Myndmál - 01.03.1984, Side 2

Til lesenda
Myndmál hefur nú 2. árgang
sinn, en á árinu 1983 komu út 3
tbl. sem hlutu góða dóma. En nú
hefur verið ákveðið að reyna nýtt
útgáfuform á blaðinu í þeim til-
gangi að ná til fleiri en áður.
Fyrsta tölublaðið 1984 markar
upphaf að nýrri þjónustu við kvik-
myndahúsagesti og virkar sem
nokkurskonar bónus á bíómið-
ann. Blaðið fæst nú ókeypis í
kvikmyndahúsum og er reksturinn
fjármagnaður með auglýsingum.
Myndmál hefur haft að yfirlýst-
um tilgangi sínum frá upphafi að
leggja mesta áherslu á birtingu
efnis sem vekur áhuga út yfir hóp
harðsvíraðra kvikmyndaspekúl-
anta án þess þó að flytja slúður-
fréttir eða kynda undir stjörnu-
dýrkun. Því ætti að vera óhætt að
fullyrða að flestir geta fundið
eitthvað sér til ánægju og fróð-
leiks í blaðinu.
Sumum kann að þykja hlutfall
auglýsinga í þessu hefti nokkuð
mikið en skal bent á að það á eftir
að breytast í komandi tölu-
blöðum. Á móti kemur að mestur
hluti blaðsins er helgaður íslensk-
um atburðum á sviði kvikmynda,
að þessu sinni.
Góða skemmtun,
Ritstj.
MfNDMAL
Útgefandi: Myndmál, Arnar-
hrauni 8, 220 Hafnarfirði, sími
52633 Ritstjóri og ábyrgð-
armaður: Ásgrímur Sverrisson.
Setning: Samsetning.
Prentun: Steinmark sf.
Bókband: Arnarberg.
Mars 1984. Nr. 4, 1. tbl. 2. árg.
Myndmál kemur út annan
hvern mánuð.
HVAÐ ER AÐ GERAST?
Attenborough
filmar
,A Chorus Line“
Nú, þegar söngleikurinn A Chorus Line
heíur gengið lengur á Broadway en nokkur
annar slíkrar tegundar, eða í um 4000
skipti, hefur Hollywood uppi plön um að
festa hann á filmu.
Kvikmyndarétturinn var fyrst seldur fyrir
sjö árum og var fyrirhugað að leikstjórinn
sjálfur, Michael Bennett, myndi stýra
myndinni, kostnaðurinn yrði um 7 milljónir
dollara og frumsýning yrði í júní 1980. En
af þessu varð ekki og síðan þá hefur
kvikmyndarétturinn gengið kaupum og
sölum. Orðaðir við myndgerðina hafa verið
leikstjórar á borð við Sidney Lumet og
Adrian Lyne, sem gerði Flashdance en
nú mun sjálfur Sir Richard Attenborough
kominn með puttana í verkið og kostnaður-
inn kominn uppí 20 milljónir dollara, sem
samsvarar u.þ.b. helmingnum af heildarinn-
komu sviðsverksins frá upphafi.
Clint kallinn Eastwood lætur sér fátt
fyrir brjósti brenna . . .
Sudden impact:
Dirty Harry er
mættur á ný!
Dirty Harry (Clint Eastwood) rambar
inná kaffihús. Afgreiðslukonan er skelfingu
lostin en Harry tekur ekki eftir neinu. Hann
er of upptekinn við að lesa í blaði. I fáti
hellir hún sykri í krúsina í stað kaffis og
réttir Harry. Harry, sem enn tekur ekki eftir
neinu, tekur bollann og gengur út. Um leið
rís upp hópur byssubófa sem miða tólum
sínum á viðstadda. Úti fær Harry sér sopa
af því sem hann heldur vera kaffi. A meðan
ræna byssubófamir viðskiptavinina og
kaffihúsið. Skyndilega birtist Harry gegnum
bakdymar. Allt fer í steik, gíslar em teknir.
Skelfing skín úr augum bófanna. Augu
Harrys em ísköld. Svo er einnig varið með
hann sjálfan. „Við munum ekki hleypaykkur
út héðan,“ segir hann. „Hverjir em „við"?“
spyr einhver bófanna, bamungur. „Smith &
Wesson og ég,“ segir Harry og seilist eftir
byssu sinni. Allt fer í upplausn og öflugt
skothríð hefst.
Dirty Harry er mættur á ný.
Clint Eastwood fmmsýndi nýjústu mynd
sína, Sudden Impact í desember 1983 og
samt náði hún því að verða ein vinsælasta
mynd ársins í Bandaríkjunum. Sudden
Impact er fjórða myndin um leynilögreglu-
manninn Dirty Harry, hinar em Dirty Harry
(1971), Magnum Force (1973) og The
Enforcer (1976).
Eastwood hefur fengið harða gagmýni
fyrir að sýna glómlaust ofbeldi í þessari
mynd, án nokkurs tilgangs að því er virðist.
Svo virðist að eftir að tvær síðustu myndir
hans, Bronco Billy og HonkyTonk Man
floppuðu illilega, hafi hann talið þörf á
róttækum ráðstöfunum í orðsins fyllstu
merkingu. Hann svarar sjálfur ásökununum
um ofbeldið á þennan hátt: „Ef ofbeldi
þjónar raunverulegum tilgangi, og ég er
ekkert svo viss um það, þá getur hver
maður fengið útrás fyrir ofbeldisþörf sína
á hvíta tjaldinu og þannig verið friðsamur
og eðlilegur utan þess.“
Svo mörg vom þau orð.
Leikur Conti hjá
Spielberg?
Breski leikarinn Tom Conti hefur mikið
meira en nóg að gera þessa dagana. Eftir
leik sinn í kvikmyndinni Merry Christmas
Mr. Lawrence, lék hann í sinni fyrstu
bandarísku mynd, Reuben, Reuben og
stuttu eftir það í öðm Hollywood-verkefni
sem filmað var í París, American Dream-
er, undir stjórn Rich Rosenthals (Bad
Boys). Nú er hann á kafi í þeirri þriðju,
Saving Grace, þar sem hann leikur páfa
Tom Conti.
sem yfirgefur Vatíkanið til að verða óbreytt-
ur sóknarprestur á ný. Robert Duvall mun
hafa sóst eftir þessu hlutverki og nú lítur
út fyrir að þeir þurfi aftur að berjast um
aðallutverkið í nýjasta verkefni Stevens
Spielbergs, Schindler’s List, sem gerast
á í seinni heimsstyrjöldinni og fjalla um
þýska iðjuhöldinn Otto SchindÍer sem
bjargaði þúsundum gyðinga írá útrýmingar-
búðum nasista.
Kvikmyndahátí ð
Listahátíðar
Sjötta kvikmyndahátíðin í Reykjavík var
haldin 4.-12. febrúar sl. Vegna útgáfutíma
blaðsins var ekki unnt að skrifa dóma um
myndirnar eða hátíðina í heild, en úr því
verður bætt í næsta blaði.
Knútur Halisson, formaður Kvikmynda-
sjóðs, ritaði pistil í dagskrá Kvikmyndhátíð-
arinnar og sagði m.a.: ,Ahrif kvikmynda-
hátíðanna á íslenska kvikmyndagerð geta
verið með ýmsum hætti og þau helst, að
markið hlýtur að vera sett hærra en ella,
þegar hátíðirnar leiða hvað eftir annað í
ljós, að hér er álitlegur hópur áheyrenda
sem kann að meta góðar myndir og skamm-
ast sín ekki fyrir það. Samanburður við hið
vandaðasta og framsæknasta í erlendri
kvikmyndagerð, sem einatt getur að líta á
...Deyond imaginmg.
Hundrað milljónir manna
sáu „The Day After“ þann
20. nóvember sl.
Bíóhöllin fær stóran plús fyrir það framtak sitt að sýna bandarísku kvikmyndina
The Day After, aðeins tveimur mánuðum eftir írumsýningu hennar í ABC-sjónvarps-
stöðinni vestanhafs. Framleiðendur myndarinnar segja að eftilvill sé þetta mikilvægasta
kvikmynd sem gerð hafi verið. Það má til sanns vegar færa að nokkrum hluta. The
Day After tekur á mikilvægasta viðfangsefni okkar tíma, kjarnorkustríði og afleiðingum
þess. Um listræn gæði myndarinnar má karpa, en hun er vel gerð og samviskusamlega.
Og ef marka má umfjöllun fjölmiðla í Bandaríkjunum hefur hún náð að miklu leyti
þeim tilgangi sínum að vekja fólk af dvala sinnuleysis. Talið er að um 100 milljónir
Bandaríkjamanna hafi setið límdir við kassann þegar myndin birtist á skerminum þann
20. nóvember sl.
Þeir sem ekki hafa lagt leið sína í Bíóhöllina eru hérmeð hvattir til að láta ekki
þessa mynd framhjá sér fara.
2 MYNDMÁL