Fréttatíminn - 25.03.2017, Side 30

30 | FRÉTTATÍMINN | LAUGARDAGUR 24. MARS 2017
Voxis hálstöflur
úr íslenskri ætihvönn
SÆKTU
RADDSTYRK Í
ÍSLENSKA
NÁTTÚRU
NÝJARUMBÚÐIR
NÝJAR BRAGÐ-
TEGUNDIR
MEXICO,
Guatemala
og Belize
4. - 18. október 2017
Einstök ævintýraferð
á slóðir Maya indjána.
Við kynnumst stórkostlegri náttúru, dýralífi
og hinum forna menningarheimi Maya indíána.
Skoðum m.a. hin þekkta píramída Tulum,
gamlar menningaborgir, syndum í sjónum
við næst stærsta kóralrif heims og upplifum
regnskóginn. Við tökum svo nokkra daga á
lúxus hóteli við Karabíska hað þar sem allt er
innifalið .
VERÐ 498.500.-
per mann i 2ja manna herbergi.
Innifalið: Flug, hótel allar ferðir,
skattar og íslenskur fararstjóri.
SÍMI: 588 8900WWW.TRANSATLANTIC.IS
Hönnuðurinn
Snæbjörn Stefánsson
hannaði skurðarbretti
sem minnir fólk á
launamun kynjanna.
Skurðarbrettið ber nafnið Jafn-
bretti og minnir fólk á launamun
kynjanna á áhugaverðan hátt.
Launamunur kynjanna hafði ver-
ið hönnuði ofarlega í huga þegar
hann var að búa til skurðarbrettið
Jafnbretti, en nafnið er ákveðinn
orðaleikur.
„Ég ákvað að túlka launamun
kynjanna í þessu bretti þar sem
hægt er að sjá línur og mælistik-
ur og þá getur þú skorið brauð
stærra eða minna eftir launa-
muninum,“ segir Snæbjörn.
Þannig verður brettið eins og
ákveðin mælistika. Brettið er ekki
frumraun Snæbjörns í merk-
ingarbærri hönnun, því árið
2009 hannaði hann jólaplatta
sem var kallaður Neyslumynstur
sem minnti fólk á það hegðunar-
mynstur sem ríkti í íslensku sam-
félagi fyrir hrun. Snæbjörn miðar
við 20 prósent launamun kynj-
anna í brettinu en að mati hans
skiptir í rauninni ekki máli hvort
gengið er út frá 5 prósentum, 10
prósent eða 18 prósent launa-
mun, svo framarlega sem þessi
launamunur sé til staðar þá sé
hann vandamál sem þarf að ræða.
„Afhverju borga konur ekki bara
lægri skatta því þær fá lægri laun.
Afhverju fá þær ekki bara lægra
verð, því þær þurfa að vinna fleiri
tíma,’’ segir Snæbjörn. En Jafn-
bretti, sem er fáanlegt í búð Snæ-
björns á Barónstíg kostar konur
20% minna heldur en karla. | bsp
Jafnbretti stuðlar
að jafnrétti
Jafnbretti kostar 20% minna fyrir konur en karla. Sólrún Lilja Ragnarsdóttirsolrunlilja@frettatiminn.is
Um leið og við fluttum þá fóru spurningarnar að hrúgast inn. Hvern-ig það væri eiginlega að búa í Hveragerði
og hvort þetta væri ekki erfitt og
fleira í þeim dúr. Þetta hljómaði
eiginlega eins og við værum flutt til
útlanda, en ekki í hálftíma í burtu
frá Reykjavík, yfir eina heiði,“ segir
plötusnúðurinn, samfélagsmið-
lagúrúinn og kvikmyndagerðar-
maðurinn Atli Viðar Þorsteinssson
sem flutti til Hveragerðis ásamt
konunni sinni Kristjönu Björk, fyr-
ir fimm mánuðum. Flutningarn-
ir komu vinum og vandamönn-
um mikið á óvart og mega þau
svara spurningum um hagi sína
í tíma og ótíma. Spurningaflóðið
var orðið það mikið að Atli sá sig
knúinn til að birta svör við helstu
spurningunum á facebook-síðunni
sinni. En svörin er hægt að sjá á vef
Fréttatímans.
Atli og Kristjana höfðu verið að
leigja litla íbúð í Hlíðunum af vin-
um sínum og var leigan því mjög
hagstæð. Þegar íbúðin var svo seld
enduðu þau á almennum leigu-
markaði. „Við ætluðum aldrei að
flytja í Hveragerði, en okkur bauðst
að kaupa þar parhús og þegar við
áttuðum okkur á því hve sturlað
leiguverðið er í bænum þá ákváð-
um við að láta slag standa.“
Pabbi Atla býr í húsinu við
hliðina á, en þau keyptu sitt hús af
konunni hans. „Þeirra samskipti
eru þannig að eina leiðin til að þau
geti verið saman er að búa í sitt-
hvoru húsinu. Á tímabili var hún
með þvottavélina og hann með
kaffivélina. En hún er slæm í hnján-
um og varð að flytja í hús á einni
hæð. Við græddum á því. Húsið
er, eins og svo margt í Hveragerði,
pínulítið fyrir utan normið. Það
hentar okkur því rosalega vel.“
Atli segir það vissulega hafa
vaxið þeim í augum að flytja til
Hveragerðis, en þau sjá ekki eft-
ir því í dag. „Eftir að hafa búið í
Hveragerði í fimm mánuði þá erum
við ekkert að fara að flytja aftur til
Reykjavíkur. Það tekur okkur hálf-
tíma að keyra til Reykjavíkur og við
gerum það fimm daga í viku, enda
vinnum við bæði í Reykjavík. Við
höfum í raun alla kosti Reykjavík-
ur án þess að borga sturlað hátt
leiguverð og sleppum við leiðinda-
umferð í miðbænum.“
Þá upplifa þau hjónin samfélag-
ið í Hveragerði mun manneskju-
legra en í Reykjavík. „Um jólin þá
fengum við til dæmis kort inn um
bréfalúguna okkar. Á því var mynd
af hjarta og undir stóð: Kveðja GÍH.
Við héldum að þetta væri ástarbréf
sem hefði lent á vitlausum stað, en
í ljós kom að þetta var frá Grunn-
skólanum í Hveragerði, en nemend-
ur bera út knúskveðju í hvert ein-
asta hús um jólin. Það er æðislegt.“
Og þótt allir vinirnir séu í Reykja-
vík þá kemur það ekki að sök, enda
gestagangurinn í blómabænum
mikill. „Á þeim fimm mánuðum
sem við höfum búið í Hveragerði
hafa fleiri komið og heimsótt okk-
ur, kíkt í bröns og kaffi, heldur en á
þeim tveimur árum sem við bjugg-
um í Hlíðunum. Þetta virðist vera
miklu meira í leiðinni fyrir fólk.
Þetta er orðið þannig að við erum
alltaf heima á sunnudögum með
kaffi ef einhver skyldi kíkja við.“
Fleiri gestir í Hveragerði
en í Hlíðunum
Atli Viðar ásamt hundinum Munson
sem flutti til líka Hveragerðis með
eigendunum sínum. Mynd | Rut
Atli Viðar flutti ásamt konu sinni og hundi til
Hveragerðis í fyrra. Þau flúðu leigumarkaðinn í
Reykjavík og fengu þetta fína, en sérkennilega,
parhús á góðu verði. Hjónin eru
alltaf með heitt á könnunni á sunnu­
dögum og hafa ekki undan að taka á
móti gestum.
Flestir kannast við frestunar-
áráttu enda getur verið ruglandi í
kröfu hörðu samfélagi að vera með
marga bolta á lofti. Um helgar er
þó tilvalið að fresta, sérstaklega á
laugardögum þegar mánudagur
er í órafjarlægð. Fréttatíminn tók
saman fimm vinsælar leiðir til að
fresta hlutum um helgina.
Þrífa og raða
Algengasta og jafnframt afkasta-
mesta leiðin til þess að fresta ver-
kefnum er að sjálfsögðu að taka til
og þrífa húsið hátt og lágt. Flestir
sem hafa nokkurn tímann verið á
leið í próf kannast eflaust við tilf-
inninguna að sitja sveitt með kaffi-
bollann og fyllast skyndilega af
löngun til þess að skrúbba hvern
hluta hússins. Þessi leið er mjög
afkasta mikil og tilvalið er að nýta
sér þessa löngun til þess að gera
vorhreingerninguna. Hinsvegar
kemur yfirleitt sá tímapunktur að
manni fara að leiðast þrifin og þá
er tilvalið að fresta frekari þrifum,
með því að snúa sér aftur í því sem
upprunalega var frestað.
Netflix
Tímaþjófurinn Netflix eða álíka
uppfinningar geta verið góð leið til
þess að hvíla sig frá amstri dagsins
og sökkva sér ofan í söguþráð sjón-
varpsins. Hinsvegar getur Netflix
auðveldlega gleypt sex klukku-
tíma sem annars hefðu átt að fara
í verk dagsins. Þessvegna er þetta
apparat bæði vinsælasti og óvin-
sælasti tímaþjófurinn.
Læra nýja hluti
Þykki doðranturinn sem þú
fékkst í jólagjöf í fyrir fimm árum
getur skyndilega verið ótrúlega
spennandi þegar þú þarft að klára
mikilvægt verk. Maður lærir eins
lengi og maður lifir og því er líka
mikilvægt að fresta með því að
læra nýja hluti eins og hvernig
maður tekur bestu myndirnar á
snjallsíma eða nýjustu hártískuna.
Hanga á samfélagsmiðlum
Samfélagsmiðlar eru frábær leið
til að fresta, því manni líður alltaf
eins og maður sé alveg að klára.
Snapchat, Instagram, Twitter,
Facebook. Hér er hægt að skoða
þúsundir, milljónir prófíla og
mynda hjá fólki sem þú þekkir
ekki neitt. Öll hringiðan í heild
sinni býður upp á frábæra leið til
að fresta.
Hringja í ættingja
Hér er líklega komin ein besta
leiðin til að fresta hlutum um
helgina, hringja í ömmu og afa eða
frænku og frænda. Svo er hægt
að skipuleggja heimsókn og fresta
hlutunum enn fremur. | bsp
Fimm leiðir til að fresta Stundum er gott að fresta.