Skátablaðið Faxi - 01.04.1998, Síða 17

SKÁTABLAÐIÐ FAXI
©
Horft til framtíðar
Fyrr í vetur, nánar tiltekið þann 22.
Febrúar, var haldið upp á 60 ára afmæli
Skátafélagsins Faxa með margvíslegum
hætti. Gengið var fylktu liði til kirkju
þar sem nýliðar voru vígðir, Olafur
Ásgeirsson skátahöfðingi hélt stólræðu
dagsins og skátar tóku þátt í messunni,
fóru m.a. með bænir. Þá var gengið
suður í Skátastykki, þar sem staðið var
fyrir fjölbreyttri dagskrá að viðstöddum
hátt á annað hundrað manns og skáta-
höfðingja sem heiðraði nokkra eldri
skáta og nokkra yngri starfandi
skátaforingja fyrir vel unnin störf.
Á tímamótum sem þessum setja menn
sér markmið um framtíðina og stjórn
Faxa hefur tekið fyrir og rætt um
framtíðina til lengri tíma litið og fellur
það saman við þá umræðu sem er á
dagskrá Bandalags íslenskra skáta og
allra aðildarféflaga þess.
Þar er á dagskrá, Skátahreyfingin á
nýrri öld, markmið um fjölda skáta og
gæði skátastarfsins. Stefnumörkun í
skátastarfi, verður því væntanlega eitt
helsta viðfangsefni næsta skátaþings.
í lögum Bandalags íslenskra skáta
segir að markmið skátastarfsins og
hugsjón sé að þroska börn og ungt fólk
til að verða sjálfstæðir, virkir og ábyrgir
einstaklingar. Skátahreyfingin skal
stuðla að friði og leggur áherslu á að
skátar beri virðingu fyrir umhverfinu.
Tillitsemi, samstarf, ábyrgð, útilíf, nyt-
söm störf og þátttaka í alþjóðastarfi skal
einkenna starfið.
Leiðarljós skátastarfsins er þessi
hugsjón. Efniviðurinn eru börn og
unglingar, en jafnframt fullorðið fólk.
Aðrir mikilvægir þættir eru þekking,
skipulag, fjármagn sem og velvild og
stuðningur stjórnvalda og almennings.
Á merkum tímamótum eins og þegar
minnst er 60 ára óslitins skátastarfs í
Eyjum, og við þröskuld nýrrar aldar er
rétt að taka áttir og varða leiðina fyrir
skátastarfið. Markmið hvers skátafélags
er í grundvallaratriðum tvíþætt:
• að auka fjölda barna og unglinga í
skátastarfi
• að bæta gæði skátastarfsins.
Fjöldi barna og unglinga í starfi hér í
Eyjum hefur verið hvað hlutfallslega
mestur miða við íbúafjölda, þannig að
það markmið hefur tekist að mestu leyti.
Hins vegar hefur ekki tekist að halda
gæðum starfsins eins og helst er á kosið.
Gæði starfsins má annars vegar
tryggja með skýrum uppeldismark-
miðum, góðum verkefnum og vandaðri
útgáfu sem Bandalag íslenskra skáta
hefur séð um og hins vegar með
áhugasömum foringjum og stjórnum og
góðri aðstöðu fyrir starfið, sem
Skátafélagið Faxi á að sjá um.
Aðstöðu fyrir vetrarstarfið, hefur
félagið í Skátaheimilinu við Faxastíg og
er hún til fyrirmyndar en nýtist ekki sem
skyldi þar sem opnunartími þess er tak-
markaður við sjálfboðaliðastarf foringja
og umsjónarmanna.
Útivistaraðstaða fyrir útilegur yfir
Hópvinna er eitt af því sem lærist í skátastarflnu.
Páll Zóphóníasson ásamt eiginkonu
sinni, Sesselju Áslaugu
Hermansdóttur.
vetrartímann og fyrir sumarstarfið er í
byggingu í Skátastykkinu og áformað
að taka í notkunn í sumar, þannig að þá
verður vel séð fyrir þessum þætti í
aðstöðusköpun fyrir félagið.
Er þá ekki neitt að vinna að?? Jú við
þurfum helst að efla foringjaþjálfunina,
m.a. vegna þess að flestir foringjarnir
staldra stutt við verður það óhjákvæmi-
lega mikil endurnýjun. Þá þurfum við
að fá eldri skáta til starfa aftur, um
lengri eða skemmri tíma. Á hverju ári
eru haldin áhugaverð foringjanámskeið
sem bjóðast jafnt starfandi
skátaforingjum og eldri skátum sem
vilja koma til starfa á nýjan leik.
Gilwell- skólinn á Úlíljótsvatni er kjörin
vettvangur fyrir alla þessa væntanlegu
skátaforingja. Skátafélagið hefur á
undanfömum árum sent foringjaefni á
þessi námskeið og hefur reynsla af því
verið góð.
Að þessu verður að vinna.
Stjórn Faxa