Víkurfréttir - 13.01.2005, Blaðsíða 8

8 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Útgefandi:
Afgreiðsla, ritstjórn og auglýsingar:
Ritstjóri og ábm.:
Fréttastjóri:
Blaðamenn:
Auglýsingadeild:
Útlit, umbrot og prentvistun:
Hönnunardeild Víkurfrétta:
Prentvinnsla:
Dagleg stafræn útgáfa:
Skrifstofa Víkurfrétta:
Víkurfréttir ehf., kt. 710183-0319
Grundarvegi 23, 260 Njarðvík, Sími 421 0000 Fax 421 0020
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is
Jóhannes Kr. Kristjánsson (fréttir), sími 421 0004, johannes@vf.is
Þorgils Jónsson (fréttir og íþróttir), sími 421 0003, sport@vf.is
Jófríður Leifsdóttir, sími 421 0008, jofridur@vf.is
Jón Björn Ólafsson, sími 421 0014, jbo@vf.is
Víkurfréttir ehf.
Kolbrún Jóna Pétursdóttir, s: 421 0005, kolla@vf.is
Anita Hafdís Björnsdóttir, s: 421 0013, anita@vf.is
Þorsteinn Kristinsson, s: 421 0011, steini@vf.is
Prentsmiðjan Oddi hf.
www.vf.is og vikurfrettir.is
Stefanía Jónsdóttir, sími 421 0012, stebba@vf.is
Guðrún Karitas Garðarsdóttir, sími 421 0009, gudrun@vf.is
Aldís Jónsdóttir, sími 421 1010, aldis@vf.is
8 RITSTJÓRN VÍKURFRÉTTA
Afgreiðsla Víkurfrétta er opin alla virka daga frá kl. 09-12 og 13-17.
Athugið að föstudaga er opið til kl. 15
Með því að hringja í síma 421 0000 er hægt að velja beint samband
við auglýsingadeild, fréttadeild og hönnunardeild.
Fréttavakt allan sólarhringinn er í síma 898 2222
©RITSTJÓRNAR BRÉFJóhannes Kr. KristjánssonB L A Ð A M A Ð U R S K R I F A R
Rétt innan við 340 einstaklingar eru atvinnu-lausir á Suðurnesjum. Víkurfréttir hafa með reglulegum hætti skrifað fréttir um
atvinnuleysi á svæðinu og hafa tölur um atvinnu-
lausa farið upp og niður, sem betur fer. Víkur-
fréttir hafa einnig skrifað um fyrirtæki á Suður-
nesjum sem hafa auglýst eftir fólki á svæðinu en
ekki fengið neina svörun. Örfáir hafa þá sótt um
þau störf sem í boði eru.
Þau störf sem í boði hafa verið henta án efa ekki öllum sem á atvinnuleysisskránni eru og vel getur verið að fyrir suma henti ein-
faldlega ekkert starf. Fyrir því geta verið margar
ástæður, s.s. aldur, menntun eða hagir. Þegar búið
er að draga alla þessa frá, þ.e. þá sem vilja vinna
en finna ekki neitt við sitt hæfi þá hljóta að vera
einhverjir eftir sem nenna hreinlega ekki að vinna.
Fólk sem er á skránni með sinn tæpa hundrað
þúsund kall. Og það er einmitt þetta fólk sem
misnotar kerfið. Og þetta þarf að skoða og finna
lausnir handa þessu fólki. Sveitarfélagið, svæðis-
vinnumiðlun og félagsmálayfirvöld þurfa að kafa
ofan í atvinnuleysisskrána og skapa lausnir fyrir
það fólk sem lengst hefur verið á listanum. Það
bitnar á þeim sem þurfa að vera á skránni að þetta
fólk sé að misnota aðstöðu sína.
Afmæli 88 hússins, menningar- og upplýs-ingamiðstöð ungs fólks í Reykjanesbæ verður fagnað í dag en húsið varð eins árs
á mánudaginn. Víkurfréttir fagna tilkomu hússins
og óska því til hamingju. Í hverju sveitarfélagi er
nauðsynlegt að hlú að ungu fólki og er 88 húsið
nauðsynlegur þáttur í því starfi. Það þarf hins-
vegar að skapa þar spennandi tómstundaumhverfi
fyrir unga fólkið. Unga fólkið þarf sjálft að taka
þátt í mótun starfsins í húsinu og gera dagskrána
aðlaðandi. Í dag er húsið einungis opið á kvöldin
og því þarf að breyta.
Í sumar var haldið Frumkvöðlanámskeið á vegum Svæðisvinnumiðlunar Suðurnesja og fór námskeiðið fram í 88 húsinu. Þar var sam-
ankomið atvinnulaust ungt fólk sem vann að
frumkvöðlahugmyndum undir leiðsögn Maríu
Rutar Reynisdóttur. Víkurfréttir greindu frá hug-
myndunum sem komu fram á námskeiðinu og
meðal hugmynda sem komu fram var uppbygging
alhliða ferðaþjónustumiðstöðvar á Suðurnesjum
sem bæri nafnið Ice Info. Frábær hugmynd sem
vel gæti orðið að veruleika. Ekkert hefur heyrst
um frekari námskeið af þessu tagi. Nota á hús-
næði 88 hússins undir námskeið sem þessi og
skapa á grundvöll fyrir atvinnulaust fólk til að
koma hugmyndum sínum í framkvæmd. Fjöl-
mörg slík verkefni eru í gangi í Evrópu og er hægt
með tiltölulega einföldum hætti að ná sér í upplýs-
ingar um slík verkefni á netinu og í gegnum Hitt
Húsið í Reykjavík.
Nýsköpun skiptir samfélagið miklu máli og ekki er síður mikilvægt að koma atvinnu-lausu fólki í snertingu við spennandi verk-
efni sem geta leitt af sér atvinnu. Það hlýtur að
vera kappsmál þeirra sem stjórna sveitarfélögum
á Suðurnesjum að lækka atvinnuleysistölur og um
leið stuðla að nýsköpun á svæðinu. Það yrði fljótt
að skila sér.
Nýsköpun skiptir samfélagið miklu máli
Merkinganefnd Reykja-ness hefur það hlut-verk að und ir búa
merk ing ar göngu stíga og
áhugaverðra staða á Reykjanes-
inu (Suðurnesjum) í takt við
gönguleiðakortið sem Göngu-
leiðanefnd Ferðamálasamtak-
anna vann að í fyrra og gefið
var út af Loftmyndum ehf.
Nefndin á að gera tillögur til
Ferðamálasamtaka Suðurnesja
um útlit, fjölda, staðsetningu og
texta á leiðarvísa og upplýsinga-
spjöld við gönguleiðir og áhuga-
verða staði á Reykjanesi. Einnig
á nefndin að áætla kostnað við
verkefnið í heild og gera tillögu
um uppsetninguna og kostnað
við hana. Gert er ráð fyrir því að
kostnaði verði áfangaskipt og ár-
legur kostnaður af þeirri stærð-
argráðu að áætlaðar styrkveit-
ingar til verkefnisins og framlög
Ferðamálasamtakanna hrökkvi
fyrir kostnaði ár hvert.
Nefndinni er ekki skammtaður
tími en þó er miðað við það að
nægar upplýsingar geti legið
fyrir svo Ferðamálasamtökin
geti sótt um styrki strax í janúar
2005 og fyrsti áfangi skilta tilbú-
inn til uppsetningar í maí 2005.
Markmiðið með þessari vinnu
er að gera gönguleiðir og áhuga-
verða staði á Reykjanesi aðgengi-
lega hverjum sem er og auð-
fundna og um leið að koma á
framfæri sögu svæðisins.
Einnig er talið mikilvægt að
merkingar gönguleiða og áhuga-
verðra staða á Reykjanesinu öllu
séu samræmdar eins og kostur
er að útliti og texta.
Nefndina skipa eftirtaldir full-
trúar:
Kristján Pálsson FSS - Formaður
Merkinganefndar.
Reynir Sveinsson Fræðasetrinu
- Sandgerði.
Rannveig L. Garðarsdóttir Upp-
lýsingamiðstöð Reykjaness -
Reykjanesbær.
Óskar Sævarsson Saltfisksetrinu
- Grindavík.
Ásgeir Hjálmarsson Byggða-
safninu Garði - Sveitarfélagið
Garður.
Viktor Guðmundsson - Vatns-
leysustrandarhreppur.
Helga Ingimundardóttir leið-
sögumaður - Sérlegur ráðgjafi
nefndarinnar.
Ómar Smári Ármannsson lög-
reglumaður - Sérlegur ráðgjafi
nefndarinnar.
Þeir sem vilja koma ábend-
ingum til nefndarinnar er vin-
samlegast bent á að snúa sér til
einstakra nefndarmanna eða
hafa samband við Ferðamála-
samtökin í síma 8934096 eða á
stjanip@mmedia.is
Ferðamálasamtök Suðurnesja.
Merkinganefnd
Reykjaness skipuð
8 Ferðamálasamtök Suðurnesja:
Leitin að Fegurðardrottningu Suðurnesja 2005 er hafin. Keppnin í ár verður glæsileg sem fyrr og því er óskað eftir ábendingum um verðuga fulltrúa í keppnina. Hægt
er að koma ábendingum til Lovísu Guðmundsdóttur, fram-
kvæmdastjóra Fegurðarsamkeppni Suðurnesja í síma 697 4030
eða í síma 565 8343.
Víkurfréttir munu fjalla ítarlega um keppnina og undirbúning
hennar. Þannig verða birtar myndir af þátttakendum í Víkur-
fréttum, í Tímariti Víkurfrétta og á vef Víkurfrétta, www.vf.is
Hver verður Fegurðar-
drottning Suðurnesja 2005?
ÞORRABLÓT NJARÐVÍKINGA
Ein vinsælasta skemmtun Njarðvíkinga í gegnum árin hefur verið þorrablótið sem haldið var á
vegum Kvenfélags Njarðvíkur og Ungmennafélagsins. Ávallt var uppselt og komust færri að en vildu.
Vegna sorglegra atburða var þorrablótinu aflýst árið 2000. Á ýmsu hefur gengið síðan sem endaði
með því að blótið féll niður í fyrra. Mikill áhugi er meðal fólks um að endurvekja blótið og koma
því til fyrri vegs og virðingar. Því hefur ákveðið að gera tilraun til þess og verður blótið haldið föstu-
daginn 21. janúar næstkomandi í Stapanum. Það verður með hefðbundum hætti, þ.e. þorrahlað-
borð, annáll, skemmtiatriði, fjöldasöngur og dansiball með stuðhljómsveit. Svo er það alltaf stóra
spurningin, hverjir verða teknir fyrir í annálinum. Forsala verður í Stapa föstudaginn 14. janúar frá
kl. 16-19. Miðaverð í forsölu verður 3.600 kr. Eftir það verður hægt að kaupa miða á kr. 3.900. Allir
Njarðvíkingar og nærsveitarmenn eru hvattir til að mæta og skemmta sér í góðra vina hópi.