Víkurfréttir - 13.01.2005, Blaðsíða 2

2 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Þriðjudaginn 11. janúar voru 4 ár liðin frá fjöl-mennum borgarafundi
sem haldinn var í Stapa að
frumkvæði áhugahóps um ör-
ugga Reykjanesbraut. Á fund-
inn mættu um eitt þús und
manns til að þrýsta á yfirvöld
um að tvöfalda Reykjanesbraut
sem allra fyrst. Nú fjór um
árum síðar hefur um helm-
ingur leiðarinnar verið tvöfald-
aður en framkvæmdir liggja
nú niðri og formleg niðurstaða
um hvenær seinni hlutanum
verði lokið liggur ekki fyrir.
Á hu g a h ó p u r u m ö r u g g a
Reykjanesbraut hefur á síðustu
mánuðum átt fundi með sam-
gönguráðherra, Sturlu Böðvars-
syni, og þingmönnum kjördæm-
isins. Þrátt fyrir ítrekaðar óskir
áhugahópsins til samgönguráð-
herra að mæta á nýjan borg-
arafund þann 11. janúar taldi
ráðherrann sig ekki geta orðið
við því enda myndi niðurstaða
um framhaldið ekki liggja fyrir
á þeim tímapunkti. Nú hefur
samgönguráðherra aftur á móti
samþykkt að mæta á borgara-
fund með áhugahópnum 11.
febrúar n.k. sem ber að fagna
enda gefa fyrri ummæli ástæðu
til að reikna með að ráðherrann
kynni þar niðurstöðu sína enda
mun vegaáætlun ríkisstjórnar-
innar liggja fyrir nú í lok þessa
mánaðar.
Væntum jákvæðrar
niðurstöðu
„Loksins er komið að þeim tíma-
punkti þar sem samgönguráð-
herra gerir grein fyrir framhaldi
verksins og áætluðum verk-
lokum,” sagði Steinþór Jónsson,
formaður áhugahópsins í sam-
tali við Víkurfréttir.
„Við höfum ástæðu til að vænta
jákvæðrar niðurstöðu á þessum
fundi enda liggur mikilvægi verk-
efnisins ljóst fyrir og þeim skiln-
ingi hefur samgönguráðherra
deilt með okkur frá fyrsta degi.
Vilji allra þingmanna á fund-
inum 2001 var mjög skýr en þar
voru ártölin 2004 og 2005 nefnd
sem sá tími sem tvöföldun lyki
og höfum við því enn tækifæri
til að sjá þann draum rætast á
réttum tíma.”
Búist við miklum fjölda
Á fundinum er gert ráð fyrir
ræðu samgönguráðherra, Sturlu
Böðvarssonar ásamt stuttum
ávörpum þingmanna kjördæm-
isins en síðan munu þeir allir
svara spurningum úr sal. Þá má
búast við einhverjum skemmti-
legum uppákomum í anda
verksins. Búast má við miklum
fjölda á fundinn en formaður
áhugahópsins skorar á alla sem
mættu á fundinn fyrir fjórum
árum að koma aftur og taka nú
vini sína með sér!
Taka daginn frá
„Þessi fundur er ekki síður mikil-
vægur en sá fyrri því áríðandi er
að sá raunverulegi stuðningur
sem framkvæmdin hefur komi
skýrt fram á fundinum,” segir
Steinþór og bætir við. „Við félag-
arnir í áhugahópnum sem leitt
höfum vinnuna út á við höfum
síðustu fjögur ár unnið verkinu
framgang í anda fundarins sem
var einn fjölmennasti borgara-
fund landsins á sal. Það er ekkert
annað sem hefur hjálpað okkur
meira í baráttunni en þessi
mikli fjöldi og sá kraftur sem
allir sem þar mættu skynjuðu.
Við skorum því á alla að merkja
við daginn og gera ráðstafanir
til að mæta á ný í Stapann eftir
réttan mánuð. Undirbúningur
fundarins fer nú á fulla ferð en á
næstu dögum munum við hitta
þingmennina okkar, formann
samgöngunefndar og fleiri aðila
sem máli skipta. Með þessa ein-
staklinga í okkar liði getum við
tryggt niðurstöðu sem allir geta
fagnað.”
Á heimasíða áhugahópsins um
tvöföldun Reykjanesbrautar á
slóðinni www.steini.is/reykja-
nesbraut má finna á annað
hundrað fréttir og greinar um
verkefnið allt frá árinu 1998. Á
næstu dögum verður opnaður
borði á vef Víkurfrétta þar sem
verður listi fyrir þá aðila sem
vilja skrá sig á fundinn og skora
með því um leið á aðra að mæta
og klára málið.
8 Barátta tvöföldunar Reykjanesbrautar heldur áfram:
Borgarafundur um tvöföldun
Reykjanesbrautar haldinn í febrúar
- fjögur ár liðin frá síðasta fundi. Sturla Böðvarsson samgönguráðherra mun mæta á fundinn og kynna
framkvæmdir við áframhald tvöföldunar Reykjanesbrautar. Hægt verður að skrá sig á fundinn á vf.is.
Frá fundinum í Stapa fyrir fjórum árum.
stuttar
F R É T T I R
Kveiktu tvisvar
í sorpgámum
Lögregla og slökkvilið voru tvívegis kölluð út á aðfaranótt föstu-
dags vegna elda sem höfðu
verið kveiktir í sorpgámum
við Holtaskóla og Garðasel.
Greiðlega gekk að slökkva
eldana en við Holtaskóla
sáust 4-6 piltar hlaupa af
vettvangi.
Skutu flugeldum
á hús og bíla
Á aðfaranótt föstudags vor u fjór ir ung ir menn kærðir fyrir að
sprengja flugelda víðsvegar
um Reykjanesbæ. Lögreglu
bárust nokkrar tilkynningar
um að menn irn ir hefðu
verið að skjóta flugeldum á
ökutæki sem voru í akstri
og á mannvirki. Eitthvað af
flugeldum fannst í bifreið
mannanna og voru þeir hald-
lagðir. Lögreglu er ekki ljóst
hvað mönnunum gekk til
með þessu hátterni.
Lögreglan spark-
aði upp hurð og
handtók fjóra
Lögreglan í Keflavík handtók á föstudags-kvöld fjóra aðila sem
höfðu brotist inn í íbúð í
fjölbýlishúsi í Heiðarhverfi
í Keflavík.
Upp úr kl. 21 var tilkynnt
um grunsamlegar manna-
ferðir við íbúðina og er lög-
reglumenn komu á staðinn
vaknaði grunur um fíkniefna-
neyslu þeirra sem inni voru.
Ekki var komið til dyra og
urðu lögreglumenn að sparka
upp útihurð íbúðarinnar. Á
borðstofuborði var bæði am-
fetamín og hassmulningur,
ca. 0.5 gr. af hassi og 0.4 gr. af
amfetamíni. Fólkið var hand-
tekið og fært í fangageymslu
en sleppt seinna um nóttina
að lokinni yfirheyrslu. Ekk-
ert af fólkinu er búsett í íbúð-
inni.
Ofurölvi færð heim
Nokkuð var um smærri útköll hjá lögreglu um helgina. M.a. var tilkynnt um ofurölvi konu á Faxabraut og var henni komið til síns heima. Einn ökumaður var kærður
vegna gruns um ölvun við akstur, annar fyrir að aka án þess að
endurnýja ökuskírteini sitt og sá þriðji fyrir að mæta ekki með
bifreið sína til skoðunar á réttum tíma. Eitt hávaðaútkall barst.
8Löggan situr aldrei auðum höndum: