Dagblaðið Vísir - DV - 04.03.2016, Blaðsíða 60

Helgarblað 4.–7. mars 201644 Sport
Glæsilegur bíll með
miklum aukabúnaði!
M.BENZ C 220 BLUETEC AVANTGARDE
Nýskráður 10/2014, ekinn 9 Þ.km, dísel 170hö, sjálfskiptur 7 gíra. Bakkmyndavél, lyklalaust
aðgengi og start, Íslenskt leiðsögukerfi, krómpakki, öryggispakki , LED ljósapakki, inrétting-
arpakki, rafmagnsopnun/-lokun á skottloki, USB, bluetooth og aux tengi og fleiri aukahlutir.
Verð 7.990.000. OKKAR BESTA VERÐ 6.990.000 kr.
Raðnr. 254705 á www.BILO.is
S í m i: 567 4 8 4 0 • Fu n a h ö fð i 1 • 110 R v k . • b i l o@b i l o. i s • w w w. b i l o. i s
Blindur skákmaður
í bann fyrir svindl
n Stein Tholo Bjørnsen var byrjandi í íþróttinni en tefldi 66 óaðfinnanlegar skákir
H
inn fimmtugi Svein Tholo
Bjørnsen hefur að öllum
líkindum teflt sína síðustu
skák. Skákferill hans hófst
fyrir 18 mánuðum þegar
hann tók þátt í sínu fyrsta skákmóti í
Noregi og frá fyrsta leik mátti greina
að leikurinn átti vel við hann. Fram-
farirnar voru stórkostlegar sem er
ekki síst merkilegt fyrir þær sakir að
Bjørnsen er blindur og þurfti því að
hafa talsvert meira fyrir því að tefla
en aðrir.
Á þessu hálfa ári tefldi Svein
Tholo Bjørnsen 66 skákir í mótum
áhugamanna og tapaði
ekki einni einustu. Til
að byrja með vakti hann
enga athygli en eftir því
sem mótin urðu sterkari
fór árangur hans að
vekja mikla eftirtekt í
Noregi þar sem skáklistin
nýtur mikilla vinsælda
– þökk sé framgöngu
heimsmeistarans Magnus
Carlsen.
Óaðfinnanlegar skákir
Bjørnsen fóru fljótlega
að vekja grunsemdir
enda er skák gríðarlega
flókinn leikur þar sem
möguleikarnir eru nánast
óendanlegir og því miklar
líkur á mistökum, sérstaklega
hjá byrjendum. Þekktir
skákmenn í Noregi fóru að
rannsaka skákir Bjørnsen
og komust að því að í skákum
hans var 96% fylgni á milli þeirra
leikja sem Bjørnsen valdi og þeirra
leikja sem sterkasta skáktölva heims
mælti með. Til samanburðar þykir
heimsmeistarinn Magnus Carlsen
vera allt að því ómannlegur og þegar
best lætur er fylgni hans um 87%.
Fljótlega fóru grunsemdir manna
að beinast að upptökutæki sem
Bjørnsen notaðist við. Eins og aðrir
blindir skákmenn þá notaðist hann
við sérstakt borð þar sem hægt var
að þreifa á borðinu og mönnunum.
Þar lék Norðmaðurinn leiki sína
en síðan þurfti andstæðingurinn
eða aðstoðarmaður að framkvæma
leikina á sjálfu borðinu. Til þess að rétt
sé haft við þá taka blindir skákmenn
upp skipanir beggja keppenda um
hvaða leik eigi að leika á þar til gert
upptökutæki. Bjørnsen notaðist
við heyrnartól sem hann tengdi við
upptökutækið, að eigin sögn til þess
að rifja upp leiki andstæðingsins.
Hins vegar náðust myndir af honum
með Bluetooth-heyrnartól sem
gerðu honum mögulega kleift að vera
í sambandi við aðstoðarmann sem
gæti hafa sent honum uppástungur.
Fjölmargar blaðagreinar voru
skrifaðar í Noregi um ásakanirnar á
hendur Stein Tholo Bjørnsen. Hann
neitaði þeim öllum staðfastlega en
svo fór þó að norska skáksambandið
ákvað að lagt yrði fyrir hann próf þar
sem raunverulegur skákstyrkleiki
hans yrði kannaður. Bjørnsen var
vígreifur til að byrja með og sagðist
ánægður með að fá að sanna sakleysi
sitt. Síðar dró hann þó í land, vildi
ekki taka prófið sagðist upplifa að
búið væri að dæma hann fyrirfram.
Hann væri til dæmis hræddur um
að streita myndi valda því að hann
næði ekki að sýna sitt rétta andlit í
prófinu. Í viðtali við lítið dagblað í
heimasveit sinni sagði hann: „Það
er búið að drepa gleðina sem ég
hafði af taflmennskunni. Ég er
hræddur um að ég hafi teflt mína
síðustu skák.“ Í framhaldinu dæmdi
norska skáksambandið Bjørnsen í
ótímabundið bann frá skákiðkun
þar til hann undirgengst prófið,
drengilega. n
Dæmdur í bann
í þremur öðrum
greinum
Þegar umfjöllun norskra fjölmiðla um
„skáksvindlið“ stóð sem hæst fóru að
berast fréttir af vafasamri fortíð Steins
Tholo Bjørnsen í öðrum íþróttum. „Hann
var dæmdur í sex mánaða keppnisbann
í kraftlyftingum fyrir lyfjamisferli auk
þess sem heimildir mínar herma að
hann hafi verið dæmdur í keppnisbann
í vaxtarrækt og ólympískri glímu,“ segir
norski blaðamaður Terjei Svensen hjá
Scandinavia Online í samtali við DV.
Svensen heldur einnig úti skákfrétta-
síðunni Matt & Patt en þar hefur hann
fjallað ítarlega um mál Bjørnsen.
Björn Þorfinnsson
bjornth@dv.is
„Það er búið að
drepa gleðina
sem ég hafði af tafl-
mennskunni
Stein Tholo Bjørnsen
Skákíþróttin er fjórða
íþróttagreinin sem hinn
blindi Norðmaður hefur
verið dæmdur í keppnis-
bann í. Mynd RoaR næRheiM
Stein Tholo að störfum
Hér sést blindraborðið sem
Stein Tholo notar við skák-
iðkunina.
heyrnartólin Í eyrunum e
ru svo hin
meintu Bluetooth-heyrn
artól. Maðurinn
í gula bolnum er aðstoða
rmaður hans.