Ráðunautafundur - 15.02.1992, Qupperneq 232

222
er varið með því að ráðnir verði að leiðbeiningamiðstöðvum sérstakir rannsóknamenn
sem sinni rannsóknum og athugunum meðal bænda á starfssvæði viðkomandi stöðvar
ef ekki tekst að skapa tilraunastöðvunum starfsskilyrði.
Landgræðsla og gróðurvemd er sameiginlegt verkefni allrar þjóðarinnar. Eðlilegt er
að sameina sem flest landgræðslumálefni í einni stofnun og fela henni þau verkefni
sem eru sameiginleg fyrir landið. Stjómun og nýting sameiginlegra beitilanda er það
samofin landgræðslu og gróðurvemd að eðlilegt er að ætla Landgræðslu ríkisins einnig
umsjón með þeim málaflokki. (Kafli 19).
Lagt er til að ýmsar þjónustustofnanir eins og Stofnlánadeild landbúnaðarins (ásamt
Byggingarstofnun) og Framleiðnisjóður landbúnaðarins hafi skrifstofuaðstöðu sína í
Reykjavik með öðmm stofnunum bænda í Bændahöllinni. (Kafli 9).
Þegar verði hafist handa um að byggja upp samræmdan upplýsingabanka fyrir
landbúnaðinn. Búnaðarfélagi íslands sé falin forganga um þetta þjónustuverkefni.
(Kafli 18).
Búfjárræktarlög verði endurskoðuð hið fyrsta og markaðar þar skýrar lfnur um
stuðning hins opinbera við búfjárræktarstarfið. Þáttur forðagæslu verði fluttur í sérstaka
löggjöf um forðagæslu og meðferð búfjár.
Jarðræktarlög verði einnig tekin til endurskoðunar. Dregið verði vemlega úr
sjálfvirkum styrkveitingum samkvæmt þeirri löggjöf en þeim fremur beitt til
breytilegra staðbundinna átaksverkefna.
Eigi Framleiðnisjóður landbúnaðarins að gegna lögbundnu hlutverki sínu hlýtur
stuðningur hans við leiðbeiningar, rannsóknir og ffæðslu að vaxa á næstu ámm.
Eðlilegt er að hann leggi þar mesta áherslu á þróunarstarf vegna nýbreytni og
umsköpunar í landbúnaði. Þar er samþætting þessara þátta mjög brýn. Einnig veiti
hann stuðning við sérstök skilgreind átaksverkefni. Efling búreikningshalds meðal
bænda er fyrsta og stærsta átaksverkefnið.