Land & synir - 01.02.2003, Side 3

Reykjavík Shorts & Docs
haldin í apríl
Stutt- og heimildarmyndahátíðin Reykjavík Shorts & Docs
verður haldin öðru sinni í apríl næstkomandi. Hátíðin í
fyrra tókst vel að mörgu leyti og von er til þess að þessi
hátíð festi sig í sessi sem miðpunktur vinnu í þessum
greinum. Félag kvikmyndagerðarmanna stendur að hátíðinni í
samvinnu við ýmsa aðila og eru þeir kvikmyndagerðarmenn
sem eru með stutt- eða heimildarmyndir á prjónunum hvattir
til að stefna á þennan vettvang.
Hér fer fréttatilkynning frá Félagi
kvikmyndagerðarmanna um hátíðina:
"Heimilda- og stuttmyndahátíðin
Reykjavík Shorts & Docs verður í apríl
n.k. Félag kvikmyndagerðarmanna
setti á laggirnar undirbúningsnefnd
sem er búin að starfa frá byrjun
nóvember að undirbúningi RS&D
2003. Formaður er Hjálmtýr Heiðdal en
aðrir í nefndinni eru Jón Karl Helga-
son, Kolbrún Jarlsdóttir, Hildur Lofts-
dóttir og Ólafur H. Torfason.
Hátíðin hefst daginn fyrir sumar-
daginn fyrsta - 23.apríl.
Samstarfsaðilar eru Kvikmyndamiðstoð fslands, Reykja-
víkurborg, Norræni kvikmynda- og sjónvarpssjóðurinn, Film-
undur/Háskólabíó og Evrópusambandið.
Sýnt verður mikið og gott úrval af heimilda- og stuttmynd-
um og stefnt er að því að bjóða 2-3 erlendum leikstjórum.
Við hvetjum alla íslenska kvikmyndagerðarmenn sem eru
með heimilda- og stuttmyndir í pípunum að hafa samband við
Hjálmtý Heiðdal í síma 893 1015."
Kvikmyndaráð spáir í forstöðumenn
Kvikmyndamiðstöðvar og Kvikmyndasafns
Menntamálaráðherra hefur skipað í Kvikmyndaráð
til þriggja ára í samræmi við ný kvikmyndalög sem
tóku gildi 1. janúar. Formaður ráðsins er Óskar
Magnússon, forstjóri Íslandssíma og varaformaður Þór Sig-
fússon hagfræðingur en þeir eru báðir skipaðir án tilnefn-
ingar. Aðrir í ráðinu eru Björn Br. Björnsson, tilnefndur af
Félagi kvikmyndagerðarmanna, Ari Kristinsson, tilnefndur
af Framleiðendafélaginu - SÍK, Friðrik Þór Friðriksson, til-
nefndur af Samtökum kvikmyndaleikstjóra, Björn Sigurðs-
son, tilnefndur af Félagi kvikmyndahúsaeigenda, og Tinna
Gunnlaugsdóttir, tilnefnd af Bandalagi íslenskra listamanna.
Ráðið hefur þegar komið nokkrum sinnum saman til að
fara yfir umsóknir. Þegar þetta er skrifað hafa engar ákvarð-
anir verið teknar en óhætt að segja að bransinn bíði nokkuð
óþreyjufullur, enda gerast hlutirnir hægt á meðan. Búist er
við að ráðið láti í sér heyra innan mjög skamms tíma og í
framhaldi af því mun ráðherra taka endanlega ákvörðun.
Kvika heitir nýr vefur um kvikmyndir
Sigríður Pétursdóttir kvikmyndafræð-
ingur hefur opnað vef um kvikmynd-
ir á slóðinni www.kvika.net. Þetta
er hinn laglegasti vefur og með fullt af
fínu efni fyrir áhugamenn um kvikmyndir. Aðaláhersla er
lögð á greinar og viðtöl af ýmsu tagi og tengist ýmislegt af
efninu vinnu Sigríðar við menningarþáttinn Mósaík hjá
Sjónvarpinu, auk þess sem hún skrifar reglulega um
sunnudagsmyndir Sjónvarpsins.
Hjálmtýr Heiðdal er
umsjónarmaður Reykjavík
Shorts and Docs.
Rúrik Haraldsson
1926-2003
Rúrik Fiaraldsson leikari lést þann 23. janúar s.L, 77 ára að aldri. Að
honum gengnum hafa Islendingar misst einn sinn merkasta leikara.
Rúrik hafði ekki aðeins til að bera næmt innsæi og leiftrandi skopskyn
sem gerðu honum kleift að takast á við fjölþætt hlutverk af margvíslegum toga,
heldur bjó hann yfir algerlega einstakri rödd sem einhvernveginn gerði hvert
orð að áreynslulausum sannleik.
Rúrik fæddist í Vestmannaeyjum 14. janúar 1926 og lauk þaðan
gagnfræðaprófi árið 1945. Hann stundaði nám við Leiklistarskóla Lárusar
Pálssonar 1945 til 1946 og nám við Central School of Dramatic Art and Speech
Training at Albert Hall í Lundúnum árin 1947 til 1950.
Rúrik kom fram í fjölda kvikmynda og sjónvarpsmynda, oftast í minni
rullum. Sérlega eftirminnilegur var hann í sjónvarpsmyndinni Steinbarn (1990)
eftir Egil Eðvarðsson þar sem hann lék sérlundaðan og einrænan vitavörð.
LAND & SYNIR 3