Víkurfréttir - 03.12.2015, Side 8

8 fimmtudagur 3. desember 2015 • VÍKURFRÉTTIR
-fréttir pósturu vf@vf.is
Mælingar á mengun á
vegum kísilveranna

Reykjanesbær hefur farið fram á að vera
virkur aðili í eftirliti á mengunarvöktuninni
Mælingar á útblæstri frá kísi lverum í Helguvík
verður skipulögð af fyrirtækj­
unum sjálfum. Fyrirtækin velja
eftirlitsaðila sem Umhverfis­
stofnun þarf svo að samþykkja.
Þetta kemur fram í skriflegu
svari frá Reykjanesbæ við fyrir­
spurn Víkurfrétta um tilhögun
mælinga í Helguvík. Starfsleyfi
veranna eru háð vöktunaráætl­
unum sem fyrirtækin sjálf leggja
til. Í þeim er tiltekið hver muni
sjá um mælingarnar. Umhverfis­
stofnun þarf svo að samþykkja
vöktunaráætlunina og þar með
þá aðila sem sjá um vöktunina.
Kísilverin sjálf greiða svo fyrir
vöktunina. Auk þessara mælinga
mun Umhverfisstofnun fram­
kvæma skyndimælingar þar sem
mætt er óvænt í fyrirtækið og
mælingar framkvæmdar. Heil­
brigðiseftirlit Suðurnesja mun
einnig hafa eftirlit með útblæstri
kísilveranna. Ekki hefur verið
ákveðið hvort Reykjanesbær verði
með sérstakar mælingar en sam­
kvæmt upplýsingum frá bænum
er það í skoðun.
Vöktunaráætlun United Silicon er
nú í endurskoðun hjá Umhverfis-
stofnun sem hefur óskað eftir
frekari gögnum. Vöktunaráætlun
Thorsil er ekki tilbúin. Farið hefur
verið fram á sameiginlega vöktun-
aráætlun allra verksmiðjanna
í Helguvík, það er kísilveranna
tveggja og álvers ef af byggingu
þess verður. Vöktunaráætlanirnar
verða opinber gögn og aðgengileg á
síðu Umhverfisstofnunar.
Ragnheiður Þorgrímsdóttir, bóndi
á bænum Kúludalsá í Hvalfjarðar-
sveit, hefur í mörg ár barist fyrir því
að mælingar á mengun frá stóriðju
þar séu í höndum óháðra aðila.
Hún sat í pallborði á íbúafundi um
deiliskipulagsbreytingu og íbú-
akosningu vegna hennar í Reykja-
nesbæ á dögunum. „Ég vil vara
bæjaryfirvöld í Reykjanesbæ við
því að treysta Umhverfisstofnun
og öðrum eftirlitsstofnunum fyrir
framtíð bæjarbúa. Bæjarfulltrúar
virðast halda að iðjuver í Reykja-
nesbæ muni þurfa að lúta strang-
ara eftirliti vegna mengunar en á
Grundartanga. Umhverfisstofnun
er nýbúin að senda frá sér tillögu
að nýju starfsleyfi fyrir Norðurál á
Grundartanga og þar er allt utan-
umhald vegna mengunarmælinga
lagt í hendur iðjuversins,“ segir
hún. Ragnheiður segir mikilvægt
að íbúar Reykjanesbæjar þekki og
geti tekið mið af reynslu annarra
af stóriðju.
Fjallað var um umhverfisáhrif
Norðuráls á Grundartanga í Stund-
inni 7. nóvember síðastliðinn. Þar
kemur fram að í starfsleyfi Norður-
áls sé kveðið á um að fyrirtækið sjái
sjálft um vöktun og rannsóknir á
umhverfisáhrifum sínum og leggi
til hvernig sú vinna fari fram. Íbú-
ar á svæðinu hafa lengi gagnrýnt
fyrirkomulagið og hefur sveitar-
stjórn Hvalfjarðarsveitar nú tekið
undir þá gagnrýni. Krafa þeirra er
samhljóða; að óháðir aðilar haldi
alfarið utan um mælingar vegna
umhverfisvöktunar. Útblástur frá
álverinu á Grundartanga á öðru
en brennisteinstvíoxíði og brenni-
steinsvetni, er aðeins mældur í sex
mánuði á ári, frá apríl og fram í
október utan þynningarsvæðanna.
Á næstunni verður starfsleyfi
Norðuráls endurnýjað og hefur
sveitarstjórn Hvalfjarðarsveitar
krafist þess að mælingar flúors fari
fram allt árið.

Árið 2006 slapp mikið magn eitur-
efna úr álveri Norðuráls á Grundar-
tanga og frétti Ragnheiður ekki af
því fyrr en um 18 mánuðum síðar,
fyrir tilviljun í spjalli við dýralækni.
„Það var enginn á svæðinu látinn
vita. Umhverfisstofnun þagði yfir
þessu,“ segir hún. Þau svör fengust
frá Reykjanesbæ að þar verði mæl-
ingar allt árið og er gert ráð fyrir að
hægt verði að fylgjast með stöðunni
á heimasíðu Umhverfisstofnunar.
Reykjanesbær hefur farið fram á að
vera virkur aðili í eftirliti á vöktun-
inni og verður ásamt kísilverunum
og Umhverfisstofnun í samráðshóp
þar sem farið er yfir niðurstöður
mælinga. Bæjaryfirvöld í Reykja-
nesbæ hafa farið fram á að fá að
vita ef mengunaróhöpp verða.
Suðurnesjamaður vikunnar
Er svakalegur bakari
Dalrós Jóhannsdóttir er Suðurnesjamaður vikunnar. Hún hefur staðið vaktina í Skóbúðinni í Reykja-
nesbæ undanfarin 3 ár. Nú er að fara í hönd mesti annatími ársins hjá Dalrósu eins og hjá flestum öðrum
kaupmönnum á landinu.
Fullt nafn:
Lína Dalrós Jóhannsdóttir
Aldur:
46 ára
Fjölskylda:
Gift og á 3 börn
Áhugamál:
Fjölskyldan, ferðalög
og að elda góðan mat.
Uppáhalds bók:
Karitas og Óreiða á striga. Fannst líka
mjög gaman að lesa bókina Bernsku-
dagar eftir föðurbróðir minn, Óskar
Jóhannsson.
Fyrsta bernskuminningin:
Eitthvað að dúllast með mömmu á
Hraunsveginum.
Leyndur hæfileiki:
Er svakalegur bakari.
Gæludýr:
Dóttir mín og tengdasonur eiga
labrador tíkina París sem kemur
stundum í heimsókn.
Uppáhalds nammi:
Finnst eiginlega allt nammi gott. Nýj-
asta æðið er súkkulaði popp.
Fallegasta náttúruperlan
á Suðurnesjum:
Það eru mjög margar fallegar nátt-
uruperlur á suðurnesjum. Reykja-
nesvitinn og svæðið í kring er fallegt.
ATVINNA
Starfsmaður óskast í útkeyrslu
og afgreiðslu á Fitjabakka 2 - 4.
Vinnutími frá kl. 12:00 til 18:00.
Umsóknareyðublöð eru á staðnum einnig
er hægt að sækja um á steinar@olis.is
Æskilegt að umsækjandi
sé ekki yngri en 20 ára.
s. 511-1141101 ReykjavíkLaugavegi 61
● Allar bestu hárvörurnar
á einum stað
● Pantaðu í netverslun okkar
og fáðu sent heim
● Úrval af fallegum jólagjöfum
www.sapa.is
Skólamatur auglýsir eftir viðhaldsmanni
til starfa. Um er að ræða 100% stöðugildi.
Helstu verkefni:
• Viðhald og umsjón fasteigna, tækja og búnaðar, m.a. bifreiða.
• Umsjón með lager.
• Vinnuvernd og öryggismál.
Hæfniskröfur:
• Iðnmenntun sem nýtist í starfi er kostur en reynsla af
framkvæmdum og almennu viðhaldi er nauðsynleg.
• Samskipta- og skipulagshæfni.
Fyrirspurnir og umsóknir berist til Fannýjar Axelsdóttur
mannauðsstjóra á fanny@skolamatur.is eða í síma 420 2500.
Umsóknarfrestur er til og með
15. desember 2015.
Skólamatur er fjölskylduvænn
vinnustaður sem starfar á Suðurnesjum
og á höfuðborgarsvæðinu.
Viðhaldsmaður
Hollt, gott og heimilislegt
Sími 420 2500 I skolamatur@skolamatur.is
skolamatur.is