Víkurfréttir - 20.01.2005, Blaðsíða 28

28 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
öKASSINNPÓST
Sendið okkur fréttatilkynningar á: postur@vf.is
Það hef ur lengi ver ið ríkj andi með al stjórnmálamanna að þora ekki að skipta um skoðun og reyna frekar að standa
við orðin tóm þrátt fyrir að samviskan vilji
stundum segja þeim annað. Auð-
vitað er það svo að í stjórnmálaþátt-
töku þarf að ná málamiðlunum og
þá getur stjórnmálamaður lent í
þeirri afstöðu að niðurstaða flokks-
ins sé á aðra lund en honum finnst
sjálfum og fylgir því oftar en ekki
flokksaga.
Við höfum tvö nýleg dæmi þess að stjórnmála-
menn hafa endurskoðað málefnin vegna andstöðu
almennings. Ríkisstjórnin ákvað að hætta við
fjölmiðlafrumvarpið og vinna málið betur í sátt
við sem flesta hlutaðeigandi. Nýrra dæmi eru
sjálfstæðismenn í Reykjanesbæ. Breytingar voru
kynntar á niðurgreiðslum vegna dagvistar barna
í heimahúsum og afnám ferðastyrkja til náms-
manna. Þessar breytingar féllu í grýtan farveg bæj-
arbúa og foreldrar mótmæltu harðlega, sem og
Heimir, félag ungra sjálfstæðismanna með álykt-
unum sem stjórn félagsins sendi frá sér.
Að endurskoðuðu máli ákváðu sjálfstæðismenn
að bakka með breytingarnar á niðurgreiðslum
og fá því allir hana eins og áður tíðkaðist, óháð
tekjum og tekjuminnstu fjölskyldurnar geta leitað
til félagsþjónustu Reykjanebæjar. Hvað ferða-
styrkin varðar fá þeir sem nýta sér almenningssam-
göngur helmingsafslátt af hverri ferð. Mikill kostn-
aður hefur myndast við ferðastyrki námsmanna
síðustu árin og erfitt var að fylgjast með því hvort
nemandinn var virkilega að ferðast daglega á milli
Reykjanesbæjar og höfuðborgarsvæðisins, eða
hvort viðkomandi væri að leigja með lögheimili
hér og nýtti sér samt þennan styrk.
Sjálfstæðismenn í bæjarstjórn sýndu mikinn póli-
tískan þroska með að breyta fyrri ákvörðunum
sínum og virtu lýðræðislegan rétt samborgaranna.
Það eitt sýnir fram á vilja meirihlutans í verki
að byggja hér upp fjölskylduvænt samfélag þar
sem allir sem einn geta lagt sitt að mörkum í upp-
byggingu Reykjanesbæjar til framtíðar. Meirihluti
sjálfstæðismanna sýndi líka fram á það að þrátt
fyrir hreinan meirihluta er hvorki valdhroka eða
yfirgangi beitt sem hætta er oft á þegar stjórnmála-
flokkar ná hreinum meirihluta.
Ég fagna ákvörðun meirihlutans, enda voru þessar
aðgerðir sem boðað hafði verið til, engan veginn í
takt við vinnubrögð hans hingað til og ég get
stoltur tekið ofan fyrir þeim og hvet þau til að
eiga áframhaldandi gott samstarf við íbúa Reykja-
nesbæjar, því það er sameiginlegt verk okkar allra
sem hér búa að skapa gott samfélag.
Árni Árnason
Formaður Heimis, FUS Reykjanesbæ
Bæjarfulltrúar sýndu pólitískan þroska
8 Árni Árnason, formaður Heimis, skrifar um sjálfstæðismenn í Reykjanesbæ:
Kæra foreldri barns í grunnskóla!
Ef einhver spyr þig: „Ertu til í að vera bekkjarfull-
trúi?” Þá gætir þú hugsað sem svo: „Æ nei, þá þarf
ég að standa fyrir skemmtunum, bakstri og pizzu-
kvöldum, endalaus vinna og ég hef alveg nóg á
minni könnu. Og til hvers svo sem? Ég meina,
hugsar ekki bara hver um sig og sín börn?”
En ef einhver spyr þig: „Viltu taka þátt því sem
getur aukið vellíðan barns þíns í skólanum, og
jafnvel hækkað einkunnir þess?” Sérð þú ennþá
fyrir þér hið sama? Hver eru svörin nú? Ertu ekki
búin að skipta út myndinni af tertubakstrinum?
Betri líðan barna
Við vitum að samstarf og samskipti meðal for-
eldra barna í grunnskólum, skilar sér í betri líðan
barna. Barni sem líður vel, á auðveldara með að
læra. Barn sem á auðveldara með að læra fær
hærri einkunnir. Allt þetta leiðir til meiri vellíð-
unar og sjálfstraust. Barni sem líður vel og með
gott sjálfstraust, á í minni hættu á að lenda í ýmis
konar erfiðleikum s.s. einelti, jafnt sem gerandi
eða þolandi, og velur sér heilbrigðari lífsstíl. Sam-
starf foreldra hefur þannig ótvírætt forvarnargildi
og þannig hefur allt áhrif hvert á annað í enda-
lausri hringrás. Samstarf og samskipti foreldra
gegna lykilhlutverki í þessu gangverki vellíðunar,
sjálfstrausts og námsárangurs.
Gott að tala við aðra foreldra
Vilt þú ekki þekkja mikla áhrifavalda barnsins
þíns, þ.e. vini þess? Það er mikill stuðningur í því
að tala við foreldra annarra barna og komast að
samkomulagi um ýmsa hluti, því börn eru fljót að
bera sig saman. Erfitt er að standast þrýstinginn
þegar þetta hljómar: “já en allir hinir foreldrarnir
leyfa börnunum sínum að;...... vera úti lengur,
fara seinna að sofa, fá sælgæti milli mála, vera
lengur í tölvunni, horfa meira á sjónvarp, vera
með GSM síma..... og Guð má vita hvað....” Þá
er gott að vera málkunnugur foreldrum vinanna,
og vita sjálfur hverjar þeirra áherslur eru. Og geta
svarað: „nei, þetta er ekki rétt, mamma og pabbi
Jóns/Gunnu hafa sömu reglur og ég og vilja ekki
að þið séuð að ........” eða „já, ég veit að mamma og
pabbi Jóns/Gunnu leyfa þetta, ég er ekki sammála
og hér gilda aðrar reglur en þar.”
Bekkjarfulltrúar, sem tengiliðir foreldra innbyrðis
og á milli kennara og foreldra, gegna lykilhlut-
verki í að fá foreldra til að kynnast og tala saman,
auka upplýsingaflæði milli kennara og foreldra og
skapa góðan bekkjaranda. Nú eru foreldrafélögin í
grunnskólunum, í samstarfi við kennara, að koma
sínu starfi af stað. Meðal annars felst í því að sjá
til þess að bekkjarfulltrúar, helst 2-3 séu starfandi
í hverri bekkjardeild, því gæti verið haft samband
við þig á næstunni varðandi þetta hlutverk.
Ekki barnapössun, bakstur og basl.....
Kæra foreldri! Ég bið þig að slá ekki á þá hug-
mynd ef hún er borin upp við þig að gerast bekkj-
arfulltrúi, og íhuga alvarlega að taka að þér þetta
hlutverk tímabundið. Þetta er ekki yfirþyrmandi
mikil vinna sem leggst ofan á öll hin hlutverkin
sem við gegnum. Þetta þarf heldur ekki að snú-
ast um endalaust partýhald eða uppákomur fyrir
börnin, ekki frekar en fólk vill. Heldur er þetta
gefandi og gagnlegt hlutverk sem felst í því að
skapa vettvang fyrir foreldra til að hittast og tala
saman, með og án barna sinna, og vera tengiliður
þeirra milli kennara, foreldraráðs/félags og for-
eldra í bekknum. Foreldrafélögin í hverjum skóla
eru bakhjarl bekkjarfulltrúanna, svo hver og einn
renni ekki blint í sjóinn heldur hafi aðgang að
reynslubanka annarra og aðgang að stuðningi
eftir þörfum.
Með kærri kveðju,
f.h. FFGÍR,- Foreldrafélög og foreldraráð grunn-
skólanna í Reykjanesbæ
Ingibjörg Ólafsdóttir
verkefnastjóri
Viltu vera bekkjarfulltrúi?
8 Ingibjörg Ólafsdóttir, verkefnafulltrúi, skrifar: