Víkurfréttir - 17.08.2006, Blaðsíða 22

Sveindís Valdimarsdóttir skrifar:
Að afloknum kosningum sár og súr
en sæl eftir yndislegt sumarfrí
Síðast liðin ár hefur orðið
mikil uppbygging í sveitarfé-
lögum í útjaðri höfuðborgar-
innar sérstak-
lega í Vogum
á Vatnsleysu-
strönd og á
Árborgarsvæð-
inu. Mann-
f j ö 1 g u n á
Suðurnesjum
hefur orðið
umtalsverð.
Á síðasta áratug hefur orðið mikil
breyting á umhverfi okkar. Sú breyt-
ing hefur vissulega haft jákvæð áhrif
á viðhorf bæði okkar sjálfra og ann-
arra til svæðisins í heild. Það er mik-
ilvægt að það viðhorf nái að styrkjast
og að við getum með sanni sagt að
Reykjanesbær og Suðurnesin í heild
standi á styrkum stoðum.
Efnahagsleg staða og
samfélagsleg velferð
Sú efnahagsstefna sem rekin hefur
verið í Reykjanesbæ s.l. kjörtímabil
er þó að mínu mati ekki að sama
skapi traustvekjandi og þó að ein-
hugur hafi verið um margt sem
gert hefur verið, hafa gerræðisleg
vinnubrögð á mörgum sviðum
verið með ólíkindum. Sú aðgerð
að leggja niður Atvinnu-og mark-
aðsskrifstofu í upphafi s.l. kjörtíma-
bils án þess svo mikið sem leggja
það fyrir bæjarstjórn fyrr en eftir
að búið var að segja fólki upp, lýsir
því allvel hvernig meirihlutinn vann.
Með hreinum meirihluta sjálfstæð-
ismanna kom tími gæluverkefna og
bruðlað hefur verið með almannafé
á sama tíma og boðaður var niður-
skurður á þeim þjónustuþáttum er
snúa að fjölskyldum í sveitarfélag-
inu. Það hefur sem sagt verið farið
eins langt með niðurskurðarhnífinn
og unnt er þegar að hinum mýkri
og “ósýnilegri” málum kemur þó
að ekki hafi skort fé til ýmissa ann-
arra sýnilegra verkefna enda mun
vinsælli aðgerðir. Það er því gott að
bæjarstjórinn skuli vera kominn í
Fjölskyldu-og félagsmálaráð og stýri
nú á þessu tímabili sjálfur velferð
sveitarfélagsins.
Þá velti ég því einnig fyrir mér
hvort ekki sé kominn tími til að
tengja eins og Skriðjöklarnir sungu
hérna um árið. Hvað ætlum við að
safna mörgum h.f. félögum sem eru
bullandi skuldug s.s. Kalka, sem er
meira að segja í mínus hvaða varðar
eigið fé, sem er reyndar innan SSS
„stormsveitanna”. Nú ég hef haft
gaman af því að tala um litla fast-
eignafélagið og síðan er það náttúru-
lega stóra dæmið, Fasteign, þar sem
enginn veit hvað hann á eða skuldar
SANDGERÐISBÆR
Grunnskólinn í Sandgerði
Skólabyrjun
Formlegt skólastarf nemenda í Grunnskólanum i Sandgerði
hefst þriðjudaginn 22. ágúst 2006.
Nemendur mæti til skólasetningar á sal skólans sem hér segir:
Nemendur í 8.- 10. bekk kl. 9:00
Nemendur í 5. - 7. bekk kl. 10:00
Nemendur í 2. - 4. bekk kl. I 1:00
Nemendur í I. bekk og foreldrar þeirra kl. I 3:00
Við skólasetningu hitta nemendur umsjónarkennara sína
og fá afhentar stundaskrár.
Miðvikudaginn 23. ágúst hefst svo almennt skólahald
samkvæmt stundaskrám.
Skólastjórnendur.
eða það virðist erfitt að komast að
því. Svo ég tali nú ekki um sjálfa
höfnina sem ég segi ekki meira um
að þessu sinni. Þetta er allt gert í
nafni bókhaldsins, látiði mig vita
það, gamla bókhaldskennarann og
„besservisserinn”.
Atvinnuuppbygging
og jafnvægi
Nú stöndum við frammi fýrir stóru
verkefni sem snertir atvinnuöryggi
þess stóra hóps fólks sem hefur
starfað árum saman á Keflavíkurflug-
velli. Soflð hefur verið vært á verð-
inum fyrir þeirri staðreynd að varnar-
liðið er að fara. Nú skiptir miklu að
unnið verði hratt og markvisst. Við
þurfum á kraftmiklu afli að halda í
atvinnulífmu og að efla þarf þá starf-
semi sem fyrir er. Má í því sambandi
nefna Heilbrigðisstofnun Suðurnesja
en sú stofnun gegnir mikilvægu ör-
yggishlutverki fyrir svæðið í heild og
ekki má geyma uppbyggingu annarra
varna s.s. bruna- löggæslu og örygg-
isvarna og er ekki mál til komið að
fara að vinna saman af krafti á þeim
sviðum. Mikilvægt er að skapaðar
verði aðstæður til atvinnu-þróunar,
þannig að möguleikar verði til staðar
fyrir fólkið sem hefur hugmyndirnar
og það verði stutt til þess að koma
þeim í framkvæmd. Þá er gríðar-
lega mikilvægt að yfirvöld á svæðinu
styðji uppbyggingu á flugvallarsvæð-
inu en þar er svo sannarleg okkar
stóriðja sem við þurfum að efla. Þar
eru tækifærin. Það er þó sorgleg stað-
reynd að erfitt hefur verið að manna
ákveðin störf innan stórra fyrirtækja
þar vegna þeirri lágu launa sem fyrir
þau eru greidd. Gripið hefur verið
til þess ráðs að flytja inn fólk, að öllu
því fólki ólöstuðu, í stórum stíl til að
vinna þau störf sem okkur þykja ekki
boðleg. Við fundum að það kom sér
vel að hafa lært nokkur tungumál,
þegar á vinnustaðina var komið.
Höluðum þó ekki inn mörgum at-
kvæðum þar sem fólkið hafði nátt-
úrulega ekki atkvæðisrétt, nýkomið
til landsins, vorum ekki eins heppin
og Garðbúar sem gátu leitt fólkið í
réttina. Þetta er náttúrulega óafsak-
anleg kaldhæðni. Það sama á við
um mörg þau störf í okkar samfélagi
sem snúast um umönnun aldraðra
og sjúkra, þar sem ekki er krafist
sérmenntunar. Ég tel að það sé kom-
inn tími til að við stöldrum við og
skoðum hvert við stefnum í atvinnu-
málum í heild og á það auðvitað við
um landið allt. Það hlýtur að vera
þýðingarmikið hverju fyrirtæki að
starfsánægja og góður starfsandi
ríki meðal allra starfsmanna. Öllum
þeim störfum sem unnin eru ber að
sýna virðingu og sjaldan er keðjan
sterkari en veikasti hlekkurinn. Nú
er komið að því að leggja vel í mann-
lega þáttinn, nýsköpunina og upp-
byggingu atvinnutækifæranna.
VÍKURFRÉTTiR Á NETINU * www.vf.is •
Álversdraumurinn
Það var nokkuð merkilegt að heyra
frá núverandi utanríkisráðherra,
fyrrverandi iðnaðarráðherra að
morgni 19. júní þar sem hún sagði
að Helguvíkurálverið væri byggt á
einkaframtaki. Þetta voru að vísu
ekki fréttir í mín eyru en að sama
skapi veldur það hugarangri þar sem
sjálstæðismönnum hefur verið í lófa
lagið að hrauna yfir lög og reglur
ef þeim sýnist svo þannig að það er
eins gott að umhverfisráðherrar og
aðrir þeir sem taka hagsmuni heildar-
innar fram yfir einkahagsmuni hafi
bein í nefinu þegar risar á borð við
álfyrirtæki eru annarsvegar. Laun í
álverum eru ekki lág miðað við það
hversu mikið álrisarnir eru að borga
fyrir orkuna. Það má kannski segja
að við séum komin í það að niður-
greiða orku til að geta haldið uppi
atvinnu á kostnað náttúrunnar. Er
það ekki svoldið gróft, hvað finnst
ykkur? En álverið er svo sem ekkert
að koma. Ég get alveg verið róleg því
þó að búið sé að senda út alls konar
viljayfirlýsingar þá er orkan ekki
í höfn, svo ég tali nú ekki um um-
hverfismatið og nú er ég ekkert að
gera lítið úr áhuga fólks til að bjarga
málum, tel mig bara hafa heimildir
fyrir því að möguleikar okkar til að
afla slíkrar orku, þó að við nýtum
okkur alla jarðvarmatækni, sem um
getur eru kannski ekki alveg svona
einfaldir. En aðrir vita e.t.v. betur
oggetabættviðsöguna. Égpersónu-
lega vildi frekar sjá eitthvað smærra
sem t.d. dræpi ekki grasið fyrir hesta-
mönnum eða sendi frá sér óheilsu-
samlegt ryk fyrir ungbörn og gamal-
menni, skítt með okkur sum hin sem
erum hvort eð er stórmenguð. Burt-
séð frá því, nú sem aldrei fyrr er mik-
ilvægt að við stöndum saman í því
að styrkja alla þá atvinnustarfsemi
sem hér er og að sama skapi vinna
markvisst að uppbyggingu atvinnu-
lífs á svæðinu í samstarfi yfirvalda og
heimamanna og umfram allt, ekki
öll eggin í sömu körfuna, takk.
Ég vil nota tækifærið og þakka öllu
því ágæta fólki sem vann með okkur
hjá A-listanum fyrir samveruna fýrir
kosningar í þeirri von að það verði
allt jafnvirkt og skemmtilegt á kom-
andi kjörtímabili. Þá er ástæða til að
þakka fólki sem tók á móti okkur á
vinnustöðum og víðar með bros á
vör, eins og við vitum hvað pólitíkin
getur verið leiðinleg.
Að lokum óska ég sjálfstæðis-
rnönnum til hamingju með sigurinn
í kosningunum og vænti góðs sam-
starfs við þá á komandi kjörtímabili,
sérstaklega þar sem kratarnir eru
allir komnir í liðið og get ég bara
varla beðið eftir að byrja aftur eftir
sumarfrí.
Með bestu kveðjum,
Sveindís Valdimarsdóttir.
LESTU NÝJUSTU FRÉTTIR DAGLEGA!
22 I VtKURFRÉTTIR í 33.TÖLUBLAÐ : 27. ÁRGANGUR