Víkurfréttir - 25.01.2018, Blaðsíða 18

18 FRÉTTIR Á SUÐURNESJUM f immtudagur 25. janúar 2018 // 4. tbl. // 39. árg.
ÍS
L
E
N
S
K
A
S
IA
.I
S
I
C
E
8
24
87

11
/1
6
Icelandair leitar að öflugum liðsmönnum í áhafnavakt á Keflavíkur flugvelli sem hafa áhuga á krefjandi störfum í hröðu
og síbreytilegu alþjóðlegu umhverfi.
STARFSSVIÐ:
I Dagleg áhafnavakt
I Tengiliður milli áhafna og flugdeildar
I Fylgjast með og uppfæra vinnuskrá áhafna
I Samskipti við áhafna hótel
I Halda utan um áætlunar- og leiguflugsskrá áhafna og áhafnir á
erlendri grundu
I Samskipti við viðskiptavini flugdeildar auk annarra verkefna.
HÆFNISKRÖFUR:
I Góð menntun/reynsla sem nýtist í starfi
I Mjög góð enskukunnátta er nauðsynleg þar sem hluti af starfinu
fer fram á ensku
I Góð tölvufærni
I Jákvætt hugarfar, frumkvæði og rík þjónustulund
I Færni í almennum samskiptum og samvinnu
I Sjálfstæð og skipulögð vinnubrögð
Um er að ræða vaktavinnu þar sem unnið er á dag- og næturvöktum.
Starfsstöð er á Keflavíkurflugvelli. Hér er um framtíðar- og sumarstörf að ræða.
STARFSMENN Í ÁHAFNAVAKT
Nánari upplýsingar veita:
Álfheiður Sívertsen, netfang I alfheidur@icelandair.is
Kristín Björnsdóttir, netfang I starf@icelandair.is
Umsóknir ásamt ferilskrá óskast fylltar út á
www.icelandair.is/umsokn eigi síðar en 31. janúar 2018.
Umhverfisstofnun gerir ýmsar at-
hugasemdir við lóð og umhverfi
kísilvers United Silicon í Helguvík.
Í bréfi til stjórnar United Silicon
segir að Umhverfisstofnun sam-
þykki úrbótaáætlanir vegna frávika
er varða afgirðingu lóðar, leka- og
árekstrarvarnir við glussa- og olíu-
tanka, malbikun lóðar fyrir gjall
sem stenst ekki útskolunarpróf og
lagfæringar á hráefnisgeymslum
fyrir endurræsingu ofns. Ofninn má
hins vegar ekki endurræsa fyrr en
byggður hefur verið viðurkenndur
skorsteinn við hann.
Umhverfisstofnun telur hins vegar að
úrbætur í samræmi við kröfur frá 1.
september í fyrra um snyrtilegan frá-
gang lóðar ekki vera lokið. Lóðin var
skoðuð 14. desember 2017 og þá kom
í ljós að sekkir voru geymdir utan-
dyra en ekki liggja fyrir upplýsingar
um innihald þeirra frá rekstraraðila.
Umhverfisstofnun hefur óskað eftir
upplýsingum um magn og efnisinni-
hald sekkja á lóð kísilversins.
Víkurfréttir sendu fyrirspurn á United
Silicon sl. sumar um sekkina. Krist-
leifur Andrésson, þáverandi upplýs-
ingarfulltrúi United Silicon, svaraði
fyrirspurninni á þann veg að „inni-
hald stórsekkjanna er kísilryk sem
er aukaafurð við kísilframleiðslu.
Efnið er notað meðal annars í steypu
erlendis og þá til að gera hana sterk-
ari. Kísilrykið er skaðlaust efni, efna-
greiningar liggja fyrir varðandi það“.
- Gengur illa að losna við þetta?
„Markaðir fyrir kísilrykið hafa verið
að opnast og nú er samningur í höfn
með sölu á þessari aukaafurð okkar.
Við förum því að sjá þessum sekkjum
fækka á næstunni. En fram til þessa
hefur gengið hægt að losna við kísil-
rykið,“ sagði Kristleifur við fyrirspurn
Víkurfrétta sl. sumar.
Hvað geyma sekkirnir?
Rúm 42 kíló af
hörðum fíkni-
efnum haldlögð
Í 46 fíkniefnamálum sem upp komu
í Flugstöð Leifs Eiríkssonar á árinu
2017 lagði rannsóknardeild lögregl-
unnar á Suðurnesjum hald á rúm-
lega 42 kíló af hörðum fíkniefnum.
Þar af voru rúm 35.000 grömm af
kókaíni, tæp 7.000 grömm af amfeta-
míni, 196 grömm af metamfetamíni
og 61 gramm af Ecstasy (MDMA).
Auk þessa voru haldlögð rúmlega
240 grömm af hassi. Rannsóknir
allra þessara mála voru á borði rann-
sóknardeildar LSS. Undirstrikað
er að um bráðabirgðatölur er að
ræða, sem kunna að taka smávægi-
legum breytingum þegar endanlegt
heildaruppgjör ársins liggur fyrir.
Sá einstaklingur er reyndist hafa
mesta magn fíkniefna innvortis var
belgískur fatlaður karlmaður sem var
með rúmlega eitt kíló af kókaíni í 106
pakkningum. Er það mesta magn sem
fundist hefur í einum einstaklingi í
innvortis fíkniefnamálum hingað til.
Styrkur haldlagðra efna í innvortis
málum er yfirleitt mjög mikill eða um
90%. Styrkur í haldlögðum neyslu-
skömmtum á götunni er á bilinu 7 til
15%. Því má ætla að margfalda megi
ofangreind 42 kíló með 7 eða 8 sem
gerir þá rúmlega 300 kíló af hörðum
fíkniefnum á götum úti.
Langflest þessara mála eiga upptök
sín hjá tollvörðum sem hafa með
höndum mjög virkt og skipulegt eftir-
lit í flugstöðinni. Sú leið að reyna að
smygla fíkniefnum þá leiðina verður
því að teljast mjög áhættusöm fyrir
þá sem það reyna. Að auki má minna
á afdrif rúmlega tvítugs íslensks karl-
manns sem kom með 42 pakkningar
innvortis til landsins í október. Ein
pakkningin tók að leka og var hann
fluttur lífshættulega veikur með hraði
á Landspítalann þar sem hann undir-
gekkst rúmlega þriggja klukkustunda
skurðaðgerð.