Dagblaðið Vísir - DV - 24.05.2016, Blaðsíða 9

Vikublað 24.–26. maí 2016 Fréttir 9
F
ulltrúar á vegum Seðla-
banka Íslands og fjár-
málaráðherra munu eiga
fundi síðar í þessari viku
með þeim bandarísku fjár-
festingasjóðum sem halda utan um
stærstan hluta þeirra 320 milljarða
aflandskrónueigna sem til stend-
ur að leysa úr landi með gjaldeyr-
isútboði Seðlabankans í næsta
mánuði. Samkvæmt heimildum DV
fara fundirnir, sem er lýst sem upp-
lýsingafundum, fram í New York
þar sem til stendur að svara þeim
spurningum sem fulltrúar sjóð-
anna kunna að hafa í tengslum við
aflandskrónufrumvarp fjármálaráð-
herra sem var samþykkt á Alþingi á
tólfta tímanum síðastliðið sunnu-
dagskvöld.
Aflandskrónuútboðið er næsta
stóra skrefið – hið fyrsta var uppgjör
slitabúa gömlu bankanna – í heild-
stæðri áætlun stjórnvalda um losun
hafta sem var fyrst kynnt í Hörpu í
júní á síðasta ári. Samkvæmt frum-
varpinu er aflandskrónueigend-
um gert að sæta afarkostum þar
sem þeim er gefinn kostur á að
skipta á krónueignum sínum í evr-
ur í fyrrnefndu útboði Seðlabankans
ella að fjármunir þeirra verði fluttir
á reikninga sem bera 0,5% vexti og
endurskoðaðir á tólf mánaða fresti
af Seðlabankanum. Ekkert verður af
því, eins og tillögur ráðgjafa stjórn-
valda gerðu fyrst ráð fyrir á sínum
tíma, að aflandskrónueigendum
bjóðist einnig að skipta á krónu-
eignum sínum fyrir ríkisskuldabréf í
krónum eða evruskuldabréf.
Óvíst um útboðsgengi
Ljóst er að við útgöngu úr höftum í
gegnum gjaldeyrisútboð Seðlabank-
ans munu eigendur aflandskróna
þurfa að sætta sig við að selja krónu-
eignir sínar fyrir evrur á gengi sem
er talsvert lægra en skráð gengi
krónunnar. Á þessari stundu er
ómögulegt að spá nákvæmlega fyr-
ir um hvert útboðsgengið verð-
ur. Í frumvarpi fjármálaráðherra er
hins vegar gert ráð fyrir því að þeir
aflandskrónueigendur sem munu
enda með fjármuni sína á læstum
lágvaxtareikningum fái engu að síð-
ur tímabundna heimild – frá 1. sept-
ember til 1. nóvember 2016 – til þess
að eiga í gjaldeyrisviðskiptum við
Seðlabankann þar sem viðmiðunar-
gengið verður 220 krónur gagnvart
evru.
Þetta gefur sterklega til kynna að
þeir aflandskrónueigendur sem taka
þátt í gjaldeyrisútboði Seðlabankans
í næsta mánuði geti vænst þess að
losa um eignir sínar á lítillega hag-
stæðara gengi en 220 krónur gagn-
vart evru. Þannig mætti ímynda sér
að Seðlabankinn fallist á að leysa út
aflandskrónueigendur í útboðinu á
genginu 195 krónur gagnvart evru en
nýlega hafa verið viðskipti á mark-
aði með aflandskrónur á því gengi.
Slík niðurstaða í útboðinu myndi
þýða að markaðsvirði aflandskróna
væri um 26% lægra í samanburði við
skráð gengi krónunnar.
Gætu farið í hart
Allst óvíst er hins vegar um þátttöku
erlendra fjárfestingasjóða í fyrir-
huguðu gjaldeyrisútboði enda vilja
sumir þeirra ekki heyra á það minnst
að krónueignir þeirra verði leystar
úr landi á slíku gengi. Í umsögn sem
umbjóðendur fjárfestingasjóðanna
Eaton Vance og Autonomy Capi-
tal þeirra hér á landi skiluðu inn til
efnahags- og viðskiptanefndar kem-
ur fram að þeir telji ríkið ganga of
langt fram í skerðingu eignarrétt-
ar með frumvarpinu. Ekki er úti-
lokað að hinir erlendu fjárfestinga-
sjóðir muni láta reyna á rétt sinn
fyrir dómstólum ef fjármunir þeirra
verða fluttir yfir á læsta reikninga á
0,5% vöxtum.
Skilmálar og dagsetning fyrir-
hugaðs útboðs Seðlabankans verða
að líkindum gerðir opinberir á
morgun, miðvikudag, samkvæmt
heimildum DV. Í útboðsskilmálun-
um mun meðal annars koma í ljós
að hinir erlendu fjárfestingasjóð-
ir hafa ríka hagsmuni af því að sem
flestir aflandskrónueigendur kjósi
að losna með eignir strax út fyr-
ir höft í gegnum gjaldeyrisútboð
Seðlabankans. Þannig gætu þeir
fengið hagstæðara útboðsgengi eftir
því sem fleiri aðilar kjósa þann val-
kost og þá um leið eru auknar líkur á
að ekki verði neinar eftirlegukindur
(e. hold-outs) í hópi aflandskrónu-
eigenda samhliða aðgerðum stjórn-
valda. Sjóðirnir verða því settir í þá
stöðu að þurfa að eiga í samskiptum
sín á milli í aðdraganda útboðsins
og stilla saman strengi sína vilji
þeir komast út á hagstæðara gengi
en ella. Helmingur aflandskrón-
ustabbans – samtals um 160 millj-
arðar króna – er í eigu bandarísku
fjármálafyrirtækjanna Eaton Vance,
Autonomy Capital, Loomis Sayles
og Discovery Capital. n
Funda með vogunarsjóðum
n Fulltrúar stjórnvalda hitta eigendur aflandskróna í new York n meiri þátttaka þýðir hagstæðara gengi
25% hlutur í
Eimskipi aflands-
krónueign
Á meðal þeirra eigna sem eru skilgreindar
sem aflandskrónur samkvæmt frumvarpi
fjármálaráðherra eru ýmsar eignir í formi
hlutafjár í skráðum og óskráðum fyrir-
tækjum á Íslandi. Þar er meðal annars um
að ræða, samkvæmt heimildum DV, stóra
eignarhluti í Eimskipi, eignaumsýslufé-
laginu Klakka og HS Orku.
Þannig er 25% hlutur bandaríska
fjárfestingasjóðsins Yucaipa, stærsta
einstaka hluthafa Eimskips, talinn vera
aflandskrónueign. Það sama gildir einnig
um annars vegar 66% hlut kanadíska
fyrirtækisins Alterra Power í HS Orku og
hins vegar stóran eignarhlut vogunar-
sjóðsins Burlington Loan Management
í Klakka. Keyptu sjóðirnir hlut í þessum
íslenskum félögum með aflandskrónum
á sínum tíma.
Gjaldeyrisútboð Seðlabankans Til stendur að birta skilmála og nákvæma dagsetningu gjaldeyrisútboðs Seðlabankans á morgun,
miðvikudag. Mynd SiGtryGGur Ari
Hörður Ægisson
hordur@dv.is