknað út miðað við