Morgunblaðið - 15.07.2017, Side 6

6 FRÉTTIRInnlent
MORGUNBLAÐIÐ LAUGARDAGUR 15. JÚLÍ 2017
Normandí & París
sp
ör
eh
f.
Haust 2
Í þessari dásamlegu ferð liggur leið okkar um hið heillandi
Normandíhérað og heimsborgina París. Við heimsækjum
Rúðuborg og klettaeyjuna frægu Mont St. Michel. Í París
verður farið í áhugaverðar skoðunarferðir um helstu
staði borgarinnar eins og Eiffelturninn, Louvre safnið,
Sigurbogann, Champs Elysées og Notre Dame.
15. - 22. september
Fararstjóri: Laufey Helgadóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 199.900 kr. á mann í tvíbýli. ÖRFÁ SÆTI LAUS
Mjög mikið innifalið!
Agnes Bragadóttir
agnes@mbl.is
Sigurður Már Guðjónsson, bakara-
og konditormeistari, eigandi Bern-
höftsbakarís og formaður Konditor-
sambands Íslands, segir að hótel og
veitingastaðir leiti mjög lítið til
handverksbakara eftir viðskiptum.
Sigurður Már kveðst telja að full-
yrðing Jóhannesar Felixsonar, (Jóa
Fel) formanns Landssambands bak-
arameistara, hér í blaðinu í gær, um
að viðskiptavinurinn sem versli við
bakarí sem er innan Landssambands
bakarameistara, geti verið 99% viss
um að í þeim bakaríum sé varan bök-
uð frá grunni, standist ekki. „Því
miður eru allt of margir bakarar að
nota innflutninginn. Það hefur verið
mjög erfitt að fá bakara, vegna þess
hve fáir eru að útskrifast. Ég er
nýbúinn að ráða til mín bakara frá
Þýskalandi,“ sagði Sigurður Már.
„Það hefur komið fram í fréttum
að ungt fólk kemst ekki á náms-
samning í bakstri. Þetta helst allt í
hendur. Þeir sem keypt hafa veit-
ingastaði, og skipta ekki við íslensk
handverksbakarí, heldur bjóða upp á
innflutt brauð, skapa ekki tækifæri
fyrir ungt fólk til að læra bakaraiðn-
ina,“ sagði Sigurður Már í samtali
við Morgunblaðið í gær.
Sigurður Már segir að einungis
tveir bakarar hafi útskrifast í vor.
Sennilega verði engir bakarar út-
skrifaðir fyrir áramót og þeir verði
ekki nema þrír til fjórir sem muni út-
skrifast næsta vor.
Sigurður Már rifjar upp að þegar
bakarastéttin fagnaði 150 ára afmæli
sínu árið 1984 hafi yfir 60 bakarí ver-
ið í Landssambandi bakarameistara.
Hann telur að þau séu innan við 30 í
dag.
Baka sjálfir eða kaupa frosið
„Ég get staðfest það að hótelin og
veitingastaðirnir leita nánast ekkert
til okkar handverksbakaranna eftir
viðskiptum, þannig að ég tel að það
standist ekki að bakaríin, hvorki hér
á höfuðborgarsvæðinu né úti á landi,
geti ekki þjónustað ört vaxandi
ferðaþjónustuna. Það er einfaldlega
ekki látið á það reyna,“ sagði Sig-
urður Már.
„Þeir bakarar sem ég hef talað við
segja að hótelin úti á landi leiti ekki
til þeirra eftir viðskiptum, heldur
baki sjálfir eða kaupi frosið,“ sagði
Sigurður Már.
Hann segir að í Þýskalandi og
Danmörku séu verksmiðjubakaríin
að útrýma handverksbakaríunum.
Þegar Vestur- og Austur-Þýskaland
hafi sameinast hafi verið um 33.000
bakarí í Vestur-Þýskalandi og um
4.000 í Austur-Þýskalandi. Í dag, 27
árum seinna, séu tæplega 12 þúsund
bakarí í Þýskalandi og bakaranem-
um hafi fækkað um 40% frá árinu
2008.
Hótel og veitingastaðir
leita lítið til bakara
 Eigandi Bernhöftsbakarís á öndverðum meiði við Jóa Fel
Morgunblaðið/Ernir
Meistari Sigurður Már Guðjónsson.
Arnar Þór Ingólfsson
athi@mbl.is
Smábátasjómenn sem gera út frá
Reykjavíkurhöfn hafa margir hverj-
ir ekki lengur aðstöðu við höfnina,
en margvísleg verslun og þjónusta
hefur yfirtekið stóran hluta verbúð-
anna við Grandagarð, sem smábáta-
sjómenn leigðu áður.
Sævar Kristinsson smábátasjó-
maður segir upplifun sína þá að
fiskimönnum hafi verið ýtt frá svæð-
inu. „Eftir að við fluttumst úr ver-
búðunum vegna hækkandi leigu
fengum við gáma á svæðið sem gott
var að vera í. Svo var plássið sem
þeir stóðu á tekið undir annað og við
þurftum að fara þaðan með skömm-
um fyrirvara. Þar standa rútur og
bílaleigubílar í dag.“
Ekki hafðir með í ráðum
Sjálfur fékk Sævar aðstöðu við
Kópavogshöfn, en einnig segir hann
að nokkur fjöldi smábátasjómanna
hafi fengið aðstöðu í Mosfellsbæ.
„Það var ekki í nein hús að venda og
Mosfellsbær aumkaði sig yfir okkur
og við fengum að fara þangað.“
Hann segist harma að smábáta-
sjómenn hafi ekki verið hafðir með í
ráðum. „Svæðið er að breytast og
það er náttúrlega þróun sem við ráð-
um ekkert við. Það er verið að koma
inn veitingastöðum og svona fyrir
túristana, sem er mjög skiljanlegt,
en það væri nú allt í lagi að hafa eitt-
hvert pláss fyrir okkur. Mér finnst
þetta skelfing hvernig verið er að
bola fiskimönnum í burtu.“
Aðeins þrengt að
„Það hefur aðeins þrengt að okk-
ur,“ segir Þorvaldur Gunnlaugsson,
formaður Smábátafélags Reykjavík-
ur. Hann segir þó gott samstarf á
milli smábátasjómanna og Faxaflóa-
hafna við að takast á við mikinn vöxt
í ýmsum greinum á Granda.
„Þetta hefur vaxið rosalega hratt
og það eru allir að reyna að finna
leiðir til að láta þetta allt saman
ganga upp. Það eru einhverjir
hnökrar á þessu, en það hefur nátt-
úrlega bara orðið sprenging í ferða-
þjónustunni í miðbænum,“ segir
Þorvaldur.
Hann segir smábátasjómenn vera
með loforð frá borginni um að ver-
búðirnar frá vigtinni og norður úr
verði eingöngu fyrir hafsækna starf-
semi. Þá þurfi allir sem reka starf-
semi á svæðinu að huga að framtíð-
inni.
„Höfnin hefur aðdráttarafl því
hún er höfn með hafsækna starf-
semi. Menn þurfa að halda virkilega
vel á spöðunum, allir sem að þessu
koma,“ segir Þorvaldur.
Blómstrandi veitingarekstur
Jón Þorvaldsson, aðstoðarhafn-
arstjóri Faxaflóahafna, segir að
smábátasjómenn hafi verið með ver-
búðir í suðurbugtinni, en hafi verið
að flytja sig yfir í verbúðir í vest-
urhöfninni upp á síðkastið. Flot-
bryggjur hafi verið byggðar í norð-
urbugtinni, sérstaklega ætlaðar
smábátasjómönnum.
Hann hefur tekið eftir fækkun
trillukarla á svæðinu, en segist ekki
vita til þess að þá skorti aðstöðu.
„Við vorum hér áður með hóp
kannski 50-80 trillusjómanna, en
þessi hópur er í dag um 10-12 manns
og ég veit ekki til þess að einhver
sem vill aðstöðu hafi ekki aðstöðu.“
Svæðið hefur tekið miklum breyt-
ingum á síðustu árum. „Það er sama
hvort þú talar við almenna borgara
hér eða ferðamenn; þetta er staður
sem fólk sækir í að heimsækja og
njóta. Að því leytinu er þetta mjög
vel heppnað en það er eilífðarvanda-
mál hvernig þetta rekst saman,“
segir Jón og vísar þar til útgerð-
arstarfseminnar og veitingarekst-
urs.
Hann segir nokkuð ljóst að að-
stöðumál smábátasjómanna séu bet-
ur komin í vesturhöfninni. „Það er
okkar sjávarútvegs- og fiskihöfn.
Þar erum við með betra húsnæði en
það sem var hérna í suðurbugtinni,
en hvort mönnum líkar að fara þang-
að er annað mál.“
Jón segir það einlægan vilja hafn-
aryfirvalda og borgaryfirvalda í
Reykjavík að vernda sjávarútveginn
á svæðinu. „Þarna er HB Grandi og
aðstaða hjá Brimi og fleiri aðilum og
þetta er hjartað í sjávarútvegi í
Reykjavík.“
Smábátasjómenn á hrakhólum
 Verbúðir við Grandagarð teknar undir margskonar rekstur síðustu ár  Þó nokkrir smábátasjó-
menn með aðstöðu í Mosfellsbæ  Aðstoðarhafnarstjóri kannast ekki við aðstöðuleysi sjómanna
Morgunblaðið/Árni Sæberg
Reykjavíkurhöfn Margskonar starfsemi er nú í gömlu verbúðunum við Grandagarð ofanverðan. Svæðið hefur
breyst mikið á undanförnum árum, í takt við þann mikla uppgang sem orðið hefur í ferðaþjónustu í borginni.
Margvísleg starfsemi hefur tekið
yfir töluverðan hluta verbúðanna
við Grandagarð, þar sem smá-
bátasjómenn höfðu áður að-
stöðu sína.
Faxaflóahafnir eru eigendur
verbúðanna, sem byggðar voru á
árunum 1945-1955. Ytra byrði
þeirra var friðað að tillögu Húsa-
friðunarnefndar árið 2009.
Síðustu ár hefur ýmis starf-
semi rutt sér til rúms í verbúð-
unum og má þar nefna ísbúð,
bakarí, veitingastaði og ýmsa
menningarstarfsemi, svo sem
listgallerí og vinnustofur.
Er það í takt við þá auknu
þjónustuuppbyggingu sem átt
hefur sér stað úti á Granda í
greinum ótengdum sjávarútvegi.
Nýtt hlutverk
verbúðanna
GRANDAGARÐUR BREYTIST
Morgunblaðið/Árni Sæberg
Verbúðir Húsalengjurnar við Grandagarð eru afar einkennandi fyrir svæð-
ið. Ytra byrði húsanna var friðað árið 2009 að tillögu Húsafriðunarnefndar.