Víkurfréttir - 08.05.2014, Blaðsíða 10

fimmtudagurinn 8. maí 2014 • VÍKURFRÉTTIR10
-viðtal pósturu eythor@vf.is
Drífa Þöll Reynisdóttir er 23 ára ljósmyndari frá Njarðvík. Hún hefur frá því að hún útskrfaðist frá FS á sínum tíma m.a. búið
í Frakklandi, Noregi og Englandi en þar leggur hún nú stund á nám
í ljósmyndun. Áhugi Drífu á ljósmyndun kviknaði fljótlega eftir
fermingu en þá keypti hún sér litla myndavél sem hún notaði óspart.
„Ég man eftir því að vera að leika mér með frænku minni þar sem ég
stillti henni upp og tók mynd af henni. Þessi mynd sat í mér, mér fannst
hún heppnast svo vel,“ segir Drífa sem alltaf hefur verið listræn og
skapandi. Ljósmyndun varð enn eitt formið sem hún tileinkaði sér, en
einnig hefur hún verið dugleg við að teikna.
Áhuginn kviknaði fyrir alvöru í FS
Þegar Drífa hóf nám í FS þá fékk
hún sína fyrstu DSLR myndavél.
Þá kviknaði ljósmyndaáhuginn
fyrir alvöru. Drífa var dugleg að
fikta með vélina og prufa sig áfram
með vinkonur sínar til aðstoðar
sem módel. Drífa var í ritstjórn
skólablaðsins Vizkustykkis á þeim
tíma og tók m.a. fjölda mynda fyrir
blaðið. Eftir skólagönguna í FS sótti
hún svo um í skóla í Noregi sem
heitir Norsk Fotofagskole í Þránd­
heimi og komst þar inn. Þar stund­
aði hún nám í tvö ár en nú heldur
hún til á Englandi í frekara námi.
Nánar til tekið í Art University of
Bournemouth þar sem hún er á
öðru ári í BA námi í auglýsinga­
ljósmyndun.
„Mér finnst langskemmtilegast að
taka tískumyndatökur, ég hef alltaf
verið heilluð af þeirri hlið ljós­
myndunar. Helst þá svona tísku­
þættir, þar sem maður getur verið
skapandi og sagt sögur með því
að setja saman nokkrar myndir,“
segir Drífa en hún heillast af því
að notast við landslag þegar slíkar
myndatökur fara fram.
Drífu langaði að sýna samnem­
endum sínum á Englandi lands­
lagið á Íslandi og fyrir jól tók hún
myndaröð við Bláa lónið sem vakti
mikla lukku. „Ég fékk leyfi til þess
að taka myndir ofan í Lóninu sem
var æðislegt. Ég fékk að standa fyrir
ofan og stelpurnar voru í vatninu.
Við tókum þessar myndir á tveimur
dögum þar sem það var ekki mikið
dagsljós um miðjan desember,“
segir Drífa en myndaröðina fékk
hún svo birta hjá tímariti sem
heitir, The lone wolf magazine.
Teiknar flottar dýramyndir
Drífa hóf að teikna svokallaðar
ink art myndir fyrir skömmu en
þær eru afar vinsælar um þessar
mundir. Á sínum yngri árum
þótti Drífu skemmtilegast í list­
áföngum í skólanum en hún hefur
alltaf haft mikla þörf fyrir að skapa.
Drífa segist hafa fengið góð við­
brögð við teikningum sínum á
facebook en þar eru verk hennar til
sölu. (https://www.facebook.com/
drifareynis.)
Forvitnilegt verður að fylgjast með
þessari efnilegu listakonu í fram­
tíðinni en Drífa var svo væn að
deila verkum sínum með lesendum
Víkurfrétta eins og sjá má. Þeir sem
vilja kynna sér verk hennar betur
er bent á heimasíðu hennar http://
drifareynis.com/.
Aðalfundur
Starfsmannafélags Suðurnesja
Verður haldinn mánudaginn 19. mai kl. 20:00
á Krossmóa 4a, 5 hæð, 260 Reykjanesbæ.
Venjuleg aðalfundarstörf,
samkvæmt lögum félagsins.
Önnur mál.
Kaffiveitingar
Félagar hvattir til að mæta.
Stjórn STFS
Tískuljósmyndari
sem teiknar dýr
- Njarðvíkingurinn Drífa Þöll
er efnileg listakona