Ráðunautafundur - 15.02.1992, Page 137

127
RÁÐUNAUTAFUNDUR 1992
Fjarnám í ferðaþjónustu
Margrét Jóhannsdóttir
Ferðaþjónustu bœnda
FJARNÁM í FERÐAÞJÓNUSTU er námsefni sem útbúið hefur verið sérstaklega fyrir
ferðaþjónustubændur. Þetta er fjamám sem byggist á 8 námsbréfum og 2 námskeiðum.
Ferðaþjónusta er að mörgu leyti ólík hefðbundnum landbúnaðargreinum. Þar kemur
margt til, en mestur munur liggur þó í þjónustuþætti ferðaþjónustunnar og ólíkum sölu og
markaðssetningaraðferðum miðað við framleiðslugreinar. Þessi staðreynd hefur það í för með
sér að nauðsynlegt er fyrir bændur sem eru að hefja slíkan rekstur að afla sér menntunar í
greininni og spytja sig ýmissa spuminga áður en ákvörðun er tekin um það hvort rekstur skuli
hafinn. Þessar spumingar em ekki einungis rekstrarlegs eðlis, þær varða einnig persónuleg
atriði eins og hvort heimilisfólkið er tilbúið til þess að fara í gestgjafahlutverkið og taka þeim
afleiðingum sem rekstur ferðaþjónustu hefur á heimilislífið, friðhelgi bæjarins o.fl.
Önnur hlið þessa máls er mikilvægi fagmennsku í ferðaþjónustu á vegum bænda. Um
er að ræða margar, fremur smáar einingar og allar em þær hluti af einni heild í huga
viðskiptavinarins. Þannig hefur hver bóndi ekki einungis skyldur gagnvart sjálfum sér, heldur
einnig öðmm ferðaþjónustubændum. það er staðreynd að léleg aðstaða og/eða þjónusta á
einum bæ hefur áhrif á ímynd atvinnugreinarinnar í heild sinni.
Þessi atriði hafa lengi verið samþykkt af ferðaþjónustubændum. T.d var þátttaka á
námskeiðum sem haldin vom af Félagi ferðaþjónustubænda lengi vel eitt af skilyrðum fyrir
inngöngu í félagið. Núna er eitt af skilyrðum þess að nýjir aðilarfái auglýst sína þjónustu
undir merkjum Ferðaþjónustu bœnda að þeir hafi lokið fagnámi. Aðalfundur Félags
ferðaþjónustubœnda ákvað þetta árið 1991.
Árin 1987 og 1988 varð mönnum ljóst að gamla námskeiðaleiðin var ekki nægjanleg.
Þá var því hafist handa við að leita að öðmm leiðum í þessu sambandi. Niðurstaða þess var
að Ferðaþjónustu bænda, Fræðslusvið Iðntæknistofnunar og Bréfaskólans ákváðu að vinna að
því sameiginlega að útbúa bréfanám fyrir ferðaþjónustubændur. Einhverjir gætu spurt um það
hvers vegna Ferðaþjónusta bænda fór í samstarf við þessa aðila, en svarið er einfalt ef þessi
fyrirtæki em skoðuð nánar. Bréfaskólinn er sá aðili í landinu sem mesta reynslu hefur af