Fréttablaðið - 16.10.2017, Page 2

Veður
Það er útlit fyrir haustblíðu á
landinu í dag. Víða hægur vindur og
léttskýjað. Hiti 3 til 8 stig, en svalara
að næturlagi. sjá síðu 22
Extra hröð
endurhleðsla
Nýjar blýgrindur
3DX tækni
Mikið
kaldræsiþol
Þolir mikinn
aukarafbúnað
Fyrir mjög
kalt loftslag
Veldu öruggt start með nýjum TUDOR
Hans heilagleiki Bartolomeus I., patríarki af Konstanínópel á landinu
Hans heilagleiki Bartólómeus I. patríarki af Konstanínópel var staddur hér á landi um helgina. Hann var viðstaddur ráðstefnu alkirkjuráðsins sem
fram fór um helgina, en tók líka þátt í Hringborði norðurslóða. Patríarkinn fylgdist vel með umræðum í Skálholti á laugardag. mynd/ ólafur þórisson
NeyteNdur Sigríður Hjálmarsdóttir,
húsmóðir og fyrrverandi bóndi, er
allt annað en sátt við slátursöluna
nú til dags.
„Mér finnst bara óréttlátt að fá
bara gervivambir en ekki venjulegar
ekta vambir. Svo eru þeir hættir með
hálsæðarnar sem fylgdu alltaf með
áður, segir Sigríður, en viðurkennir
að þær séu vissulega ekki allra og
það sé töluvert verk að hreinsa þær,
„en þetta er magurt og gott kjöt, til
dæmis í hakk“.
Sigríður er hins vegar óánægðust
með blóðmagnið sem fylgir slátri
í dag. „Það hefur verið að breytast
smám saman hjá þeim. Hér áður fyrr
fylgdu ¾ lítrar einu slátri en nú fylgir
einn lítri þremur slátrum. Mér finnst
það bara fúlt,“ segir Sigríður.
Sigríður tekur fimm slátur og segir
þau nýtast í 20 máltíðir þegar eldað
er fyrir þrjá eins og hún gerir.
„Ég var að reikna út um daginn
að þetta eru rúmar 300 krónur
máltíðin, eða rúmar 100 krónur á
mann. Þá reikna ég allt með, sviða-
hausana, hjörtun og þindirnar líka.
Þau hjónin voru bændur en brugðu
búi fyrir þrjátíu árum. „Við vorum
með fimm börn og þá tók ég tuttugu
slátur. Ég hef alltaf haldið í slátur-
gerðina síðan,“ segir Sigríður og segir
barnabörnin sólgin í slátur, sérstak-
lega með grjónagrautnum. Enda þótt
eiginmaðurinn elski súra slátrið er
Sigríður hætt að setja í súr. „Hann fær
það bara á þorranum,“ segir Sigríður.
Fréttablaðið spurðist fyrir um verð
bæði meðal framleiðenda og í versl-
unum. Hjá Sláturfélagi Suðurlands
hefur heildsöluverðið haldist óbreytt
milli ára og er 1.016 kr. án virðis-
aukaskatts. Hjá Norðlenska er verðið
breytilegt og fer eftir samningum við
viðskiptavini, en hefur hækkað um
1,5 prósent á síðustu þremur árum.
Varan sjálf er einnig nokkuð breytileg
og athygli vekur sérstaklega munur
á magni blóðs og mörs. Hjá SS fylgir
einn lítri af blóði hverjum þremur
slátrum og 2,4 kíló af mör. Hjá Norð-
lenska fylgja hins vegar 2,5 lítrar af
blóði hverjum þremur slátrum og
þrjú kíló af mör.
Sólmundur Oddsson, innkaupa-
stjóri Nóatúns, segir slátursöluna
hafa minnkað töluvert undanfarin
15 ár. „Það er þó alltaf ákveðinn
hópur sem heldur í þessa frábæru
hefð,“ segir Sólmundur og mælir
mun frekar með slátrinu en nammi-
barnum. Sólmundur vekur athygli á
því að það er ekki bara slátrið sjálft
sem vinna má í sláturtíðinni heldur
ýmiss konar annar innmatur og
nefnir til dæmis hreinsaðar og hakk-
aðar þindar sem frábæra viðbót til
að blanda með hakki og kjötfarsi.
„Þar ertu komin með frábært efni til
bollugerðar,“ segir Sólmundur.
adalheidur@frettabladid.is
Húsmæður vilja ekta
vambir og meira blóð
Húsmóðir í Smáíbúðahverfinu er ósátt við gervivambir og vill meira blóð í
sláturgerðina. Dregið hefur úr sláturgerð á íslenskum heimilum. Máltíðin kostar
rúmar 100 krónur fyrir einn. Fréttablaðið kannaði verð og úrval í sláturtíðinni.
sigríður Hjálmarsdóttir hefur tekið slátur alla sína húsmóðurtíð. Hún er ósátt
við þær breytingar sem eru að verða í slátursölunni. fréttablaðið/Eyþór
Vara Hagkaup Nóatún

Sláturpakki 5.699 kr. 4.699 kr.
(5 slátur) (3 slátur)
Verð (eitt slátur) 1.139 kr. 1.566 kr.
Blóð 199 kr. 749 kr.
1lítri 2,5 lítrar
Mör 169 kr./kg 199 kr./kg
Nýru 399 kr./kg 299 kr./kg
Þindar 399 kr./kg 499 kr./kg
Lifur 379 kr./kg 499 kr./kg
Hjörtu 579 kr./kg 499 kr./kg
Ekta vambir 3 stk. 1.199 kr. 1.199 kr.
✿ dæmi um smásöluverð
utaNríkismál „Ég hef látið kanna
þetta mál innan ráðuneytisins,“ segir
Guðlaugur Þór Þórðarson utanríkis-
ráðherra um umdeildan ræðismann
Íslands í Búlgaríu sem fjallað var um
í Fréttablaðinu 10. og 11. október
síðastliðinn. Guðlaugur segir engar
skráðar upplýsingar í ráðuneytinu
um þau mál sem umfjöllunin laut að.
Í umfjöllun blaðsins kom fram að
Tsvetelina Borislavova, sem skipuð
var heiðursræðismaður Íslands í
Búlgaríu árið 2006 hefur ítrekað
verið orðuð við peningaþvætti og
skipulagða glæpastarfsemi í fjöl-
miðlum þar ytra og að sendiherra
Bandaríkjanna í Búlgaríu hafi varað
bandarísk stjórnvöld við henni í
skeytum sem lekið var á vefsíðu
Wikileaks árið 2010.
„Ég hef, að svo stöddu, ekki ástæðu
til að ætla að hún geti ekki sinnt sínu
hlutverki sem ræðismaður okkar
í Búlgaríu, enda liggur ekkert fyrir
um að hún hafi gerst brotleg við lög,“
segir Guðlaugur.
Hann lætur þess getið að ræðis-
menn Íslands erlendis séu á þriðja
hundrað talsins og mjög mikilvægur
hluti af utanríkisþjónustu Íslands. Í
nýútkominni skýrslu um utanríkis-
þjónustu til framtíðar, sem unnin
var að hans frumkvæði, hafi verið
lagt til að stofnuð yrði sérstök deild
í utanríkisráðuneytinu til að styðja
við ræðismenn okkar erlendis.
„Þeirri tillögu var þegar hrint í
framkvæmd og umsjón þessara mála
er því í réttum farvegi að mínu mati,
en við fylgjumst vel með framvind-
unni,“ segir Guðlaugur. – aá
Konsúllinn
verður kyrr
Guðlaugur þór lét kanna mál
borislavovu. fréttablaðið/VilHElm
samGÖNGur Rannsóknarnefnd
samgönguslysa (RNSA) beinir þeim
ábendingum til Eimskips, rekstr-
araðila Herjólfs, að skráningakerfi
um fjölda farþega verði tekið upp á
skipinu.
Ábendingarnar koma fram í
skýrslu vegna atviks sem átti sér
stað í ferjunni milli jóla og nýárs í
fyrra. Þá kom upp reykur í skipinu,
vegna bilunar í loftræstiblásara, sem
var mestur í almenningi.
Illa gekk að rýma skipið en of
fáir skipverjar voru um borð til að
takast á við aðstæðurnar. Í fyrstu var
talið að 132 hafi verið í skipinu en
síðar kom í ljós að þeir voru alls 149.
Auk áðurnefndrar ábendingar
var þeim tilmælum beint til for-
svarsmanna Eimskips að endur-
skoða fjölda í áhöfn Herjólfs og að
tryggja að fjarskiptabúnaður milli
áhafnar innan skips sem utan verði
lagfærður. – jóe
Skráningakerfi
þurfi á Herjólf
1 6 . o k t ó b e r 2 0 1 7 m á N u d a G u r2 f r é t t i r ∙ f r é t t a b l a ð i ð
1
6
-1
0
-2
0
1
7

0
4
:2
7
F
B
0
4
8
s
_
P
0
4
7
K
.p
1
.p
d
f
F
B
0
4
8
s
_
P
0
3
8
K
.p
1
.p
d
f
F
B
0
4
8
s
_
P
0
0
2
K
.p
1
.p
d
f
F
B
0
4
8
s
_
P
0
1
1
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
D
F
9
-5
6
8
0
1
D
F
9
-5
5
4
4
1
D
F
9
-5
4
0
8
1
D
F
9
-5
2
C
C
2
7
5
X
4
0
0
.0
0
1
1
B

F
B
0
4
8
s
_
1
5
_
1
0
_
2
0
1
C
M
Y
K