Morgunblaðið - Sunnudagur - 25.06.2017, Qupperneq 31

sér á brjóst. Það varðar lífláti í mörgum múslimaríkj-
um að afneita trúnni og í besta falli þungum refsingum.
Menn, sem á Vesturlöndum draga sér til gamans eða
fyrir ritstjórnir sínar upp myndir sem þeir segja sjálfir
að eigi að sýna Múhammed, þurfa að búa við einangrun
og gæslu sem kostar heimalönd þeirra hundruð millj-
óna á mann það sem eftir er. Ef þeir gerðu slíkt hið
sama í ríkjum múslima er langtímakostnaður yfirvalda
af athæfinu sáralítill. Alþjóðlegar stofnanir, sem um
slíkt fjalla, hafa upplýst að kristnir menn eru um þess-
ar mundir ofsóttasti trúarhópurinn í veröldinni. Um
það er sáralítið fjallað í hinum kristna heimi sem með
þeim hætti flýtur sofandi að sínum feigðarósi.
Tilkynningin sem týndist
Hatursumræðuraminn og hliðargreinar hans er fjarri
því að vera bundið trúarhreyfingum einum og er í sí-
auknum mæli brúkað til þess að knýja menn til und-
irgefni við rétttrúnað tíðarandans.
Tim Farron hefur nýlega sagt af sér sem leiðtogi
flokks Frjálslyndra demókrata í Bretlandi. Ástæða
afsagnar hans var harla eftirtektarverð. En þótt hún
væri eftirtektarverð fékk hún enga umræðu og hefur
ekki heyrst síðar. Það var ekki vegna þöggunar á
fyrsta degi. Ekkert samsæri þar. Sama dag varð óg-
urlegur bruni í íbúðaturni í Lundúnum með hrikaleg-
um afleiðingum. Vera má að einhverjum hafi ekki
þótt það lakara að afsögn og einkum þó afsagn-
arástæða Tim Farrons týndust, því þær hafa ekki
verið rifjaðar upp eftir að tóm gafst til þess.
Tim Farron er 47 ára gamall og hefur verið leiðtogi
flokks síns í tvö ár. Frjálslyndir töpuðu mjög illa, eft-
ir að flokkurinn, undir forystu Nick Clegg, hafði verið
í 5 ár í samsteyputjórn með Íhaldsflokki. Í kosning-
unum í maí 2015 tapaði flokkurinn 49 af 57 þingmönn-
um. Í kosningunum í þessum mánuði bætti flokk-
urinn við sig 4 þingsætum og fór úr 8 þingmönnum í
tólf. Enginn stórsigur og ekkert afhroð.
Fær 10 í krossaprófi
Farron flokksleiðtogi merkti rétt við í alla ferninga
réttrúnaðarins. Hann er ákafur evrópusinni. Í flokks-
stjórn hans sátu 22 talsmenn einstakra málaflokka.
Þar af voru konur 12 og karlar 10. Hann tryggði að 10
prósent þeirra sem skipuðu framboð, sem telja mátti
í vonarsæti, væru af erlendu bergi brotnir. Farron er
grænmetisæta. Tveimur árum áður en hann varð
leiðtogi flokksins greiddi hann atkvæði með hjóna-
böndum samkynhneigðra á þingi. Hann greiddi einn-
ig atkvæði með því að ákveða að hermenn Breta, sem
staðsettir væru í stöðvum erlendis, mættu vera í
hjónabandi samkynhneigðra, en herinn hafði áður
dregið sín mörk þar af tillitssemi við venjur eða sjón-
armið gistiríkja.
Af hverju þá?
En af hverju sagði Farron þá af sér? Hann gaf þá
skýringu að það gengi ekki lengur að sanntrúaður
kristinn maður gegndi leiðtogahlutverki í stjórn-
málaflokki í Bretlandi. Farron hafði í kosningunum í
júní verið spurður um það hvort hann liti svo á hjóna-
band samkynhneigðra væri synd. Hann hafði svarað
spurningunni á þá lund að það væri inntak trúar krist-
inna manna að þeir viðurkenndu að þeir væru allir
syndarar. Í framhaldinu átti leiðtoginn erfitt með að fá
að ræða nokkurt málefni á fundum sínum án þess að
fá dembu af spurningum um þetta efni, sem að öðru
leyti var hvergi til umræðu í kosningunum. Það dugði
ekki að hann segðist sjálfur ekki líta á hjónaband sam-
kynhneigðra sem synd eða vekja athygli á hvernig
hann hefði greitt sín atkvæði. Fjölmiðlamenn þóttust
skynja að hann vildi ekki fordæma nægjanlega harka-
lega þá kristnu menn sem persónulega litu á slíkt
hjónaband sem syndsamlegt. Niðurstaða Farrons eft-
ir kosningar var að það gengi ekki lengur að kristinn
maður væri flokksleiðtogi í Bretlandi. Þetta sætti nán-
ast engum tíðindum. Það eru, eins og fyrr sagði, skýr-
ingar á tímabundnu áhugaleysi á þessari yfirlýsingu.
Sanntrúaður múslimi (ekki öfga-múslimi af neinu
tagi) og mjög frambærilegur maður er borgarstjóri í
Lundúnum núna. Það hefur aldrei verið gengið á
hann með þeim hætti sem gert var á Farron. Enda
hefur hann ekki komist að þeirri niðurstöðu að ekki
gangi að sanntrúaður múslimi sé í borgarstjórafram-
boði í Lundúnum. Enda væri slík niðurstaða aug-
ljóslega röng, eins og prýðilegt og verðskuldað kjör
hans sýndi á sínum tíma.
Morgunblaðið/Ófeigur
25.6. 2017 MORGUNBLAÐIÐ SUNNUDAGUR 31