Skátablaðið Faxi - 01.12.1988, Blaðsíða 17

Hópurinn sem gekk á
tind Vífilfells, talið
frá vinstri: Leiknir,
Ægir, Páll, Gísli,
Viktor, Hörður,
Hogni, Tommi og
Raggi. Hjalti tók
nnndina.
VIFILFELLSGANGA
Þann 13. mars 1988 var Skáta-
félagið Faxi í sinni árlegu skíða-
ferð. En það hefur verið siður að
fara í leiðinni í gönguferð með
mannskapnum til yndisauka, en
að þessu sinni treystu ekki allir
sér í gönguna enda erfið ferð
fyrir höndum. Ákveðið var að
ganga á Vífilfell en sem betur fer
voru ekki allir svo slappir og fór
hópur hraustra manna ásamt
einu gamalmenni sem kallaði
ekki allt ömmu sína, og hélt
hópurinn af stað.
Gangan var frekar erfið og á
köflum hálf glæfraleg, en vegna
mikilla hæfileika hópsins kom
ekkert fyrir. Hópurinn lagði
áherslu á hlýjan og góðan
klæðaburð, enda frekar óþægi-
legt að vera mjög kalt í rúmlega
655 m hæð, en það er hæð
Vífilfells. En Vífilfell er ákaf-
lega erfitt yfirferðar.
Fjallið er þannig myndað að
þegar maður gengur á það þarf
maður að fara upp margar
brekkur álíka að hæð og
brekkan upp á hrygg Dal-
fjallsins. En það er það sem gerir
fjallið erfitt yfirferðar, svo eru
brekkurnar frekar grýttar. En
allt gekk þetta upp að lokum og
var hópurinn gífurlega ánægður
með að komast upp á efsta tind
fjallsins og er hópurinn kom
niður beið hans yndisleg máltíð
sem allir snæddu með bestu lyst.
H.A.
BAKKABRÆÐUR
Sveitin var stofnuð 17. október
1987 og þá var henni gefið
nafnið „Bakkabræður".
Sveitina skipa fjórir flokkar og
flokksforingjar eru: Yfir
„Grísunum" eru Páley og
Kristbjörg, yfir „Gísla, Eiríki og
Helga" er Þór, yfir „Sægörpum"
eru Tommi og Gústaf og yfir
„Sólbúum" eru Ægir og Hjalti.
Sveitarforingi er Högni Arnar-
son og aðstoðarsveitarforingi er
Erlingur Guðbjörnsson.
Sveitin hefur fundi einu sinni í
viku og ríkir góður mórall.
Ýmislegt er gert til gamans t.d.
farið í útilegur, göngur o.fl.
Krakkarnir í sveitinni eru urn 30
talsins.
Bakkabræður áttu eins árs
afmæli 17. október s.l., en upp á
það var haldið 16. október með
„Litlu gulu hænunni”, sent er
önnur sveit, sem átti líka afmæli.
Hver flokkur átti að koma með
eina köku og skemmtiatriði. Það
var mikið hlegið og ntikið sungið
og það var injög gaman. Smá hlé
var gert og allir fengu sér smá
kökusneið og öl.
Flokksforingjanámskeið var
haldið og fór þá öll sveitin
saman og gekk það svona bæri-
lega vel. Við drógunt spjald sem
á stóð að við ættum að sofa
fyrstu nóttina í gamla golf-
skálanum, þar sem kvöldvaka
var haldin með öllum sveit-
unum. Aðra nóttina áttum við
að fara út á nýja hraun í kaffi-
skúr eða vinnuskúr sem þar er.
Við heimsóttum Steinsstaði þar
sem önnur sveit lenti. Svo gerðu
allir það sem átti að gera og allt
gekk vel þangað til námskeiðið
var búið.
Þetta er það helsta um Bakka-
bræður. Páley og Kristbjörg
Gönguferð í janúar 1988
Lagt at' stað
Fjörugur hópur vestur á Eyju
17
<cn_J<Q — Q Li-<X