Dagblaðið Vísir - DV - 21.03.2017, Blaðsíða 18

Vikublað 21.–23. mars 201718 Fréttir Erlent
A
ugum hennar verður lokið
aftur. Börn hennar verða
hjá henni. Karl verður ekki
lengur prins af Wales heldur
verður hann konungur Bret-
lands. Systkin hans, Anna prinsessa,
Andrés prins og Játvarður prins munu
kyssa hendur hans. Haft verður sam-
band við Downing-stræti 10 og Ther-
esa May vakin, sé hún ekki þegar á fót-
um, með orðunum „Lundúnabrú er
fallin“.
Svona má gera ráð fyrir að atburða-
rásin verði þegar Elísabet II
Englandsdrottning fellur frá.
Elísabet er níræð og á mánuð
í 91 árs afmæli sitt. Hún hefur
setið í hásæti frá árinu 1952,
þegar hún tók við valda-
taumunum eftir dauða föður
síns, Georgs sjötta. Enginn
sitjandi þjóðhöfðingi hefur
setið viðlíka lengi á valdastóli
og Elísabet, sem er drottning
Stóra-Bretlands og fimmtán
annarra ríkja Breska samveld-
isins. Á valdatíma sínum hef-
ur hún verið þjóðhöfðingi 32
landa. Fráfall hennar, þegar
að því kemur, mun því hafa
mikil áhrif víða um heim.
Og vitanlega er búist við
því að drottningin geti fallið
frá, í raun hvenær sem er. Hún
hefur þegar náð háum aldri,
þótt langlífi sé þekkt í henn-
ar ætt. Drottningarmóðirin,
nafna hennar, varð þannig
101 árs gömul. En sem fyrr
segir þá gera allir sér grein
fyrir að Elísabet drottning lifir
sitt ævikvöld þessi dægrin.
Fjölmargar sviðsmyndir til
Breska dagblaðið The Guardian birti á
dögunum langa grein þar sem fjallað
er um hvað gerist þegar drottningin
fellur frá. Slíkar greinar hafa áður birst
í breskum blöðum og eru allar nokkuð
á sömu lund. Til eru fjölmargar sviðs-
myndir af hálfu hirðarinnar, breskra
stjórnvalda og breska ríkisútvarps-
ins, sem fjalla um dauða drottningar-
innar. Flestar þeirra gera ráð fyrir að
drottningin falli frá eftir skammvinn
veikindi. Yfirlæknir hennar, Huw
Thomas, tekur yfir stjórn meðan
drottningin liggur banaleguna, hann
mun stýra því hverjir fái að hitta hana,
hvaða upplýsingar verða gerðar opin-
berar og hvenær.
Hirðin við Buckinghamhöll mun
senda út tilkynningar, ekki margar
en nægjanlega margar til að al-
menningur muni fá upp-
lýsingar. Fyrsti emb-
ættismaðurinn sem
mun þurfa að takast
á við fráfall Elísabetar
verður Sir Christoper
Geidt, ritari drottn-
ingar. Hann mun
hafa samband við
forsætisráðherra
Bretlands sem
mun verða
upplýstur
um tíð-
indin, á
öruggri
símalínu,
með orðunum:
„Lundúnabrú
er fallin“.
Ekkert verður samt
Utanríkisráðuneytið mun koma upp-
lýsingum til ríkisstjórna þeirra fimm-
tán ríkja utan Stóra-Bretlands sem
eru undir bresku krúnunni. Hið sama
á við um 36 önnur ríki Samveldisins
þar sem litið er á Elísabetu sem tákn-
rænan leiðtoga. Ekkert verður samt.
Almenningur verður ekki upp-
lýstur strax um fráfall drottn-
ingarinnar. Fyrst þarf að upplýsa
þjóðhöfðingja, embættismenn,
sendiherra og diplómata. Úr skápum
verða dregin svört sorgarbönd sem
borin eru á vinstri handlegg. Árum
saman var breska ríkisútvarpið BBC
upplýst um dauða meðlima bresku
konungsfjölskyldunnar á undan
öðrum fjölmiðlum.
Þeir tímar
eru liðnir og verður tilkynning send
út á alla fjölmiðla samtímis. Samtímis
gengur þjónn í sorgarklæðum út um
dyr Buckinghamhallar og að hliðun-
um, þar sem hann hengir upp til-
kynningu um dauða drottningar.
Sjónvarps- og útvarpssendingar
verða rofnar. Breska ríkisútvarp-
ið mun útvarpa viðvörunarhljóði
frá tímum kalda stríðsins sem fæstir
starfsmenn hafa heyrt, og þeir sem
það hafa gert hafa aðeins heyrt það
við prófanir. Sjónvarpsstöðvar verða
samtengdar, rás 1, 2 og 4 hjá BBC
munu sýna svan á tjörn þar til frétt-
ir taka við. Fréttamenn verða í svört-
um jakkafötum, með svört bindi. Aðr-
ar fréttastofur munu koma myndefni
í loftið og minningargreinum á netið.
Sagt er að dagblaðið The Times sé til-
búið með ellefu daga umfjöllun sem
hægt er að senda út. Sky News hefur
æft viðbrögð við andláti drottningar
svo árum skiptir undir dulnefn-
inu „Frú Robinson“. Skjaldarmerk-
ið mun birtast á skjáum.
Þjóðsöngurinn
verður leikinn.
Þögn fellur á
Útför drottningar fer
fram níu dögum eftir
dauða hennar frá West-
minster-klaustri, í fyrsta
skipti frá árinu 1760 sem þjóðhöfð-
ingi Breta er kvaddur þar. Bretland
mun stöðvast. Verslunum verður
lokað og í einhverjum tilvikum stillt
upp myndum af drottningunni í
gluggum þeirra. Kauphöllin verður
lokuð. Knattspyrnuleikvangar verða
opnaðir fyrir minningarathafnir er
nauðsyn krefur.
Kista drottningar nær dyrum
klaustursins klukkan 11. Þögn fellur
á.
Sem fyrr segir mun dauði
Elísabetar II Englandsdrottningar
hafa mikil áhrif. Vinsældir drottn-
ingarinnar og bresku konungsfjöl-
skyldunnar hafa aukist síðustu ár
og þó að til séu harðir andstæðingar
konungsveldisins er ekki hægt að
búast við öðru en að þjóðarsorg
mun sveipa Bretland klæðum sín-
um. Drottningin hefur ríkt í 65 ár,
þeim fer ört fækkandi í hópi þegna
hennar sem muna aðra tíma en þá
sem hún hefur ríkt. Níu dagar hafa
verið skipulagðir í þaula fram að
útför drottningar og hvort sem um
aðdáendur drottningarinnar er að
ræða eða andstæðinga mun enginn
verða ósnortinn.
Vitanlega á þetta einkum við um
þegna Elísabetar drottningar, eink-
um á Bretlandseyjum, en einnig
annars staðar innan Samveldisins.
Heimurinn allur mun hins vegar
einnig verða fyrir áhrifum. Dauði
drottningar verður stórtíðindi. Sum-
um verður hún harmdauði, öðrum
ekki. Heimsbyggðin öll var áhorfandi
að dauða fyrrverandi tengdadóttur
hennar, Díönu prinsessu, og
fylgdist með í sorg. Fjöl-
margir geta rifjað
upp hvar þeir voru
þegar fréttirnar
af dauða Díönu
bárust þeim.
Fólk mun
einnig muna
hvar það var
þegar fréttir
berast af því
að Elísabet
II Englands-
drottning sé
fallin frá.
Stuðst er
við grein The
Guardian í um-
fjölluninni ásamt
fleiri heimildum. n
Þjóðar-
sorg Bretar
voru harmi
slegnir við
fráfall Díönu
prinsessu, líkt og
heimsbyggðin öll. Búast
má við þjóðarsorg í Bretlandi við fráfall
Elísabetar II. Mynd EPA
Dauði Englandsdrottningar
n „Lundúnabrú er fallin“ n Ítarlegar áætlanir um viðbrögð við dauða Elísabetar II
Erfingi krúnunnar
Elísabet með
frumburðinn Karl
Bretaprins. Mynd
AP1948
níræð og hress Elísabet II
Englandsdrottning á mánuð
í 91 árs afmæli sitt. Til eru
ítarlegar áætlanir um viðbrögð
við dauða hennar. Mynd EPA
Ásamt Reagan Elísabet II hefur séð tólf Bandaríkjaforseta koma og fara í valdatíð sinni.
Hér ríður hún út ásamt einum þeirra, Ronald Reagan, árið 1980.
Við hirðina
Englandsdrottning
hefur í gegnum
tíðina vakið athygli
fyrir glæsilega hatta
sem hún ber við mis-
munandi tækifæri.
Mynd EPA
65 ár á valdastóli Elísabet II
hefur setið í 65 ár á valdastóli, lengur en
nokkur sitjandi þjóðhöfðingi í heiminum
annar. Mynd EPA
Við krýningu Elísabet II ásamt eiginmanni sínum,
Filipusi drottningarmanni, eftir krýninguna 2. júní 1953.
Freyr Rögnvaldsson
freyr@dv.is