Víkurfréttir - 07.05.2015, Blaðsíða 22

22 fimmtudagur 7. maí 2015 • VÍKURFRÉTTIR
Hversu mikið vissir þú um landið,
íslenska sundmenn og sundmenn-
ingu áður en þú lentir á Íslandi?
Ég vissi næstum ekkert. Þegar ég
var boðaður í viðtal vegna starfs-
ins fór ég að kynna mér íslenska
sundið, þann árangur sem náðst
hefur á Íslandi, sögu ÍRB og al-
mennt um landið. Ísland er 5.
landið sem ég bý í en ég er mikið
fyrir að ferðast og upplifa eitthvað
nýtt.

Hver voru þín markmið og hug-
myndir með liðið þegar þú tókst
við?
Liðið vildi koma sér aftur í fremstu
röð á Íslandi. Þar sem að við búum
í fremur litlu samfélagi með tak-
markaða háskólamöguleika á
svæðinu var mér það ljóst snemma
að ÍRB myndi mögulega alltaf verða
lið þar sem að elstu sundmennirnir
úr heimabyggð væru 19 ára eða
yngri. Ég vildi samt sem áður koma
hingað til að sanna mig og sanna að
ég gæti byggt upp farsælt sundlið.
Ég gerði mér ekki grein fyrir því þá
hvers konar áskoranir ég átti eftir
að glíma við á leið minni þangað,
sérstaklega þegar kemur að ólíkum
venjum. Skoðanir mínar hafa ekki
breyst mikið á þeim tíma sem ég
hef verið hér, ég hef aðlagað mig
að íslenskum háttum en ég held
samt að krakkarnir hafi aðlagast
mér meira ef eitthvað er.

Hverjir hafa topparnir verið
á ferli þínum hér hjá ÍRB?
Ég er sérstaklega stoltur af síðustu
árum mínum mínum hjá félag-
inu. Ég veit að flestir sundmenn-
irnir muna eftir fyrsta AMÍ mót-
inu okkar saman þar sem að við
unnum mótið með minnsta mögu-
lega mun, þá unnum við það mót
í fyrsta skipti í þó nokkurn tíma.
Það var mjög spennandi þar sem
að við vorum ekki hátt skrifuð fyrir
mótið. Það að sjá deildina styrkj-
ast bæði fjárhagslega og gæðalega
með tímanum hefur verið einkar
ánægjulegt og það sýnir hversu
miklum framförum við höfum
tekið. Það að verða sigursælasta
liðið á ÍM50 um daginn var líka
stórkostlegt.

Að sjá Kristófer og Sunnevu (iðk-
endur hjá ÍRB) ná yfir 750 FINA
stig var æðislegt og að þau hafi
bæði keppt á heimsmeistaramót-
inu í Quatar var ánægjulegt. Það
sem stendur þó upp úr var að lesa
hvað þau höfðu að segja í viðtali við
VF þar sem þau sýndu að þau hafa
vaxið í að verða frábærir íþrótta-
menn sem takast á við verkefnin af
alúð og þroska. Ég hef sjaldan verið
jafn stoltur og mér fannst ég hafa
snert líf þeirra á jákvæðan hátt. Þau
hafa sannað að maður uppsker eins
og maður sáir.

Ég er einnig mjög ánægður með þá
breidd sem liðið býr yfir í dag. Það
eru ekki bara einstaklingar að skara
fram úr. Þetta er sterk liðsheild
framar öllu. Það verður gaman að
fylgjast með framgangi mála hjá
þeim í framtíðinni.

Einhverjar lægðir sem
þú manst eftir?
Í þjálfun skiptast á skin og skúrir.
Það er aldrei hægt að gera öllum til
geðs og maður verður alltaf pirr-
aður að sjá íþróttamenn sem leggja
ekki nóg á sig til að ná fram því
besta í sjálfum sér. Eins er maður
ánægður að sjá árangur hjá þeim
sem fara hina leiðina og eru til-
búin að leggja sig alla í þetta. Mér
hefur þó verið kennt að ef maður
er að gera öllum til geðs og allir
eru sáttir við mann er maður ekki
að ýta nógu mikið á eftir árangri.
Það verður enginn óbarinn biskup
eins og þeir segja og ég hef pre-
dikað það áfram. Ég bjóst aldrei
við að allt gengi smurt fyrir sig í
gegnum minn tíma hér en það sem
mér finnst mikilvægast er að vita
að þeir sem tóku prógramminu
opnum örmum og lögðu sig alla í
það höfðu gaman af, lærðu helling
og reyndu að ná fram því besta í
sjálfum sér.

Það voru margir sundmenn, fjöl-
skyldur þeirra, aðrir þjálfarar og
annað fólk sem sögðu að mér
myndi mistakast og voru andstæð
því sem við vorum að gera hjá
ÍRB. Það var leiðinlegt að heyra
svona slúður sem rataði alltaf beint
til mín í svona litlu landi. En nú,
nokkrum árum seinna, er það ég
sem brosi breiðast.

Hvað er svo næst á dagskránni hjá
þér?
Í augnablikinu er allt í vinnslu,
þannig lagað. Ég er að mögulega
að flytja mig yfir til Hollands þar
sem ég vann í kringum landslið-
sprógrammið þar í febrúar, sem
var ótrúleg reynsla. Mér var boðin
vinna við ráðgjöf með áherslu á
frammistöðugreiningu og þeir eru
einnig að reyna að finna hlutverk
fyrir mig í starfsliði unglingalands-
liðsins þar í landi sem mun henta
mér. Það er viss áhætta fólgin í því
að yfirgefa ÍRB en mér finnst ég
hafa gert allt sem ég gat boðið fram
með það mótlæti sem ég mætti og
tel ég því að nú sé rétti tíminn til
að kveðja.

Hvers muntu helst
sakna við Ísland og ÍRB?
Mér er farið að þykja mjög vænt
um klúbbinn. Síðustu ár hafa verið
stórkostleg. Sundmenn sem hafa
ekki viljað vera með í bátnum á
þeim forsendum sem ég hef sett
hafa yfirgefið liðið og ég sat eftir
með víðsýnni hóp af sundmönnum
og fjölskyldum sem standa þeim
að baki sem voru tilbúin að setja
traust sitt á mig og hafa trú á þeim
hugsjónum sem ég trúi að skili ár-
angri og árangurinn talar fyrir sig
sjálfur þegar upp er staðið.

Ég hef eignast yndislega vini hér
sem eru mér sem fjölskylda. Þá er
ég einnig með yndislega yfirmenn
sem ég mun sakna og er starf þeirra
mjög vanmetið að mínu mati. Þeir
eru miklir dugnaðarforkar sem
vinna sleitulaust að því að efla
klúbbinn og ber ég mikla virðingu
fyrir þeirra starfi.

Ég mun sakna þess að fara út í fal-
lega íslenska náttúru, margar af
mínum uppáhalds stundum hafa
verið í ferðum um þetta einstaka
land. Ég hef upplifað bæði gott og
slæmt veður í þessum ferðum og
alltaf hefur verið gaman. Ég mun
hins vegar ekki sakna veðursins
á venjulegum dögum almennt.
Fyrir vina mína sem þjálfa í úti-
laugum um land allt, tek ég hattinn
ofan fyrir. Þeir eru guðir á meðal
manna!

Mun ítarlegri útgáfu af viðtalinu
við Anthony verður að finna á
vef Víkurfrétta í fyrramálið.
Kom hingað til að sanna að ég
gæti byggt upp farsælt sundlið
Anthony Douglas Kattan hefur sinnt yfirþjálfun sundliðs ÍRB undanfarin fimm ár með frábærum
árangri en liðið vann flest verðlaun á ÍM50 fyrr í mánuðinum. Þessi 31 árs Ný-Sjálendingur var sjálfur lands-
liðssundmaður áður en hann hóf þjálfun en þjálfaraferill hans spannar veru í Nýja- Sjálandi, Hong Kong og
á Íslandi auk fjölda annarra landa þar sem hann hefur sótt sér reynslu og þekkingu. Anthony kveður lið ÍRB
eftir tímabilið og hann settist niður með íþróttafréttamanni VF til að ræða tíma sinn á Íslandi og sína ásýnd á
íslenska sundmenningu.
-íþróttir pósturu siddi@vf.is
Margrét tekur við
Keflavíkurkonum
Körfuknattleiksdeild Kefla-víkur gefur gengið frá
ráðningum á þjálfarateymi fyrir
bæði karla- og kvennalið liðsins
fyrir næsta tímabil.
Margrét Sturlaugsdóttir tekur við
sem aðalþjálfari kvennaliðs Kefla-
víkur og verður þar með önnur
konan í sögu liðsins til að stýra
liðinu. Margrét á langan feril
að baki sem bæði leikmaður og
þjálfari þar sem hún hefur m.a.
þjálfað yngri landslið Íslands
síðustu ár og þá er hún einnig að-
stoðarþjálfari kvennalandsliðsins.
Henni til halds og trausts verður
Marín Rós Karlsdóttir. Þá fram-
lengdi Bryndís Guðmundsdóttir
samning sinn við keflavík til
næstu tveggja ára.
Sigurður Ingimundarsson verður
áfram aðalþjálfari meistaraflokks
karla og honum til aðstoðar
verður Einar Einarsson. Magnús
Gunnarsson samdi við liðið að
nýju eftir að hafa leikið með
Grindvíkingum og Skallagrími á
síðustu leiktíð og Valur Orri Vals-
son framlengdi samning sinn til
næstu 3ja ára og þá hefur Ágúst
Orrason söðlað um og skipt yfir
úr liði Njarðvíkur og mun leika í
bláu næsta tímabil.
Önnur umferð Pepsí deildar karla fer fram á sunnudag
þar sem að Keflvíkingar freista
þess að vinna sín fyrstu stig
þegar liðið sækir FH-inga heim
í Kaplakrika, en FH-ingum var
spáð Íslandsmeistaratitlinum
fyrir tímabilið.
FH-ingar sigruðu KR-inga í síð-
ustu umferð 1-3 á meðan Kefla-
vík lá heima gegn Víkingum 1-3.
Kristján Guðmundsson, þjálfari
Keflvíkinga, var ekki par sáttur
með þau úrslit þar sem að Kefl-
víkingar fengu á sig þrjú mörk
úr föstum leikatriðum. Kristján
var nokkuð sáttur með fram-
lag sinna manna í síðasta leik
heilt yfir en ljóst er að slípa þarf
saman vörnina þar sem að tveir
nýir leikmenn leika í öftustu línu
ásamt nýjum markmanni liðsins.
Haraldur Freyr Guðmundsson,
fyrirliði liðsins, segir að liðið
þurfi að bíta frá sér í Kaplakrika
og að hann eigi ekki von á því
að neinn leikur verði auðveldur
á þessu tímabili. Aðspurður um
ný andlit sem leika með honum
í varnarlínu liðsins sagðist Har-
aldi lítast vel á piltana. Hann sé
ánægður með að fá Guðjón Árna
Antoníusson aftur heim og að
hann þekki allir sem fylgst hafa
með íslenskum fótbolta. Spán-
verjarnir tveir vita að hverju þeir
ganga enda hafa þeir báðir spilað
áður í Pepsí deildinni áður.
Leikur FH og Keflavíkur hefst kl.
19:15 í Kaplakrika.
Þeir félagar Viljar Goði Sigurðsson og Logi Frið-
riksson úr Vogunum kepptu á
Barnamóti taekwondosamband
Íslands á dögunum. Æfingar
hófust í Vogunum í haust við
góðar móttökur.
Logi vann til gullverðlauna í
tækni og bronsverðlauna í bar-
daga og Viljar vann til silfurverð-
launa í bardaga. Þessir hressu
drengir eiga framtíðina fyrir sér
í íþróttinni.
Æfingar í Vogunum er á mánu-
dögum og fimmtudögum kl 17-
18.
Þurfum að slípa vörnina
-segir Haraldur Guðmundsson,
fyrirliði Keflvíkinga, sem mæta FH
Fyrstu taekwondo
verðlaunin í Vogum
Viljar
Goði
Sigurðs-
son og
Logi
Friðriks-
son.