Víkurfréttir - 07.05.2015, Blaðsíða 12

12 fimmtudagur 7. maí 2015 • VÍKURFRÉTTIR
-viðtal pósturu olgabjort@vf.is
Hvernig komu þessir
parajógatímar til?
„Mig langaði svo mikið sjálfa að
fara í parajóga og sameina jóga-
tímana og samverustundir með
manninum mínum. Svo fór ég bara
að skoða og lesa mig til og ákvað í
kjölfarið að bjóða upp á námskeið,“
segir Anna Margrét.
Og hvernig líst manninum
hennar á þetta?
„Mér líst bara mjög vel á þetta.
Skemmtilegt og gaman að gera eitt-
hvað svona með konunni, annað
en að sitja bara í sófanum og horfa
á sjónvarpið. Mjög gott og maður
er allur góður í líkamanum eftir
svona tíma og nær einhvern veginn
svona miklu betri teygjum þegar
við erum tvö að þessu,“ segir Ingi
Þór.
Ég las í námskeiðslýsingu að
þetta hefur svo góð áhrif á sam-
band paranna, á hvernig hátt?
„Í fyrsta lagi, þá er ekkert annað
áreiti í jóga. Þá slekkur maður á
símanum og það er ekkert annað
sem truflar. Kennarinn leiðir þig
áfram og þegar þú ert í parajóga
þá er athyglin á sjálfum þér fyrst
og fremst, síðan á makanum. Þú
byrjar alltaf á að anda einn og
sér og svo gerum við æfingar tvö
saman. Þannig er athyglin algjör-
lega á sjálfum manni og svo mak-
anum.“
Og getur þetta á auðveldan hátt
bætt samband fólks? Hefurðu
séð það gerast?
„Já ég er ekki í vafa um það. Þetta
er bara svo nýtt námskeið en ég er
viss um að þetta hefur jákvæð áhrif
á öll sambönd.“
Þið hljótið að vera mjög sam-
stíga par. Þið starfið saman
í Hljómahöllinni og eruð svo
saman hér líka. Er sambandið
ekkert of mikið?
„Nei, merkilegt, þá hefði maður
haldið að við gætum fengið leið og
á því að vinna saman. Við erum
bara að elska þetta. Við erum svo
skemmtileg,“ segja þau hlæjandi.
Ingi Þór er fæddur og uppalinn
Keflvíkingur og Anna Margrét er
uppalinn Selfyssingur. „Við tókum
þá ákvörðun að flytja hingað. Við
erum alsæl hér.“
Hvernig hafa viðbrögðin verið
hjá pörunum sem komið hafa
hingað?
„Þau hafa verið alveg ótrúlega
góð og jákvæð. Ég vil bara fá
fleiri pör, ég held að fólk sé pínu
feimið. Ég hef fengið spurningar
eins og: Þarf ég að vera liðugur til
að koma eða verið í jóga áður? Er
þetta eitthvað tantra-jóga? Þetta
gengur bara út á að vera saman,
gera öndunaræfingar, teygjuæf-
ingar og styrktaræfingar. Mjög góð
og endurnærandi slökun í lokin.
OM-setrið í Reykjanesbæ hefur boðið upp á einu parajógatíma landsins:
Maður er allur góður í líkamanum eftir svona tíma
Anna Margrét Ólafsdóttir bauð í vetur upp á parajógatíma í ÓM-setrinu í Kjarnanum í Reykjanesbæ. Líklega er um að ræða einu para-
jógatímana á landinu. Tímarnir eru ekki aðeins fyrir kærustupör og hjón, heldur hafa mæðgur og vinir komið og sótt tímana. Víkurfréttir litu
við og hittu þar Önnu Margréti og unnusta hennar, Inga Þór Ingibergsson.
Kærustuparið Anna Guð-rún Heimisdóttir og Arnar
Stefánsson eru meðal þeirra
para sem sótt hafa námskeiðið
og tók Víkurfréttir þau tali.
„Þetta er bara æðislegt, gott að
komast út og vera saman, gera
eitthvað annað en að sitja uppi í
sófa. Ég var búin að stunda jóga
og var að draga hann með mér
núna,“ segir Anna Guðrún og
Arnar tekur undir það og segir
þetta fína og skemmtilega til-
breytingu.
Var ekkert mál að sannfæra
þig [Arnar] um að koma í
jóga?
„Nei, hún var búin að gera þetta
í einhver tvö ár og ég var búin að
fylgjast með henni og læra eitt-
hvað smá af henni. Ég sé hvað
henni líður vel og hvað þetta
hefur góð áhrif á hana. Ég bara
varð að prófa þetta.“
Hefðirðu farið í jóga sem
er ekki parajóga?
„Ég veit það ekki alveg. Þetta var
bara gott tækifæri til að prófa og
kúpla sig frá vinnunni.“
Er þetta búið að hafa góð áhrif
á ykkar samband?
„Já þetta er bara mjög gott. Gott
að koma hingað og vera saman.
Við gerum alls kyns jafnvæg-
isæfingar og setjum smá traust á
hvort annað,“ segir Anna Guð-
rún. Þetta er svolítið auðvelt til að
byrja með þegar við erum að læra
grunninn, svo verður þetta bara
jafn erfitt og maður vill hafa það.
Svo er bara mjög gott að slaka á
saman í lokin,“ segir Arnar. Spurð
segjast þau svo að lokum alveg til í
að fara á framhaldsnámskeið.
Æðislegt að gera eitthvað
annað en að sitja uppi í sófa
Þetta er ekki bara fyrir kærustupör
eða hjón. Hingað komu mæðgin
um daginn, vinkonur og allskonar.
Við hvetjum allar gerðir para til að
koma og prófa. Það þarf engan sér-
stakan grunn, ég reyni bara að fara
rólega og í grunnöndunaræfingar
og léttar líkamsæfingar sem pör
geta gert saman. Svo er gaman að
bæta því við að þetta er náttúrulega
heilsurækt og líkamsrækt líka. Það
var hérna ein um daginn sem fékk
harðsperrur á stöðum þar sem hún
hélt hreinlega að hún hefði ekki
vöðva. Þá var greinilega kominn
tími á að fara í jóga,“ segir Anna
Margrét, sem er um þessar mundir
með byrjendanámskeið í jóga og
kennir opna tíma alla miðvikudaga
frá 12:05-12:55. Tilvalið sé að skella
sér í hádegishléinu. Einnig ætlar
hún að skella sér i aerial jógakenn-
aranám í byrjun júní og kenna það
svo næsta vetur.
Tekur frí frá bæjar-
stjórn til að ná
heilsu á ný
XuBr yndís Gunnlaugsdóttir,
bæjarfulltrúi Framsóknarflokks-
ins í Grindavík hefur óskað eftir
leyfi frá störfum sem bæjarfulltrúi
Grindavíkurbæjar. Beiðni hennar
var samþykkt á fundi bæjar-
stjórnar Grindavíkur í gær. Leyfið
stendur frá og með 1. júní 2015 til
31. maí 2016.
„Forseti bæjarstjórnar, bæjarfull-
trúar og Grindvíkingar allir. Haustið
2013 greindist ég með vefjagigt
en þá hafði ég verið veik frá því
snemma árið 2009 án þess að vita
hvað væri að. Síðustu
tvö ár hef ég markvisst
unnið að því að ná
að samtvinna vinnu,
bæjarstjórn og einka-
líf ásamt því að hafa
tíma til að hlúa að
heilsunni. Lykilatriði
fyrir þá sem glíma við vefjagigt er
jafnvægi, nægur svefn og hóflegt
álag, bæði líkamlegt og andlegt. Því
miður hefur mér ekki tekist að finna
þetta jafnvægi, verandi í krefjandi
starfi í Reykjavík sem lögfræðingur,
oddviti Framsóknar í Grindavík
ásamt því að geta sinnt einkalífi og
heilsunni. Er því komin sá tími er
ég verð að láta líkamlega heilsu í
fyrsta sæti og óska ég því eftir leyfi
frá störfum bæjarfulltrúa frá 1. júní
2015 til 31. maí 2016 þar sem ég
mun flytja úr sveitarfélaginu um
stundarsakir til að geta einbeitt mér
betur að því að ná heilsu,“ segir í
erindi Bryndísar sem lagt var fyrir
bæjarstjórn Grindavíkur.
Ert þú með mynd-
ina af Díönu Ross?
XuNú er leitað að ljósmynd af
söngkonunni Díönu Ross þar
sem hún skoðaði víkingaskipið Ís-
lending í Ameríkuför skipsins árið
2000. Hjálmar Árnason, þáverandi
þingmaður, tók myndina af söng-
konunni um borð í Íslendingi.
Myndin var lánuð í umfjöllun um
Íslending. Nú, 15 árum síðar, er ekki
vitað hver er með þetta eina eintak
af myndinni eða hvar umfjöllunin
var.
Ef þú lesandi góður veist hvar
myndina af Diönu Ross um borð í
Íslendingi er að finna, vinsamlegast
sendu ábendingu um það til Víkurf-
rétta á póstfangið hilmar@vf.is.
Ævi alþýðustúlku
í nýrri bók Pálma
Ingólfssonar
Xu „ Ævi alþýðustúlku - á fyrri
hluta 20. aldar“ er
ný bók eftir Pálma
Ingólfsson. Í bók-
inni eru minningar
a l þýðu stú l ku f r á
barnmörgu heimili í
Út-Garði í námunda
við Garðskagavita.
Sagan nær frá því hún fæddist árið
1917 og þar til hún giftir sig árið
1948, þá 31 árs.
Hún lýsir á lifandi og skemmtilegan
hátt æsku sinni og uppvexti. Margt
drífur á daga hennar og eru margar
skemmtilegar frásagnir í bókinni.
Hún h le ypir he imdraganum
snemma og fer í vist 10 ára gömul
og næstu árin er hún að mestu
að heiman öll sumur. Hún kostar
sig sjálf til náms í Kvennaskólann
á Blönduósi. Þar er hún veturinn
1936-1937 og svo hálfan veturinn
1938-1939. Hún vann á ýmsum
stöðum á landinu, m.a. sumarið
1941 á Reyðarfirði á matsölu sem
rekin var fyrir breska hernámsliðið,
en síðustu árinu áður en hún gifti
sig vann hún í Reykjavík í verslun
Alþýðubrauðgerðarinnar í Banka-
stræti. Það er fremur létt yfir þessum
endurminningum og fleiri frásagnir
af skemmtilegum atburðum en
leiðinlegum.