Morgunblaðið - 12.08.2017, Blaðsíða 2
Verðþróun seldra fasteigna í fjölbýli í sex póstnúmerum í Reykjavík
Frá fyrsta ársfjórðungi 2013 til annars ársfjórðungs 2017
Meðalkaupverð á fermetra Meðalkaupverð á fermetra Meðalkaupverð á fermetra
Allar fjölbýliseignir Án nýbygginga Allar fjölbýliseignir Án nýbygginga Allar fjölbýliseignir Án nýbygginga
PÓSTNÚMER 101 PÓSTNÚMER 109 PÓSTNÚMER 105
2013, 1. ársfj. 322.870 307.014 213.383 213.383 279.200 279.078
2013, 4. ársfj. 342.053 330.265 223.383 223.383 289.335 289.188
2014, 4. ársfj. 381.261 367.403 248.506 248.506 342.489 332.491
2015, 4. ársfj. 413.727 412.866 274.433 274.433 364.094 365.628
2016, 4. ársfj. 466.881 467.003 326.471 326.471 428.628 428.013
2017, 2. ársfj. 527.799 523.270 374.037 374.037 473.540 475.521
Breyting frá 1. ársfj. 2013 63,5% 70,4% 75,3% 75,3% 69,6% 70,4%
Breyting frá 4. ársfj. 2016 13,0% 12,0% 14,6% 14,6% 10,5% 11,1%
PÓSTNÚMER 111 PÓSTNÚMER 107 PÓSTNÚMER 112
2013, 1. ársfj. 218.244 200.269 296.904 296.904 230.237 230.237
2013, 4. ársfj. 215.927 213.849 320.041 320.041 246.633 246.633
2014, 4. ársfj. 245.027 245.027 350.509 350.509 271.871 271.871
2015, 4. ársfj. 283.964 283.658 396.280 396.280 302.101 302.101
2016, 4. ársfj. 325.226 325.226 438.161 442.418 345.901 344.489
2017, 2. ársfj. 369.345 370.455 496.373 488.188 401.622 401.622
Breyting frá 1. ársfj. 2013 69,2% 85,0% 67,2% 64,4% 74,4% 74,4%
Breyting frá 4. ársfj. 2016 13,6% 13,9% 13,3% 10,3% 16,1% 16,6%
Heimild: Þjóðskrá Íslands
Baldur Arnarson
baldura@mbl.is
Meðalverð seldra fasteigna í fjölbýli
í Grafarvoginum í Reykjavík var að
meðaltali yfir 400 þúsund á fermetra
á öðrum ársfjórðungi í ár. Grafar-
vogur hefur póstnúmerið 112.
Meðalverðið var nálægt 500 þúsund
krónum á fermetra í Vesturbænum,
107 Reykjavík, og um 530 þúsund í
miðborginni, 101 Reykjavík.
Þetta kemur fram í greiningu
Þjóðskrár Íslands fyrir Morgunblað-
ið. Meðal annarra niðurstaðna er að
meðalverðið er að nálgast 475 þús-
und í Hlíðunum og Holtunum, í 105
Reykjavík, og 370 þúsund í Breið-
holtinu, 111 Reykjavík. Hástökkvar-
inn í prósentum talið er Seljahverfið,
109 Reykjavík, en þar hefur meðal-
verð hækkað úr 213 þúsund á 1.
ársfj. 2013 í 374 þúsund krónur.
Samkvæmt því hefur verð á 100
fermetra íbúð í Seljahverfi hækkað
úr að meðaltali 21,3 milljónum í 37,4
milljónir á tímabilinu, eða um 75%.
Annað dæmi er að í 101 hefur verðið
hækkað úr 32,3 í 52,7 milljónir.
Ásgeir Jónsson, dósent í hagfræði
við Háskóla Íslands, segir lítið fram-
boð samhliða mikilli eftirspurn eiga
þátt í mikilli hækkun fasteignaverðs.
Þá hafi hækkandi leiguverð þrýst
upp fasteignaverði. Eðlisbreyting
hafi orðið á leigumarkaði. Áður hafi
verið rætt um að þrír hópar væru á
leigumarkaði; erlendir ríkisborgar-
ar, námsmenn og einstaklingar sem
ekki fengju íbúðalán, og jafnframt að
erfitt væri að finna stöðuga og góða
leigjendur. Nú séu leigjendur miklu
fjölbreyttari hópur. Framboðið af
leigueignum sé miklu meira og
markaðurinn mjög virkur. Þar með
talið markaður fyrir ferðamenn.
Ný áhrif leigumarkaðarins
„Það er nýtt á síðari árum að
hækkanir á leigumarkaði þrýsta á
hækkanir á eignamarkaði, sem við
höfum kannski ekki séð áður. Það er
erfitt að sjá að núverandi launastig
geti stutt við frekari hækkanir á
fasteignaverði nema þá aðeins að
frekari lækkun langtímavaxta komi
til sögunnar. Eignamarkaðir eru eðli
málsins samkvæmt brokkgengari og
ávallt hætta á verðbólum vegna
óraunhæfra væntinga,“ segir Ásgeir.
Hafa hækkað um 75% frá 2013
Kaupverð 100 fermetra íbúðar í Seljahverfi var að meðaltali 21,3 milljónir 2013 en er nú 37,4 milljónir
Kaupverð íbúða í sex póstnúmerum í Reykjavík hefur hækkað um 63,5%-75,3% frá 1. ársfj. 2013
2 FRÉTTIRInnlent
MORGUNBLAÐIÐ LAUGARDAGUR 12. ÁGÚST 2017
Síðumúla 21, Selmúlamegin, sími 533 6040, www.stimplar.is
Mikið úrval af hurða- og póstkassaskiltum,
barmmerkjum og hlutamerkjum og fleira
Stimplar eru okkar fag
það eru skiltin líka
Áratuga reynslaÖrugg þjónusta
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Gert er ráð fyrir að framlög rík-
isins til málefna útlendinga og hæl-
isleitenda verði tvöfalt hærri en
áætlað var við fjárlagagerð. Har-
aldur Benediktsson, þingmaður
Sjálfstæðisflokks og formaður fjár-
laganefndar Alþingis, segir líklegt
að heildarútgjöld ríkisins til mála-
flokksins á þessu ári verði á sjötta
milljarð króna.
„Nú er ég aðeins ryðgaður í töl-
unum, hef ekki notað þær í trakt-
ornum í sumar. Það eru um 2,5
milljarðar áætlaðir í málaflokkinn
og samkvæmt grófum framreikn-
ingi sem við vorum með í maí gat
þetta stefnt í 2,5-3,0 milljarða í um-
framkeyrslu. Það var einfaldlega of
lítið áætlað í þetta í fjárlagagerð-
inni í fyrra,“ segir Haraldur í sam-
tali við blaðið.
Umfang málaflokksins hefur
vaxið hratt á undanförnum árum
og veldisvöxtur orðið í umsóknum
um alþjóðlega vernd hérlendis.
Stjórnvöld hafa unnið að því að
skerpa á málsmeðferð umsókna um
alþjóðlega vernd hér á landi og
stytta málsmeðferðartímann.
Tíu sérfræðingar
verða ráðnir
Ríkisstjórnin kom í gær saman í
fyrsta sinn eftir sex vikna sum-
arfrí.
Sigríður Á. Andersen dómsmála-
ráðherra tilkynnti á ríkisstjórnar-
fundinum að tíu sérfræðingar yrðu
ráðnir til starfa hjá Útlendinga-
stofnun á næstunni. Þeir verða al-
farið í því að sinna hælisumsókn-
um. athi@mbl.is, omfr@mbl.is
Of lítið áætlað til
útlendingamála
Líklegt að útgjöld ríkisins til mála-
flokksins verði á sjötta milljarð króna
Rúmlega þrjátíu keppendur taka
þátt í Íslandsmóti kæna, sem fram
fer um helgina í umsjón Siglinga-
klúbbsins Þyts í Hafnarfirði. Pétur
Th. Pétursson, formaður Þyts, segir
keppnina spennandi. „Það eru rúm-
lega þrjátíu bátar sem keppa um Ís-
landsmeistaratitil í þremur flokk-
um,“ segir Pétur.
Keppt er í flokkum Optimist- og
Laser Radiant-báta, auk þess sem
keppt er í opnum flokki. „Það verður
að vera ákveðinn fjöldi til að það sé
hægt að keppa í sérstökum flokki.
Þeir fara í opinn flokk sem eru ekki
nógu margir til að keppa innbyrðis.“
Keppni gærdagsins fór fram innst
í Hafnarfirði og var lögð braut með
baujum alveg upp við Fjarðargöt-
una. Of hvasst var til að keppa á fyr-
irhuguðu keppnissvæði í Hraunavík
í gær. „Það á að lægja svo við getum
kannski fært okkur þangað,“ segir
Pétur. athi@mbl.is
Morgunblaðið/Ófeigur
Hafnarfjörður Vegna hvassviðris var keppni gærdagsins færð frá Hraunavík og inn í innri höfnina í Hafnarfirði.
Spennandi keppni á þrjá-
tíu kænum í Hafnarfirði
Keppt um Íslandsmeistaratitil í þremur flokkum báta
Kænukappar Siglt var nánast alveg upp við Fjarðargötuna.