Víkurfréttir - 30.06.2016, Blaðsíða 12

12 fimmtudagur 30. júní 2016VÍKURFRÉTTIR
Grindvíkingurinn Kári Guðmunds-
son hafði verið með þann draum í
maganum í áratug að opna mat-
sölustað. Hann hafði gegnt ýmsum
störfum og meðal annars starfað sem
kokkur á sjó um nokkurt skeið. Hann
hefur nú tekið við rekstrinum á Kant-
inum í Grindavík ásamt konu sinni
Ölmu Guðmundsdóttur og Arnari
syni sínum.
Þau Kári og Alma höfðu enga reynslu
af veitingarekstri áður en stukku á
tækifærið þegar það gafst nú skömmu
fyrir sjómannahelgina. Kári var
kokkur á sjó í nokkur ár og hefur alltaf
unað sér vel við eldamennsku. Hann
segist hafa mjög gaman af því að bjóða
fólki heim og elda góðan mat. „Bróðir
minn lærði meistarakokkinn og ég
hef fylgst vel með honum. Ég er alveg
búinn að vera með það í maganum
síðustu tíu ár að opna veitingastað,“
segir Kári sem hefur síðustu ár starfað
sem trésmiður.
Fyrrum eigandinn, Björn Haraldsson,
eða Bangsi eins og hann er kallaður,
var ekki alveg á því að selja reksturinn
frá sér enda hefur hann verið með
verslun af einhverju tagi á staðnum
síðustu 46 árin. Tækifærið kom þó
fyrir hjónin skömmu fyrir þessa stóru
helgi, sjómannahelgina. Þau þurftu þá
að setjast niður að taka ákvörðun með
hraði í samvinnu við fjölskylduna.
Ákveðið var að stökkva beint í djúpu
laugina.
Ferðamennirnir elska
ferska fiskinn
Þau ákváðu að leggja áherslu á ís-
lenskan fisk og lambakjöt þegar kom
að matnum. Það hefur mælst vel fyrir
hjá ferðamönnum sem mæta á staðinn
og hafa margir orð á því að djúpsteikti
fiskurinn sé einn sá besti sem þeir hafa
smakkað.
Kári segist ætla að reyna að sinna
heimafólki vel með því að bjóða upp
á viðburði af ýmsu tagi á barnum.
Allt frá árinu 1989 hefur verið bar á
staðnum en þá tók til starfa Hafur-
björninn. „Allir Grindvíkingar muna
eftir húsnæðinu sem djammstað. Hér
á árum áður var alltaf troðfullt hverja
helgi. Það er draumurinn að vekja upp
þá gömlu stemningu.“
Það er mikil vinna að reka svona stað
en þau hjónin eru ýmsu vön og kalla
ekki allt ömmu sína. „Þetta er þannig
rekstur að það þarf að vera hægt að
treysta á fjölskylduna því þetta er mjög
bindandi. Frá því að við opnuðum þá
er ég búinn að eiga heima hérna meira
og minna,“ segir Kári og hlær. Kári
segist hafa fengið jákvæð viðbrögð frá
heimafólki og er hann fullur bjartsýni.
Kári var með trillu á sínum tíma þar
sem hann sótti sjóinn stíft. „Ég get
bara lýst þessu þannig að maður er að
sækja á miðin hérna. Maður veit svo
ekkert hvað maður fiskar.“
SÆKJA Á
MATSÖLU
MIÐIN
●● Nýjir●eigendur●taka●við●Kantinum●í●Grindavík Kári Guðmundsson, Alma S. Guðmundsdóttir og Arnar Geir sonur Kára, reka núna Kantinn veitingastað í Grindavík.
„Það er fullt að gera og alltaf nýir garðar að
bætast við,“ segir Daníel Dagur Árnason, 12
ára en hann stofnaði á dögunum Sláttuvéla-
gengið DAG ásamt vinum sínum, þeim Axel
Gomez og Gabríel Mána Unnarssyni. Þeir voru
allir að ljúka 7. bekk í vor. Drengirnir eru með
sláttuvél, orf, hrífur og poka undir hey og fara á
milli garða í Reykjanesbæ og slá.
Það er misjafnt hversu mikið slátturinn kostar
og fer eftir því hve stór garðurinn er. „Ef það
er lítill garður og hundaskítur sem þarf að
tína upp eru þetta 4.000 krónur,“ segja þeir
en mikilvægt er að tína upp eftir hundana því
stykkin þeirra geta farið illa með sláttuvélina.
Vinnan við sláttinn er fyrsta vinnan þeirra en
Daníel Dagur hafði aðstoðað pabba sinn sem
er málari. Þeir eru of ungir til að fá vinnu hjá
vinnuskólanum en segjast heldur ekki mjög
spenntir fyrir því að reyta arfa. „Svo er líka
miklu meira upp úr þessu að hafa,“ segja þeir,
hæst ánægðir með sláttuvélastarfið. Nánari
upplýsingar um Sláttuvélagengið má nálgast á
Facebook-síðunni Garðsláttur hjá sláttuvéla-
genginu DAG.
Nóg að gera hjá Sláttuvélagenginu
●● 12●ára●drengir●með●sinn●eigin●rekstur
Axel og Gabríel að raka í blíðunni á dögunum. VF-mynd/dagnyhulda
Daníel, Axel og Gabríel hjá Sláttuvélagenginu DAG.
ATVINNA
STARFSKRAFTUR ÓSKAST TIL AÐ RÆSTISTARFA
Í HEILBRIGÐISSTOFNUN SUÐURNESJA Í REYKJANESBÆ
Vinnutímar eru frá kl. 08:00 - 13:30 einnig er unnið aðra hvora helgi.
Leitað er að konu 25 ára eða eldri.
Íslenskukunnátta æskileg.
Áhugasamir sendið tölvupóst á netfangið halldor@allthreint.is
Nokkrir íbúar Reykjanesbæjar hafa
kvartað, bæði til bæjaryfirvalda og
Isavia, vegna hávaða frá flugum-
ferð við Keflavíkurflugvöll en vegna
framkvæmda við norður-suður braut
vallarins hafa vélar flogið tíðar yfir
byggð í Njarðvík en áður. Brautin
verður lokuð í allt sumar vegna mal-
bikunarframkvæmda. Á meðan mun
öll flugumferð fara um flugbrautina
sem liggur austur-vestur. Flugvélar
sem taka á loft í austur eða koma til
lendingar úr austri fara yfir byggð í
Njarðvík í meira mæli en þegar báðar
brautirnar eru í notkun. Af því til-
efni áttu Kjartan Már Kjartansson,
bæjarstjóri og Guðlaugur Helgi Sigur-
jónsson, sviðsstjóri Umhverfissviðs
Reykjanesbæjar, fund með fulltrúum
Isavia, þar sem þessi mál voru rædd.
Niðurstaða fundarins var sú að reynt
verður að lámarka ónæði vegna flugs
yfir byggðir Reykjanesbæjar með
því að notast við flugtaksferla til að
minnka hávaðamengun sem og að
beina flugumferð sem mest út yfir
Hvalsnes.
Reynt verður að lágmarka ónæði
vegna flugs, meðal annars með því að
notast við flugtaksferla sem miða að
því að hreyflum sé beitt þannig að þeir
valdi sem minnstum hávaða. Í öðru
lagi á að beina flugumferð sem mest
um vestari enda flugbrautarinnar,
sem liggur út af Hvalsnesi, þegar það
er hægt en því tengjast margir aðrir
þættir svo sem eldsneytisnotkun, flug-
tími og fleira. Einnig á að leggja sér-
staka áherslu á notkun vestari enda
brautarinnar á tímabilinu 23:00 til
07:00 þegar aðstæður leyfa. Einn-
ig stendur til í haust að koma upp
mælitækjum þar sem hægt verður, í
gegnum heimasíðu Isavia, að nálgast
lifandi hávaðamælingar í rauntíma.
REYNA AÐ LÁGMARKA
ÓNÆÐI FRÁ FLUGUMFERÐ
●● Flugumferð●yfir●Njarðvík●hefur●verið●tíðari●en●áður●
vegna●framkvæmda●við●norður-suðurbraut