Víkurfréttir - 03.08.2017, Blaðsíða 18

18 fimmtudagur 3. ágúst 2017VÍKURFRÉTTIR
WWW.VF.IS
Verslunarmannahelgin
Auðvitað
skemmir
bongóblíða
ekki fyrir

HLYNUR ÞÓR VALSSON
Hvert á að fara um verslunarmanna-
helgina í ár?
Ég verð í sumarbústað tengdaforeldra
minna á Öndverðarnesinu undir Ing-
ólfsfjalli.
Með hverjum á að fara?
Ég, frúin og dóttir okkar, hún Bergrún
Embla ,verðum þar með tengdó og fleiri
fjölskyldumeðlimum. Svo eiga foreldrar
mínir bústað steinsnar frá og því verður
væntanlega eitthvað ráp á milli og al-
mennur gestagangur.
Lætur þú veðurspá ráða því hvert á að
fara um verslunarmannahelgina?
Alls ekki. Þetta snýst alfarið um að vera
í góðum félagsskap, auðvitað skemmir
bongóblíða ekki fyrir en gott spjall,
góður matur og betri drykkir bæta upp
hvað það svo sem veðurguðirnir ákveða
að gera.
Hvert hefur þú farið um verslunar-
mannahelgi síðustu ár?
Við erum vanaföst og höfum við verið
saman með fjölskyldunni í bústað
tengdaforeldra minna síðastliðin ár.
Hvert hefur þú farið í ferðalög í sumar?
Við vorum sæmilega dugleg að leggja
land undir fót þetta sumarið. Við byrj-
uðum í paradís, eða nánar tiltekið við
Sellátra í Tálknafirði í boði Hobbitans
Ólafs Þórs Ólafssonar og fjölskyldu
hans. Þar vorum við dugleg að rúnta um
suðurfirðina og njóta þeirrar einstöku
fegurðar sem þar er.
Um miðjan júlí fórum við norður á
Akureyri í nokkra daga áður en við
brunuðum áfram á ættarmót Heiðar-
ættarinnar á Þórshöfn á Langanesi.
Virkilega gaman að koma þangað aftur
eftir fjöldamörg ár.
Hvernig ferðalög ertu að stunda? Ferðu
í sumarbústað eða í ferðavagna?
Eftir dvöl í kúlutjöldum á ótal tónleika-
hátíðum í gegnum tíðina þá kýs ég helst
fjóra veggi, þak og almenn þægindi í
dag. Við erum dugleg að kíkja í bústað-
inn allt árið í kring en ég forðast tjald-
ferðalög eins og ég get. Samt er kominn
pressa frá dóttur minni um fjölskyldu
útilegu sem ég verð að bregðast við fyrr
en seinna.
Hefur þú verið heppinn með veður á
ferðalögum þínum í sumar?
Svo sannarlega, sólin lék við okkur fyrir
vestan þann tíma sem við dvöldum þar.
Við vorum reyndar viku of snemma
fyrir norðan og misstum af Spánarblíð-
unni sem skall þar á með braki og bresti
en veðrið var milt og hlýtt fyrir utan smá
rigningarsudda á Þórshöfn.
Svo vita allir að Sólin er úr Sandgerði
og ég get svarið það að hún er hjá okkur
alla daga.
Myndin er tekin við eyðibýlið Heiði á
Langanesi, ættaróðal Heiðarættarinnar.
Lindex hefur opnað í Krossmóa
●● 10%●af●íbúum●Suðurnesja●mættu●á●opnunina●í●Krossmóa● ●Styrkti●Heilavernd●um●400●þúsund
Verslunarkeðjan Lindex opnaði í
Krossmóa síðastliðinn laugar-
dag, en opnað var tveimur vikum
fyrr en áætlað var í upphafi vegna
góðs framgangs í framkvæmdum.
Ákveðið var að 10% af andvirði sölu
opnunardagsins rynni til Heila-
verndar, en um 400 þúsund krónur
söfnuðust til styrktar félagsins.
Albert Magnússon, eigandi Lindex á
Íslandi, sagði í samtali við Víkurfréttir
að að opnunin hefði farið langt fram
úr væntingum. „Um 2.500 manns
mættu við opnun Lindex í Krossmóa,
en það er um 10% af íbúum Suður-
nesja. Það er eitthvað sem við getum
ekki verið annað en þakklát fyrir.“
Verslunin, sem staðsett er í aðalgangi
verslunarmiðstöðvarinnar Krossmóa,
mun býður upp á allar þrjár megin-
vörulínur Lindex. Fyrirtækið hefur
einsett sér að 80% framleiðslunnar
verði framleidd með sjálfbærum og
umhverfisvænum hætti fyrir árið
2020. Auk þess verður 100% af bóm-
ull fyrirtækisins framleidd með sjálf-
bærum hætti fyrir þann tíma.
Verslunarmiðstöðin Krossmói var
byggð árið 2008 og fjölþætt þjónusta
er í húsinu sem hýsir m.a. verslun
Nettó, Lyfju apótek og ÁTVR á Suður-
nesjum. Húsið er um 10.000 m² og er
staðsett í hjarta bæjarins.
Lindex rekur nú fimm verslanir á Ís-
landi, í Smáralind, tvær verslanir í
Kringlunni, Glerártorgi á Akureyri og
undirfataverslun á Laugavegi 7.
Baldursgötu 14, Reykjanesbæ
Opið mán-fös 13-18 Sími: 421 1200
STYRKTU MATARSJÓÐ
FJÖLSKYLDUHJÁLPAR ÍSLANDS
1.990 - 2.490kr
Skemmtilegar húfur
margar gerðir
Verslunarmannahelgin
er framundan!
450kr
Regnslár
3 litir
990kr
Skyggni
4 litir
NÝTT & NOTAÐ
ÓTRÚLEGASTA BÚÐIN Í BÆNUM!
C
M
Y
CM
MY
CY
CMY
K
Víkurfréttir 99x140mm 02.pdf 1 19/07/17 13:57
Skötuveisla að sumri
■ Ellefta skötumessan í Garði var haldin í Gerðaskóla á Þorláksmessu að
sumri. Alls mættu 400 manns í veisluna þar sem í boði voru skata og salt-
fiskur með rófum, kartöflum, hamsatólg og öðru viðbiti.
Skötumessan er fjáröflunarskemmtun en skipuleggjendur veislunnar segjast
ekki þurfa taka upp veskið í aðdraganda veislunnar. Af þeim sökum rennur allur
aðgangseyrir, auk styrkja frá fyrirtækjum, til góðra málefna.
Að þessu sinni styður skötumessan við krabbameinsjúk börn á Suðurnesjum,
skynörvunarherbergi við Öspina í Njarðvíkurskóla, starfsemi eldri borgara á
Ásbrú, Skátana í Keflavík, Íþróttafélag fatlaðra NES og Velferðasjóð Suðurnesja.
Á skötumessunni eru ávallt fjölbreytt skemmtiatriði í gamanmálum, söng og
tónlist. Meðfylgjandi eru nokkrar myndir frá kvöldinu. Nánar verður fjallað um
skötumessuna í Suðurnesjamagasíni Víkurfrétta á sjónvarpsstöðinni Hringbraut
í ágúst.
Gunnar Þórðarson tónlistarmaður fékk sér bara saltfis. „Aldrei borðað skötu,“
sagði hann og bað um hamsatólg yfir saltfiskbitana. Ólafur Helgi lögreglustjóri
fékk sér hins vegar mikið af skötu og fór fleiri en eina ferð á hlaðborðið.