Víkurfréttir - 07.04.2005, Blaðsíða 10

10 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
8 Listasafn Reykjanesbæjar:
Fjölmenni kom saman í Listasafni Reykja-nesbæjar á hinu árlega Erlingskvöldi Bóka-safns Reykjanesbæjar síðasta fimmtudags-
kvöld. Kvöldið er helgað listamanninum Erlingi
Jónssyni sem fagnaði nýlega 75 ára afmæli sínu.
Boðið var upp á upplestur og tónlistaratriði auk
þess sem ýmsir ræðumenn stigu á stokk og fluttu
ávarp. Þeirra á meðal var Karl Steinar Guðna-
son, sem rifjaði upp nokkur skemmtileg atvik úr
bernsku sinni þegar Erlingur kenndi honum í
Barnaskóla Keflavíkur. Síðar tók Erlingur sjálfur
til máls og ávarpaði viðstadda.
Af sama tilefni var nemendum í Myllubakkaskóla,
sem þóttu skara fram úr í ritgerðarsamkeppni, af-
hent í fyrsta sinn afsteypa af Laxnessfjöður Erlings
sem ætlað er að styðja við íslenska tungu.
Verðlaunahafar voru að þessu sinni Sædís Hulda
Aðalbjörnsdóttir 9. bekk og Davíð Már Gunnars-
son 10. bekk en að auki hlaut Myllubakkaskóli
viðurkenningu sem Brynja Árnadóttir skólastjóri
veitti viðtöku.
Gert er ráð fyrir að fjöðurin gangi á milli skóla
og hefur verið ákveðið að speglunarskóli Myllu-
bakkaskóla, Austurbæjarskóli, muni næst veita
nemendum sínum viðurkenningu fyrir gott vald
á íslensku máli.
Fjölmenni á Erlingskvöldi