Víkurfréttir - 24.09.2015, Qupperneq 2

2 fimmtudagur 24. september 2015 • VÍKURFRÉTTIR
-fréttir pósturu vf@vf.is
Það er þröngt á þingi í Helgu-víkurhöfn þessa dagana. Þar
voru samtímis sl. mánudag bæði
flutningaskip að koma með bygg-
ingarefni fyrir kísilver United
Silicon og ríflega 180 metra langt
eldsneytisflutningaskip sem kom
með flugvélaeldsneyti fyrir Kefla-
víkurflugvöll. Skipið heitir Ven-
dome Street og er 183 metra langt
og flytur 35.000 tonn af flugvéla-
eldsneyti sem verður dælt á tanka
bæði í Helguvík og á Keflavíkur-
flugvelli.
Ein af birtingarmyndum aukningar
flugumferðar um Keflavíkurflug-
völl er tíðari komur eldsneytis-
flutningaskipa í Helguvíkurhöfn.
Þannig er eldsneytisskipið sem
kom á mánudag það fjórða sem
kemur hingað síðan í maí.
Halldór Karl Hermannsson, hafn-
arstjóri Reykjaneshafnar, tók á
móti skipinu á mánudag og hann
fagnar aukinni umferð um Helgu-
víkurhöfn enda þýðir svona skipa-
koma talsverðar tekjur í kassann
fyrir höfnina. Varlega áætlað má
gera ráð fyrir að bara hafnargjöld
af svona skipakomu séu vel á aðra
milljón króna og þá eiga eftir að
leggjast vörugjöld á farminn sem
er landað.
Halldór sagði í samtali við Víkur-
fréttir að nú væri staðan sú að það
væri þröngt á þingi í höfninni.
Nokkrum mínútum áður en olíu-
skipið kom í höfn yfirgaf græn-
lenskt fjölveiðiskip höfnina og þá er
verið að skipa upp úr flutningaskipi
sem kom með byggingarefni fyrir
kísilver United Silicon.
Þörf er orðin fyrir lengri við-
legukanta í höfninni vegna kísil-
veranna, bæði fyrir aðföng og út-
flutning. Þá má búast við tíðari
komum olíuskipa vegna aukinnar
flugumferðar til og frá Keflavíkur-
flugvelli. Forsvarsmenn Reykja-
nesbæjar og hafnarinnar áttu fund
í gær með fulltrúum frá fjárlaga-
nefnd og átti m.a. að ræða Helguvík
á þeim fundi.
Olíuskip koma orðið oftar við í
Helguvík á leið sinni frá Suður-
Ameríku til Noregs til að létta á
sér fyrir siglingu inn þröngan Os-
lóarfjörð á leið með eldsneyti sem
m.a. er notað á Gardemoen-flug-
velli. Olíuskipið sem nú er í Helgu-
vík kom hingað frá Venesúela og
verður farmurinn, um 35.000 tonn
af flugvélaeldsneyti, allur settur á
tanka í Helguvík og á Keflavíkur-
flugvelli.
Íbúaþing haldið í Reykjanesbæ:
Fjöldi góðra
tillagna bárust
frá íbúum
XuMargar góðar hugmyndir
og ábendingar bárust varðandi
breytingar á aðalskipulagi
Reykjanesbæjar á íbúaþingi sem
haldið var í Stapa sl. laugardag.
Guðlaugur H. Sigurjónsson
sviðsstjóri umhverfissviðs segist,
á vef Reykjanesbæjar, ánægður
með fjölda þátttakenda og sér-
staklega hversu vel þeir tóku þátt
í umræðunni og höfðu sterkar
skoðanir.
Hugmyndum íbúa verður fundinn
staður í þeirri vinnu sem nú fer
að hefjast í endurskoðun á aðal-
skipulagi bæjarins. „Meiningin
er að halda kynningarfund fljót-
lega eftir áramót, þar sem íbúum
verður kynnt staða mála. Fundir
af þessu tagi hafa verið haldnir
áður þegar unnið hefur verið með
aðalskipulag og hafa þeir mælst
vel fyrir,“ segir Guðlaugur.
Aðalskipulag Reykjanesbæjar var
samþykkt í bæjarstjórn árið 2010
og hugmyndir voru uppi um að
það gilti til ársins 2024. Margar
þær forsendur sem byggt var á
í skipulaginu, s.s. byggðaþróun
og fólksfjölgun, hafa hins vegar
breyst og því þykir ástæða til að
endurskoða það.
Á þinginu fór Stefán Gunnar
Thors umhverfishagfræðingur hjá
VSÓ ráðgjöf yfir gildandi skipu-
lag, forsendur og breyttar for-
sendur. Hann sagði ekki óalgengt
að fara þyrfti yfir aðalskipulag
fyrr en áætlanir gerðu ráð fyrir
vegna breyttra forsenda. Nú þurfi
að taka mið af nýrri íbúaspá, upp-
byggingu atvinnu- og íbúasvæða,
verndun svæða og fleiri þátta.
Farið var í fimm þætti í aðal-
skipulagi og þátttakendum gef-
inn kostur á að velja sér þátt eða
þætti eftir áhugasviði. Farið var í
atvinnumál, byggðaþróun, nátt-
úru- og umhverfi, þjónustu- og
menningu og samgöngur. Ýmsar
spurningar lágu frammi á hverju
þátttökuborði fyrir sig og var
svörum og hugmyndum safnað
saman.
„Núna erum við að vinna úr
þeim fjölmörgu hugmyndum og
ábendingum sem komu fram á
þinginu og setja upp. Þær verða
svo kynntar á næsta fundi um-
hverfis- og skipulagsráðs um
miðjan október. Þá verður jafn-
framt settur á laggirnar stýrihópur
um endurskoðun aðalskipulags
Reykjanesbæjar, sem ég á von á
að í sitji fulltrúar meiri- og minni-
hluta auk embættismanna, líkt og
verið hefur.“
Guðlaugur segist eiga von á því að
fljótlega upp úr áramótum liggi
fyrir einhver drög að breytingum
sem síðan verði unnið með á öðru
íbúaþingi. Stefnt sé að því að nýtt
endurskoðað aðalskipulag taki
gildi haustið 2016.
Tillaga vinnuhóps um katta- og hundahald í Sandgerð-
isbæ ásamt bókun umhverfisráðs
á fundi ráðsins frá 17. ágúst sl.
var tekin fyrir á fundi bæjarráðs
Sandgerðis á dögunum. Umhverf-
isráð Sandgerðis vill ganga lengra
í samþykktum um kattahald í
bæjarfélaginu og að í reglum um
kattahald standi „Lausaganga
katta er óheimil í Sandgerðisbæ“
í stað: „Lausaganga katta er ekki
heimil í þéttbýli og ber eigendum/
forráðamönnum að gæta þess að
kötturinn valdi ekki tjóni, hættu,
óþægindum eða raski ró manna.“
Bæjarráð Sandgerðisbæjar hefur
hins vegar frestað afgreiðslu máls-
ins þar til Heilbrigðiseftirlit Suður-
nesja hefur veitt sína umsögn.
Bæjarráð hvetur jafnframt stjórn
Heilbrigðiseftirlits Suðurnesja til
að flýta afgreiðslu málsins eins og
unnt er.
Kettir í Sandgerði hafa verið
nokkuð í sviðsljósinu síðustu mán-
uði þar sem kattadauði hefur verið
tíður og vilja íbúar í bænum halda
því fram að eitrað sé fyrir köttum í
bæjarfélaginu.
Vilja að lausaganga katta
verði óheimil í Sandgerði
Þröngt á þingi í Helguvíkurhöfn:
Meiri flugumferð um Keflavíkurhöfn
eykur umsvif í Helguvíkurhöfn
Olíuskipið Vendome Street kemur til hafnar í Helguvík.
Fyrir í höfninni var skipið Abis Bilbao sem flutti bygg-
ingarefni og búnað í kísilver United Silicon.
VF-myndir: Hilmar Bragi
ÍÞRÓTTAMIÐSTÖÐVAR
STARFSKONUR
ÓSKAST
Hljómahöll
DAGSKRÁ
FRAMUNDAN
HVAÐ ÞÝÐIR AÐ
VERA HEILBRIGÐUR?
HEILSU- OG
FORVARNARVIKA
Sundmiðstöðin Vatnaveröld óskar eftir tveimur
konum til starfa. Viðkomandi þyrfti að geta hafið
störf sem fyrst.
Starfskonur þurfa að standast hæfnispróf sund-
laugarvarða, hafa ríka þjónustulund og vera stundvísar
og reglusamar.
Umsóknarfrestur er til og með 8. október nk.
Umsóknum skal skilað rafrænt á
www.reykjanesbaer.is/stjornkerfi/laus-storf.
Launakjör eru samkvæmt kjarasamningi Reykjanes-
bæjar og Starfsmannafélags Suðurnesja.
Frekari upplýsingar um starfið veitir
Hafsteinn Ingibergsson í síma 899-8010.
-Ómar Guðjónsson og Tómar R. Einarsson
28. september í Bergi
-Dúndurfréttir 15. október í Stapa
-Högni Egilsson 18. október í Bergi
-Gunnar Þórðarsson og Jón Ólafsson
24. október í Stapa
-Mugison 14. nóvember í Bergi (UPPSELT)
-KK & Ellen jólatónleikar 11. desember í Stapa
-Valdimar 30. desember í Stapa
Miðasala á hljomaholl.is
Magnús Scheving heldur fyrir-
lestur í Bergi, Hljómahöll
fimmtudaginn 1. október kl. 20:00,
í tilefni heilsu- og forvarnarviku
í Reykjanesbæ.
Aðgangur ókeypis.
Við hvetjum íbúa Reykjanesbæjar til virkrar þátttöku
í þeim viðburðum sem boðið er upp á í heilsu- og
forvarnarviku Reykjanesbæjar 28. september til
4. október eða bara að skella sér í góða göngu um
bæinn okkar.
Nánari upplýsingar um dagskrá vikunnar er hægt að
nálgast á Fésbókarsíðu Íþrótta- tómstunda- og
forvarna í Reykjanesbæ og á vef Reykjanesbæjar.