Víkurfréttir - 19.06.2014, Blaðsíða 9

VÍKURFRÉTTIR • fimmtudagurinn 19. júní 2014 9
-mannlíf pósturu vf@vf.is
Laus störf við
leikskólann Laut
Deildarstjóra vantar til starfa í leikskólanum Laut í
Grindavík. Um 100% starf er að ræða. Vinnutími frá
kl. 08:00-16:00. Laun eru samkvæmt kjarasamningum
leikskólakennara. Viðkomandi þarf að geta hafið starf
13. ágúst n.k.
Leikskólakennara vantar til starfa í leikskólanum Laut
í Grindavík. Um 100% starf er að ræða. Vinnutími frá
kl. 08:00-16:00. Laun eru samkvæmt kjarasamningum
leikskólakennara. Viðkomandi þarf að geta hafið starf
13. ágúst n.k.
Leikskólinn er fjögurra deilda leikskóli fyrir börn frá 18
mánaða - 6 ára. Við erum „Skóli á grænni grein“ og vinnum
eftir Uppbyggingarstefnunni - Uppeldi til ábyrgðar.
Gleði, hlýja og virðing eru einkunnarorð skólans.
Nánari upplýsingar um leikskólann er að finna á heima-
síðu hans, leikdal.simnet.is.
Hæfniskröfur:
• Leyfisbréf til að nota starfsheitið leikskólakennari.
• Reynsla af uppeldis- og kennslustörfum með ungum
börnum æskileg. 
• Færni í samskiptum. 
• Frumkvæði í starfi og faglegur metnaður. 
• Sjálfstæð og skipulögð vinnubrögð.
Vakin er athygli á því að ef ekki fæst leikskólakennari
kemur til greina að ráða annað háskólamenntað fólk
eða leiðbeinendur. Karlar jafnt sem konur eru hvattir
til að sækja um.
Umsóknir berist til leikskólastjóra í síma 426-8396, 893-
4116  og 6607317  eða á netfangið gleik@grindavik.is
Endurnýja þarf eldri umsóknir.
Umsóknarfrestur er til 1. júlí 2014.
n Reykjanesbær:
Eitt þeirra verkefna sem Reykjanesbær fékk í arf við
sameiningu sveitarfélagananna
frá Keflavíkurbæ var að velja
bæjarlistamann sveitarfélagsins.
Hefur það verið gert að jafnaði á
fjögurra ára fresti frá árinu 1994
og er tilkynnt á þjóðhátíðardag-
inn 17. júní. Þeir sem hlotið hafa
nafnbótina listamaður Reykja-
nesbæjar eru í réttri röð : Mar-
grét Soffía Björnsdóttir (Sossa),
myndlistarmaður, Gunnar Eyj-
ólfsson, leikari, Rúnar Júlíus-
son, tónlistarmaður og nú síðast
Ragnheiður Skúladóttir, píanó-
leikari.
Bæjarstjórn Reykjanesbæjar ákvað
á síðasta fundi sínum, þann 3. júní
s.l. að tillögu menningarráðs að til-
nefna Sigurð Sævarsson, tónskáld,
sem næsta bæjarlistamann Reykja-
nesbæjar.
Sigurður hóf tónlistarnám ungur
að aldri, og síðar söngnám, í Tón-
listarskólanum í Keflavík. Síðan
lá leiðin í Nýja tónlistarskólann í
Reykjavík þar sem kennarar hans
voru Sigurður Demetz Franzson og
Alina Dubik. Sigurður nam bæði
söng og tónsmíðar við Boston há-
skóla og lauk þaðan meistaragráðu
í báðum greinum 1997.
Sigurður hefur samið fjölda verka
bæði stór og smá. Aðal áhersla hans
hefur verið á óperur og kórverk.
Má þar nefna óperuna Z-ástar-
saga, sem frumflutt var á óperu-
hátíð Norðuróps 2001 í Reykja-
nesbæ, óratoríuna Hallgrímspassíu
sem frumflutt var í Hallgríms-
kirkju 2007 og aftur í Ytri-Njarð-
víkurkirkju og í Hallgrímskirkju
á Kirkjulistahátíð 2010. Var hún
í kjölfarið hljóðrituð og gefin út
sama ár. Diskurinn var tilnefndur
til Íslensku Tónlistarverðlaunanna
sem plata ársins í flokknum Sígild
og Samtímatónlist. Önnur ópera
Sigurðar, Hel, samin við sögu Sig-
urðar Nordal var flutt í Íslensku
Óperunni í samvinnu við Listahá-
tíð 2009. Ári seinna var Sigurður
staðartónskáld á Sumartónleikum
í Skálholti og samdi af því tilefni
Missa Pacis fyrir kór, einsöngvara
og hljómsveit. Verkið var hljóð-
ritað sama ár og gefið út 2011. Þá
má nefna Kvæði, verk fyrir ein-
söngvara og strengjasveit sem
frumflutt var á Myrkum Músík-
dögum 2011. Sama ár var kórverk
hans, Stabat Mater, frumflutt á
Ítalíu. Í desember 2012 var verk
Sigurðar Jólaóratoría frumflutt í
Hallgrímskirkju af kór, einsöngv-
urum og hljómsveit. Verkið verður
flutt aftur í Hallgrímskirkju næsta
desember og í kjölfarið hljóðritað.
Nýjasta verk Sigurðar, O crux,
verður frumflutt í haust, bæði hér
heima og á Norðurlöndum.
Verk Sigurðar hafa verið flutt víða
um heima, bæði í Evrópu og í
Norður- og Suður-Ameríku.
Sigurður Sævarsson
valinn bæjarlistamaður
Ellert flaggaði stærsta fána Íslands17. júní hátíðarhöldin í Reykjanesbæ fóru fram með
hefðbundnum hætti í skrúðgarðinum í Keflavík á 70 ára
afmæli lýðveldisins á þriðjudag. Meira að segja veður-
guðirnir lögðu sig fram við að halda í heiðri hinu dæmi-
gerða þjóðhátíðarveðri, ekki ósvipuðu því og var á Þing-
völlum við stofnun lýðveldisins fyrir 70 árum.
Að lokinni þjóðbúningamessu í Keflavíkurkirkju og skrúð-
göngu í fylgd skáta og lúðrasveitar Tónlistarskóla Reykja-
nesbæjar dró Ellert Eiríksson, fyrrum bæjarstjóri í Keflavík
og svo Reykjanesbæ, íslenska fánann að húni, en fáninn
mun vera sá stærsti á Íslandi. Karlakór Keflavíkur flutti að
því loknu þjóðsönginn og nýstúdentinn og dúx Fjölbrauta-
skóla Suðurnesja, Sandra Lind Þrastardóttir flutti ávarp í
hlutverki fjallkonunnar. Ræðu dagsins flutti Björk Guðjóns-
dóttir, verkefnisstjóri og fyrrum bæjarfulltrúi og alþingis-
maður, og fjallaði hún m.a. um þá breytingar og þróun sem
átt hafa sér stað frá því sveitarfélögin þrjú Keflavík, Njarðvík
og Hafnir sameinuðust undir merkjum Reykjanesbæjar og
þá styrkleika sem hún telur felast í því að sameina kraftana
um verkefnin. Að ræðu Bjarkar lokinni tók við skemmti-
dagskrá á sviði með söng, leik, dansi og tón-
list.
Um kvöldið sá ungmennaráð Reykjanesbæjar
um skemmtidagskrá í hinum glæsilega ung-
mennagarði, þar sem hægt var að taka þátt í
alls kyns þrautum og fleiru skemmtilegu.
Enginn er verri þótt hann vökni segir máltækið
en þrátt fyrir sól í hjarta og sól í sinni, verður
að viðurkennast að allt verður einhvern veginn
betra í góðu veðri – en þetta var nú einu sinni
17. júní, svo allt getur jú gerst!
Ellert Eiríks-
son, fyrrum
bæjarstjóri í
Keflavík og
svo Reykja-
nesbæ,
íslenska
fánann að
húni.