Land & synir - 01.04.2002, Page 16

REYKJAVIK SHORTS & DOCS: STUTT- OG HEIMILDARMYNDAHÁTÍÐ í REYKJAVÍK í APRÍL 2002
Það besta í stutt- og heimildarmyndum
Nýr liður ístarfi FK íHáskólabíói, Regnboganum og Norræna húsinu 17.-21. apríl
Yfir 50 stutt og heimildarmyndir verða sýndar á hátíðinni, frá Evrópu, Skandinavíu og íslandi. AÐ OFAN: Úr
opunarmyndinni “En Construcción” eftir Spánverjann José Luis Carragio sem verður viðstaddur opnunina. AÐ
NEOAN: Úr “Blatnoi Mir”, finnskri verðlaunamynd eftir Jouni Hiltunen um lífstíðarfanga í fangelsi sem áður var
klaustur og er staðsett á afskekktri rússneskri eyju í Rússlandi.
Félag kvikmyndagerðarmanna hefur ákveðið að
gangast fyrir árlegri, alþjóðlegri kvikmyndahátíð
sem helguð verður heimildar- og stuttmyndum og
umfjöllun um þær. Hátíðin nefnist REYKJAVÍK SHORTS
& DOCS og verður hún haldin í fyrsta sinn 17.-21. apríl
2002. Stefnt hefur verið að því að gera hátíðina frá
upphafi að viðburði sem endurspegli það besta og nýjasta
sem er framleitt á sviði heimildar- og stuttmynda á
Islandi, í Evrópu og víðar.
Þess er vænst að hátíð þessi geti orðið lyftistöng fyrir
íslenska kvikmyndagerð. Á hátíðinni og viðburðum í
tengslum við hana geta íslenskir kvikmyndagerðarmenn
sótt þekkingu og upplyftingu auk þess sem almenningi
gefst sérstakt tækifæri til að sjá heimildar- og stutt-
myndir sem notið hafa athygli og vinsælda víða um heim.
Hátíðin skiptist í tvo aðalþætti, sýningar og aðrar
samkomur.
SÝNINGAR
Á hátíðinni verða sýndar í Háskólabíói og Regn-
boganum um 50 myndir í fimm meginflokkum:
• 22 evrópskar heim-ildarkvikmyndir (European
Documentary Film Festival), úrval frá um 20 löndum.
Dagskráin er sett saman fyrir tilstilli fastanefndar Fram-
kvæmdastórnar Evrópusambandsins fýrir Island og kem-
ur hingað frá Noregi.
• 10 evrópskar stuttmyndir (Europe in Shorts), úrval
sem hefur verið sýnt á mörgum hátíðum.
• 5-10 nýjar íslenskar stutt- og heimildarmyndir.
• 7 myndir úr Nordisk Mini Panorama, úrvali
norrænna heimildar- og stuttmynda frá Nordisk Pano-
rama hátíðinni í Árósum haustið 2001.
AÐRAR SAMKOMUR
• Miðvikudaginn 17. apríl kl. 18:15 setur Tómas Ingi
Olrich menntamálaráðherra hátíðina í sal 2 í
Háskólabíói. Ávarp flytur sendiherra Framkvæmda-
stjórnar ESB fýrir ísland og Noreg, dr. Gerhard Sabathil.
Opnunarmynd verður víðfræg spænska heimildarmynd,
“I vinnslu” (En Construcción). Leikstjóri hennar José
Luis Carragio verður viðstaddur opnunina og tekur effir
sýninguna þátt í umræðum um hana sem Þorfinnur
Ómarsson stjórnar.
• Laugardaginn 20. apríl kl. 11 verður árdegisverður
(brunch) fyrir kvikmyndagerðarmenn í boði Film-
kontakt Nord í Húsi málarans við Bankastræti. Þar mun
nýr framkvæmdastjóri FkN, Karolina Lidin, kynna
starfsemina og þá möguleika sem hún veitir
framleiðendum stutt- og heimildarmynda. Sérstaklega fjallar hún um
sölu- og dreifingarmál á erlendum mörkuðum og dreifingu heim-
ildarmynda í stafrænu formi, bæði hvað varðar tækni og réttindamál, en
þetta verður viðfangsefni sérstaks námskeiðs á Nordisk Panorama 2003 í
Oulu, “höfuðborg” Nokia, sem verður með mikla tæknikynningu á
hátíðinni.
• Sunnudaginn 21. apríl Jd. 15-17 verður haldin í Norræna húsinu
kynning og námsstefna undir heitinu “Verk í vinnslu”. Þar munu nokkrir
íslenskir heimildarmyndagerðarmenn ræða um verk sem þeir hafa í
vinnslu og sýna kafla úr þeim.
Samstarfsaðilar FK við undirbúning og framkvæmd hátíðarinnar eru
Kvikmyndasjóður Islands, Reykjavíkurborg, Evrópusambandið, Film-
kontakt Nord, Háskólabíó, Regnboginn og Norræna húsið. Fram-
kvæmdastjóri hátíðarinnar er Hjálmtýr Heiðdal.