Víkurfréttir - 23.07.2015, Blaðsíða 2

2 fimmtudagur 23. júlí 2015 • VÍKURFRÉTTIR
-fréttir pósturu vf@vf.is
„Ég er bara í þessum töluðu
orðum að kalla bátana okkar inn
og stöðva makrílveiðarnar, segir
Guðmundur J. Guðmundsson hjá
Saltver í Njarðvík. Innflutnings-
bann á makríl í Nígeríu kemur á
versta tíma, að sögn Guðmundar,
þar sem júlímánuður hefur ein-
mitt verið góður mánuður varð-
andi sölu á makríl þangað.
Eins og fram hefur komið í fréttum
þá hafa stjórnvöld í Nígeriu sett
á innflutningsbann á makríl sem
ásamt erfiðu ástandi á Rússlands-
markaði, hefur sett alla veiði og
vinnslu á makríl í mikla óvissu.
„Við unnum 1500 tonn af makríl
á síðustu vertíð og stefndum að
því að vinna allt að þrjú þúsund
tonnum á þessari vertíð. Þessi sölu-
tregða sem við stöndum nú frammi
fyrir hefur gert það að verkum að
ólíklegt er að þau markmið náist,“
sagði Guðmundur og bætti við að
staðan á mörkuðum væri mjög al-
varleg.
Guðmundur sagði að vinnslan
hjá þeim hefði byrjað um síðustu
helgi og að stefnt hefði verið að
því að vinna makríl fram í sept-
ember. Unnið hefur verið allan
sólarhringinn á tveimur tólf tíma
vöktum í Saltver. Eftir að mak-
rílnum er landað er hann flokkaður
og viktaður í verksmiðju í Helgu-
vík og síðan er hann pakkaður og
frystur heill í 10 kg pakkningum
hjá Saltver í Njarðvík „Við erum
núna að vinna makríl í verktöku
fyrir Samherja en þegar því er lokið
mun vinnsla stöðvast þar til eftir
verslunarmannahelgi. Þá er mak-
ríllinn líka verðmætari þar sem
hann verður laus við átu og fitu-
meiri en hann er núna. Vonandi
verður þá eitthvað búið að rætast
úr sölumálum,“ sagði Guðmundur
að lokum.
HLJÓMAHÖLL
UMSJÓNARMAÐUR
VEITINGA ÓSKAST
LJÓSANÓTT 2015
3. – 6. SEPTEMBER
SÖLUAÐILAR
Á LJÓSANÓTT
SKRÁÐU ÞINN
VIÐBURÐ Á
LJÓSANÓTT
Hljómahöll óskar eftir því að ráða umsjónarmann veit-
inga. Umsjónarmaður veitinga Hljómahallar er ábyrgur
fyrir allri veitingaþjónustu í húsinu s.s. vínveitingum,
aðkeyptri vöru og þjónustu, eftirliti og samskiptum við
utankomandi veitingamenn auk eftirlits og umsjónar
með tengdum tækjum, búnaði og húsgögnum Hljóma-
hallar. Um fullt starf er að ræða með mjög sveigjan-
legan vinnutíma.
Umsóknarfrestur er til og með 31. júlí nk.
Nánari upplýsingar veitir Tómas Young, framkvæmda-
stjóri Hljómahallar, (tomas@hljomaholl.is).
Umsækjendur þurfa að hafa náð a.m.k. 25 ára aldri.
Sækja skal um starfið á vef Reykjanesbæjar,
www.reykjanesbaer.is/stjornkerfi/laus-storf, þar
sem einnig er að finna upplýsingar um menntunar- og
hæfniskröfur og ítarlegri upplýsingar um starfssvið.
Umsókn skal fylgja starfsferilsskrá og kynningarbréf
þar sem gerð er grein fyrir ástæðu umsóknar og
rökstuðningur fyrir hæfni viðkomandi í starfið.
Ertu með góða hugmynd fyrir Ljósanótt?
Ertu með góðan stað fyrir góða hugmynd?
Þeir sem vilja leggja sitt af mörkum á Ljósanótt eru
hvattir til að hafa samband með tölvupósti á netfangið
ljosanott@reykjanesbaer.is eða í síma 421 6700.
Skráning er hafin á sala@ljosanott.is. Íþrótta-,
menningar- og líknarfélög í bæjarfélaginu fá
sérstök kjör. Hafið samband sem fyrst.
Allar nánari upplýsingar og eyðublöð á ljosanott.is
Verður þú með viðburð á Ljósanótt?
Sýningu, uppákomu, skemmtun eða annað…
Mundu þá að skrá viðburðinn á ljosanott.is
Þannig birtist hann í dagskrá Ljósanætur.
Berist hann fyrir 23. ágúst fer hann
einnig í prentaða dagskrá.
Eldur kviknaði í söluturninum Brautarnesti við Hringbraut
á þriðjudagskvöld og er ljóst að
húsnæðið varð fyrir verulegum
skemmdum.
Brunavarnir Suðurnesja fengu út-
kall vegna elds kl. 20:22 og var búið
að slökkva hann kl. 20:50. Mik-
ill eldur var í byggingunni þegar
slökkvliðið kom á vettvang og
svartur reykur.
Eldsupptök voru á lager og log-
aði eldur í viftu í húsvegg. Þegar
slökkvilið kom á staðinn logaði
þar út um gatið og komst eldurinn
þannig í þakskegg hússins.
Að sögn Ómars Ingimarssonar
aðalvarðstjóra var töluverður hiti
í húsinu þegar slökkvilið kom á
vettvang og mátti litlu muna að illa
færi. „Það var stutt í það að eldur-
inn færi í þakið og þá hefði farið
verr. Enginn var í húsinu þegar
kviknaði í og var söluturninn lok-
aður.
Þykir of vænt um þessa
sjoppu til að hætta
-Rúna Björt Garðarsdóttir
rekstrarstjóri
Brautarnesti er íbúum vel kunn og
elsta sjoppan í bænum og því ef-
laust margir sem velta því fyrir sér
hvort reksturinn muni hætta eftir
þetta áfall. Víkurfréttir heyrðu í
Rúnu Björt Garðarsdóttur rekstrar-
stjóra Brautarnestis og sagði hún
að tryggingarnar væru nú að meta
tjónið en að eigendur stefni að því
að halda rekstrinum áfram þrátt
fyrir þetta áfall.
„Við erum enn í nokkru sjokki en
við munum setjast niður og taka
betur stöðuna þegar hlutirnir
skýrast. Það er ljóst að það þarf að
hreinsa út allt í húsinu og endur-
byggja frá grunni. En við getum
ekki látið þetta fara, okkur þykir
of vænt um þessa sjoppu og við
munum gera allt til þess að opna
hana aftur”.
Bruni í Brautarnesti
-verulegar skemmdir urðu á húsnæðinu
Makrílbátar á leið í land
og veiðar að stöðvast
-Ástæðan sölutregða á mörkuðum
Makrílfrysting er í gangi í Salt-
veri sem fyrirtækið vinnur fyrir
aðra útgerðaraðila. Bæjarráð
Reykjanesbæjar
ósátt við skýrslu
Rögnunefndar
XuBæjarráð Reykjanesbæjar
gerði á fundi sínum í síðustu
viku, athugasemdir við þá að-
ferð sem beitt var þegar skoðaðir
voru kostir fyrir staðsetningu
innanlandsflugs og koma fram
í skýrslu svokallaðrar Rögnu-
nefndar. Bókun bæjarráð frá því
í morgun er svohljóðandi:
„Telja verður furðulegt að ekki
voru skoðaðir þeir kostir sem
augljósastir eru fyrir innanlands-
flug þ.e. Reykjavíkurflugvöllur
og Keflavíkurflugvöllur. Að
komast að þeirri niðurstöðu að
rétt sé að staðsetja nýjan flugvöll
í aðeins 15 mínútna akstursfjar-
lægð frá Keflavíkurflugvelli með
tilheyrandi kostnaði, er auðvitað
óskiljanlegt, þegar nánast allir
innviðir fyrir innanlandsflugið
eru tilbúnir í Keflavík. Bæjarráð
áréttar fyrri skoðun sína að ef og
þegar ákveðið verður að flytja
innanlandsflugið frá Reykjavík
er Keflavíkurflugvöllur skynsam-
legasti kosturinn,“ segir í bókun
bæjarráðs.