Morgunblaðið - 12.08.2017, Page 45
MENNING 45
MORGUNBLAÐIÐ LAUGARDAGUR 12. ÁGÚST 2017
Þorgerður Anna Gunnarsdóttir
thorgerdur@mbl.is
„Við ákváðum að halda samstarfinu
áfram þó að þrír okkar hafi flutt frá
New York og tókum upp plötu í lok
sumars 2015 í kjölfar Evróputúrs
sem við fórum í,“ segir Ari Bragi
Kárason trompetleikari um nýja
plötu kvartettsins Melismetiq. Þeir
Shai Maestro, Rick Rosato, Arthur
Hnatek og Ari Bragi stofnuðu sveit-
ina í New York árið 2010 og hafa nú
gefið út sína fyrstu plötu, Mesmetiq.
Þeir verða með útgáfutónleika á
Jazzhátíð Reykjavíkur í Eldborg-
arsal Hörpu í kvöld klukkan 19.
„Platan fór óvart á flakk milli
plötufyrirtækja og við vorum allir
með mörg járn í eldinum en svo
ákváðum við að drífa þetta af og
setja plötuna í framleiðslu. Okkur
bauðst svo að vera með útgáfu-
tónleikana á Jazzhátíðinni,“ segir
Ari Bragi.
Melismetiq kom líka fram á
Jazzhátíð Reykjavíkur árið 2012 en
Ari Bragi segir spilamennsku þeirra
hafa tekið breytingum síðan þá. „Við
erum allir mjög góðir vinir og til að
byrja með þá spunnum við bara á
staðnum. Við fórum bara á svið án
þess að vera búnir að ákveða neitt
hvað við ætluðum að spila og gerð-
um það á hátíðinni 2012. En svo þeg-
ar við fórum að taka upp plötuna
ákváðum við að róa þetta niður og
fara í meiri einfaldleika og sterkari
melódíur og sömdum þetta svolítið í
sameiningu.“
Á plötunni eru þrjú lög eftir Ara
Braga, en tvö þeirra er einnig að
finna á plötu með íslensku hljóm-
sveitinni Annes. „Áhugasamir geta
borið þau saman, þessar mismun-
andi nálganir frá mismunandi menn-
ingarheimum. Svo er eitt tökulag
með Björk á plötunni, lagið „Uni-
son“ af plötunni Vespertine,“ segir
Ari Bragi.
Hann hlakkar mikið til og segir
þetta verða í fyrsta sinn sem þeir
hittast allir fjórir síðan þeir tóku
plötuna upp. „Við iðum allir í skinn-
inu að fá að spila lögin á plötunni eft-
ir hafa hlustað mikið á þau og pælt
fram og til baka. Ég held að það
verði mikil spilagleði hjá okkur og
músík frá hjartanu.“
Ari Bragi segir þetta verða einu
útgáfutónleikana fyrir plötuna, en
það sé fleira á döfinni. „Við settum
fókusinn á að láta þetta ganga upp,
það er meira en að segja það. Píanó-
leikarinn er maður sem spilar 240
tónleika á ári úti um allan heim.
Hann kemur einmitt á laugardags-
morguninn og tónleikarnir eru um
kvöldið, hann má ekki missa af neinu
flugi eða neitt, þá er þetta búið. Við
ætlum að leggja áherslu á þetta og
svo í byrjun næsta árs erum við að
fara í smá Evróputúr og ætlum
hugsanlega að taka upp aðra plötu í
leiðinni.“
„Það hefur alltaf verið draumur
minn að standa á sviðinu í Eldborg
og spila músíkina mína með mínum
bestu vinum. Ég get ekki beðið,
þetta er eitt mesta tilhlökkunarefni
ársins hjá mér, ekki spurning,“ segir
Ari Bragi að lokum.
Draumurinn að spila í Eld-
borg með bestu vinunum
Tilhlökkun Ari Bragi Kárason hlakkar til útgáfutónleikanna í kvöld.
Kvartettinn
Melismetiq fagnar
útgáfu Melismetiq
Fjöldi viðburða er í boði á lokadög-
um Jazzhátíðar Reykjavíkur.
Í dag, laugardag, kl. 11 ræða
gítarleikarinn Taulant Mehmeti frá
Kósóvó og trommuleikarinn Aym-
an Boujlida frá Túnis hvernig þeir
nota tónlist heimalanda sinna í
djassnálgun sinni. Fólk er hvatt til
að mæta með hljóðfæri.
Kl. 15 leika Gaukur Hraundal
& Reykjavík Swing Syndicate á
Classic-sviðinu.
Kl. 16 troða söngkonan Mar-
ína Ósk Þórólfsdóttir og gítarleik-
arinn Mikael Máni Ásmundsson
upp á Classic-sviðinu.
Kl. 17 verður píanistinn Fred
Hersch með listamannaspjall á
Classic-sviðinu þar sem hann ræð-
ir um reynslu sína af því að vera
samkynhneigður og alnæmissmit-
aður listamaður. Aðgangur er
ókeypis.
Kl. 19 fagnar Melismetiq út-
gáfu fyrstu plötu sinnar í Eldborg.
Kvartettinn skipa Ari Bragi Kára-
son, Shai Maestro, Rick Rosato og
Arthur Hnatek.
Kl. 20.30 leikur Fred Hersch
Trio í Eldborg Hörpu. Tríóið skipa
auk Hersch þeir John Hebert á
kontrabassa og Eric McPherson á
trommur. Bæði tónleikarnir og
listamannaspjall Hersch eru í sam-
starfi við Hinsegin daga.
Kl. 22:15 leikur Stórsveit
Þrándheima í Eldborg tónlist eftir
bassaleikaranna Ole Morten Våg-
an
Kl. 23 hefst „jamsession“ á
Classic-sviði.
Á morgun, sunnudag, kl. 15
verður kastljósinu beint að vel
völdum hinsegin höfundum djass-
ins, þeirra á meðal Cole Porter,
Billy Strayhorn og Billie Holiday.
Högni Egilsson, Kristjana Stef-
ánsdóttir, Stína Ágústsdóttir og
Þór Breiðfjörð syngja við undirleik
Hjartar Ingva Jóhannssonar á pí-
anó, Andra Ólafssonar á bassa og
Magnúsar Trygvasonar Elíassen á
trommur.
Fjöldi spennandi viðburða
LOKAHELGI JAZZHÁTÍÐAR REYKJAVÍKUR
Brautryðjandi Píanistinn Fred Hersch
tekur þátt í listamannaspjalli í dag.
Jazzhátíð Reykjavíkur 2017
Atvinna
Selhella 13 | 221 Hafnarfjörður | Sími 564 1400 | kerfi@kerfi.is | kerfi.is
Fagleg & persónuleg þjónusta
Drykkjarlausnir
fyrir þitt fyrirtæki
Hagkvæmara en þú heldur!
Dæmi:
COSMETAL AVANT
Nýjasta brúsavatnsvélin
Grafinn lax
- Láttu það eftir þér
Söluaðilar:10-11,Hagkaup,Kostur,Icelandverslanir,Kvosin,Melabúðin,
Nettó, Samkaup, Pure Food Hall flugstöðinni Keflavík, Sunnubúðin.
Skólar & námskeið
fylgir Morgunblaðinu
föstudaginn 18. ágúst
NÁNARI UPPLÝSINGAR:
Katrín Theódórsdóttir
Sími: 569 1105 kata@mbl.is
PÖNTUN AUGLÝSINGA:
fyrir kl. 16 mánudaginn
14. ágúst.
SÉRBLAÐ
Í blaðinu verður fjallað um þá
fjölbreyttu valkosti sem í boði er fyrir
þá sem stefna á að auka við þekkingu
sína og færni í haust og vetur