Víkurfréttir - 04.12.2014, Blaðsíða 26

26 fimmtudagurinn 4. desember 2014 • VÍKURFRÉTTIR
Sigurður Björgvinsson hefur rekið íþróttavöruverslunina
K-sport í Reykjanesbæ í 21 ár.
Hann segir skipta máli að við-
skiptum sé beint til fyrirtækja á
svæðinu og þar sé þáttur sveitar-
félaga mikilvægur. Oft sé leitað
langt yfir skammt.
„Fólk hefur hringt í mig sem statt
hefur verið í 66°N í Reykjavík og
spurt: Áttu þessa flík í þessari stærð,
þeir eiga hana ekki hér? - og ég hef
átt hana. Þá sér það eftir að hafa
ekki athugað hér fyrst. Við getum
líka auðveldlega sparað viðskipta-
vinum bensín með því að panta
vöru í vissum lit eða stærð til okkar.
Þá er hún komin til okkar kannski
daginn eftir,“ segir Sigurður Björg-
vinsson, eigandi K-port, en hann
hefur rekið verslunina í 21 ár.
Hann er auk þess með umboð fyrir
vörumerkin 66°N, Nike, Zo-on,
Didrikson og Speedo. „Við seljum
allt að 60% í vörum frá 66°N eftir
pöntunarfyrirkomulagi. Ég er líka
mikið með fatnað yfir íþróttafélög,
skóla og leikskóla og hef sérhæft
mig í því. Við verslunar- og þjón-
ustufyrirtækjaeigendur erum háðir
viðskiptavinum en mér finnst líka
skipta máli að viðskiptum sé með-
vitað beint til fyrirtækja á svæð-
inu.“
Þáttur sveitarfélaga
mikilvægur
Sigurður segir að oft sé leitað til
Reykjavíkur þegar vel sé hægt að
fá hlutinn eða vöruna hér. „Það
gleymist oft að umboðsaðili fyrir
vörur er hér á svæðinu og í staðinn
er leitað langt yfir skammt. Við
erum með ákveðið fyrirkomu-
lag um afslátt fyrir íþróttafélög
og höfum reynt að koma til móts
við viðskiptavini til að hvetja þá
til að velja okkur. Þegar ég tók við
versluninni 1994 pantaði ég fót-
bolta-og körfuboltaskó fyrir 90%
iðkenda í Njarðvík og Keflavík.
Í dag er ég með 2%. Það vantar
hvatningu innan íþróttafélaganna
um að iðkendur kaupi af mér.
Í Grindavík eru fatapeningarnir
á vegum bæjarins eyrnamerktir
verslunum þar en Reykjanesbær,
þessi stóri vinnuveitandi, verslar í
Reykjavík.“ Hann bætir við að það
sé fyrirtækjanna að veita tækifærin.
Gott fólk reki verslanir á Suður-
nesjum. „Það eru tvær íþróttavöru-
verslanir á Akranesi þar sem 5000
manns búa. Hér erum við í vand-
ræðum með að reka eina.“ Sigurður
er þó afar þakklátur sínum traustu
viðskiptavinum sem haldi í honum
lífinu og þar séu í meirihluta 35 ára
og eldri og nýbúarnir. „Elsti hópur-
inn er ekki mikið fyrir Kringlur og
Smáralindir. Utanlandsferðirnar
verða alltaf til staðar og við erum
ekki í meiri samkeppni við þær en
aðrar verslanir á landinu.“
Japanir keyptu 30 stígvél
Sigurður segir árið í ár þó vera
sitt besta eftir hrun, en það sé líka
vegna þess að hann fór sínar eigin
leiðir. „Neytendur eru á verðlags-
vaktinni en víða er blekkingar-
leikur í gangi. Ég reyni frekar að
lækka verðið hjá mér en að veita
afslátt. Það er líka hægt að leysa
ýmislegt með pöntunarfyrirkomu-
lagi og halda þannig versluninni
heima. Vöruverðið á t.d. Nike
vörum hefur lækkað gríðarlega
miðað við verð erlendis undan-
farin ár. Þegar íslenska krónan
féll minnkaði eftirspurnin eftir
skónum beint úr verslunum og
því varð að lækka verðið.“ Óvænt
viðskipti hafi líka átt sér stað og
Sigurður segir skemmtilega sögu
af íslensku rækjuveiðiskipi sem var
við veiðar í Kanada hér um árið og
njarðvísku Örlygsbræðurnir sáu
um að þjónusta. „Þar voru Jap-
anir sem tóku eftir því að íslensku
sjómennirnir voru svo stöðugir á
dekkinu í stígvélum frá 66°N. Mörg
slys verða á japönskum togurum
vegna þess að þeir renna til í sínum
skófatnaði. Það endaði með því að
ég útvegaði Japönunum 30 stígvél.
Kaupmaður í Keflavík!“
Samkaup varð sterkari en Hagkaup
Einnig rifjar Sigurður upp þegar
Hagkaup opnaði martvöruverslun
á Fitjum í Njarðvík. „Þá fór skjálfti
um okkur í Samkaupum, þar sem ég
var deildarstjóri yfir matvörunni.
Einhver áróður varð í kjölfarið um
að Reykvíkingurinn Pálmi í Hag-
kaup væri að koma á svæðið og
þá kom þetta orðatiltæki ‘að versla
heima’. Það varð aukning í sölu hjá
Samkaupum. Fólk var meðvitað
um að halda úti versluninni og það
endaði með því að Hagkaup lokaði
versluninni. Samstaða fólksins og
stoltið skipti þarna sköpum. Í dag
er eins og að það sé voða viðkvæmt
að fara inn á þetta og það eigi bara
að þakka fyrir að verslanir annars
staðar frá séu að opna hér. Ég spyr
oft sjálfan mig hvernig hægt sé að
vekja fólk til umhugsunar um það
að við verðum að vera sjálfbær sem
bæjarfélag. Ég er mjög hreykinn
af því að búa hérna og hér er svo
margt í lagi sem gengur vel,“ segir
Sigurður.
-viðtal pósturu vf@vf.is
■■ Sigurður í K-sport vill að fyrirtæki og sveitarfélög
leiti ekki langt yfir skammt:
Verðum að vera sjálfbært samfélag
-aðsent pósturu vf@vf.is
Þeir sem standa frammi fyrir
erfiðum ákvörð-
unum og breyt-
i n g u m v i n n a
sjaldan vinsælda-
kosninguna a.m.k.
ekki til skemmri
t í m a , e n m e ð
snöggum viðbrögðum, upplýstri
og opinni umræðu um framtíð-
arplanið mun staða Reykjanes-
bæjar réttast við, það er mín trú.
Uppstokkun stjórnsýslunnar og
breyting á vinnubrögðum mun
kalla á ný tækifæri og framsæknar
hugmyndir. En öllum breytingum
fylgir andstaða og ósætti og því
verður meirihluti bæjarstjórnar
að vopna bæjarbúa með nákvæm-
um og reglulegum upplýsingum.
Gagnsæi stjórnsýslunnar spornar
gegn vantrausti, en það er einmitt
vantraustið sem elur á óöryggi og
sundrung.
KPMG skýrslan er okkur bæjar-
búum og stjórnendum Reykjanes-
bæjar vegvísir til betri hagsældar.
Með skýrsluna að leiðarljósi er
ekki spurning hvort við þurfum að
grípa til aðgerða heldur hvenær og
hvernig. Á þeirri vegferð þurfum
við að snúa bökum saman og sýna
samstöðu. Bæjarfundurinn í Stap-
anum var tímamót okkar bæjarbúa
og upphafið að upplýstri umræðu
um skuldarstöðu bæjarins sem
má vissulega segja að hafi verið
áfall. En nú vitum við hver staðan
í leiknum er, stór biti að kyngja, við
erum mörgum mörkum undir, en
varla viljum við tapa leiknum? Það
er sannarlega ekki í anda Suður-
nesjabúa sem alltaf hafa sótt fast.
Hefjum uppbyggingu og snúum
þessum leik við!
Mikið annríki hefur einkennt vinnu
nýs meirihluta að leita lausna við
núverandi stöðu og eðlilega er fyrst
ráðist að kostnaði. Það sem ein-
kennir rekstur í öllum fyrirtækjum
er að það má alltaf finna aukafitu
sem nauðsynlegt er að skera niður
með sértækum en sannarlega ekki
sársaukalausum aðgerðum. Að-
gerðir stjórnar sveitarfélagsins um
hækkun skatta og launaskerðingar
hefur orsakað mikla reiði og jafn-
vel undrun fólks en þessar aðgerðir
ættu ekki að koma á óvart þar
sem þetta er eðlilegur framgangur
í erfiðum rekstri. Það hefði verið
óskandi að við hefðum getað tekið
þessar ákvarðanir fyrr, en það er
önnur saga.
Meirihluti bæjarstjórnar hefur verk
að vinna og þarf að skila kosning-
unum til fólksins um bætta fjár-
hagsstöðu bæjarins, uppstokkun
stjórnsýslunnar og skilvirkari upp-
lýsingaferli. Það eru engar sárs-
aukalausar lausnir í þessu máli í
boði. Til að slá á verkinn verður
meirihlutinn að sjá til þess að
veita bæjarbúum greiðari aðgang
að upplýsingum og drífa af allar
miður skemmtilegar og óumflýjan-
legar aðgerðir eins fljótt og auðið
er, rífa plásturinn af, svo við getum
farið að einbeita okkur að fram-
sýnum verkefnum.
Stjórn bæjarins verður að geta
spilað jafngóða sókn sem vörn.
Vörnin snýst um að verja bæinn
frá því að fara á „bæinn“ og sóknin
snýst um að verja grunnstoðir sam-
félagsins hér í Reykjanesbæ. Vel
upplýstur borgari, hornsteinn lýð-
ræðisins, veitir stjórnsýslunni það
aðhald sem þarf til að komast aftur
í fyrstu deildina.
Gleðilega aðventu,
Dagný Alda Steinsdóttir,
varaformaður Menningar-
ráðs Reykjanesbæjar.
■■ Dagný Alda Steinsdóttir skrifar:
Sóknin og vörnin
Jólablöð VF eru framundan.
Pantið auglýsingapláss
í s. 421 0001