Feykir - 30.01.2014, Page 9
04/2014 Feykir 9
( TÓN-LYSTIN ) oli@feykir.is
Inga Heiða Halldórsdóttir / skífuþeytari
Væri til í að vera
Beyoncé í einn dag
Inga Heiða Halldórsdóttir
(1975) er alin upp á Miklabæ
í Óslandshlíðinni. Helstu
tónlistarafrek sín segir hún
hafa verið að þeyta skífum
á skólaböllum á Hofsósi en
hún spilar ekki á hljóðfæri.
„Eldri systkini mín fóru í
blokkflautunám með þeim
afleiðingum að það var ekkert
tónlistarnám í boði fyrir
örverpið,“ segir Inga Heiða sem
nú er búsett í Reykjavík.
Uppáhalds tónlistartímabil? 80´s
því þá var ég að byrja að pæla í tónlist.
Þessu tímabili fylgdi svo mikil gleði
í tísku og tónlist, flottir danssmellir
og kraftmiklar ballöður sungnar af
karlmönnum með permanet.
Hvaða tónlist fær þig til að sperra
eyrun þessa dagana? Elska að
uppgötva nýja tónlist og fylgjast með
hvað er að gerast í bransanum. Finnst
gaman hversu margir sjónvarpsþættir
og kvikmyndir leggja mikla vinnu í að
hafa viðeigandi tónlist. Ég er alæta
á tónlist og pínu geðklofa hvað það
varðar. Verð meyr við að hlusta á
Draumalandið en skipti svo beint yfir í
Immigrant Song til að hressa mig við.
Hvers konar tónlist var hlustað á
á þínu heimili? Rás 1 í botni alla
daga en svo sáu eldri systkinin
um tónlistarlegt uppeldi mitt. Þau
kynntu mig fyrir
U2 og Bruce
Springsteen sem
ég hlusta enn
mikið á. Þau urðu
fyrir verulegum vonbrigðum þegar
Five Star var uppáhaldshljómsveitin
mín. Já og hvar eru þau í dag? (Sko,
Five Star .. ég veit sem betur fer hvar
systkini mín eru í dag.)
Hver var fyrsta platan/diskurinn/
kasettan/niðurhalið sem þú keyptir
þér? Fyrsta plata Whitney Houston.
Hvaða græjur varstu þá með?
Plötuspilara, man ekki hvaða tegund.
toppurinn
Vinsælustu lögin á
Playlistanum:
Open
RHYE
Buzzcut Season
LORDE
Drive All Night
GLEN HANSARD
OG EDDIE VEDDER
Fare Thee Well
MARCUS MUMFORD
OG OSCAR ISAAC
Sweet World
NÝDÖNSK & JOHN GRANT
Stay Alive
JOSÉ GONZÁLEZ
Hvað syngur þú helst í sturtunni?
Á fullt í fangi með að einbeita mér
að hárþvotti og því lítið svigrúm fyrir
söng enda er fátt meira pirrandi en
sjampó í munni.
Hvaða lag getur eyðilagt fyrir þér
daginn? Það þarf meira en eitt
lag til að eyðileggja minn dag. Ég
er samt orðin ansi leið á glöðum
hundum og mömmum sem þurfa
að djamma.
Uppáhalds Júróvisjónlagið (erlent
eða innlent eða bæði)? Nína en
það er líklega eina lagið sem ég
kann allan textann. Árið 1964 vann
Ítalía en þá söng hin 16 ára Gigliola
lagið Non ho ĺ etá, betur þekkt sem
Heyr mína bæn í flutningi Ellýar
Vilhjálms.
Þú heldur dúndurpartí í kvöld,
hvað læturðu hljóma í græjunum
til að koma öllum í stuð? Black
Keys eru hressandi. Svo
þegar allir eru við það
að drepast þá hendi ég Rabbabara
Rúnu í græjurnar og þá lifnar partýið
aftur við. Staðfest.
Þú vaknar í rólegheitum á sunnu-
dagsmorgni, hvað viltu helst
heyra? Bob Marley, Ásgeir Trausti,
Jónas Sigurðsson, Mumford &
Sons, Adele, Emiliana Torrini ..
listinn er endalaus!
Þú átt þess kost að fara hvert
sem er í heiminum og skella þér
á tónleika. Hvert færirðu, á hvaða
tónleika og hvern tækirðu með
þér? Mér finnst gaman að fara á
tónlistarhátíðir og heyra í mörgum
og mismunandi tónlistarmönnum.
Er alltaf á leiðinni á Hróarskeldu en
langar líka mikið á Lollapalooza
hátíðina í Chicago. Ég myndi
bjóða Hildi vinkonu minni sem bjó
í Chicago og sagði mér frá þessari
hátíð.
Hvaða tónlistarmann hefur þig
dreymt um að vera? Ég yrði ekkert
rosalega pirruð að vakna upp sem
Beyoncé a.m.k. í einn dag.
Hver er að þínu mati besta plata
sem gefin hefur verið út? Get ekki
valið eina en ég fæ aldrei leið á Back
to Black með Amy Winehouse.
Eru lág laun í Skagafirði
ein orsök fólksfækkunar?
GRÉTA SJÖFN GUÐMUNDSDÓTTIR SKRIFARAÐSENT
Við umræðu um
atvinnuástand og laun hefur
Norðurland vestra margoft
verið skilgreint með réttu
sem láglaunasvæði og kemur
það fram í samantektum og
skýrslum sem opinberir
aðilar hafa tekið saman.
Tekjuþróun á Norðurlandi
vestra hefur verið undir
landsmeðaltali undanfarin ár
og er ekkert sem bendir til
annars en að svo verði áfram.
Getur verið að lág laun séu
orsakaþáttur í fólksfækkun í
Skagafirði ? Á sú spurning ekki
átt rétt á sér nú þegar verið er að
rýna í kjarasamninga og semja
um kaup og kjör og tölur
Hagstofu Íslands sýna fólks-
fækkun í Skagafirði.
Þessar vangaveltur urðu til
þess að ég lagði fram eftir-
farandi tillögu ásamt fulltrúa
Frjálslyndra og óháðra á
sveitarstjórnarfundi Sveitar-
félagsins Skagafjarðar sem
haldinn var 22. janúar.
„Sveitarstjórn Sveitarfélags-
ins Skagafjarðar samþykkir að
gera könnun á launakjörum
Skagfirðinga samanborið við
launakjör í sambærilegum
sveitarfélögum og höfuðborg-
arsvæðinu.“
Í stuttu máli sagt þá var
tillagan felld með sjö atkvæð-
um gegn tveimur.
Formaður byggðarráðs
lagði fram breytingartillögu
þess efnis að sveitarstjóra væri
falið að kanna hjá Sambandi
íslenskra sveitarfélaga hvort
hægt væri að gera slíka könnun.
Sú tillaga fékk samþykki.
Ég vænti þess að niðurstað-
an verði sú að þessi könnun
verði unnin og vil meina að
hún sé vel framkvæmanleg
enda er til sambærileg könnun
frá 2004 sem unnin var af
Atvinnuþróunarfélagi Norður-
lands vestra fyrir atvinnu- og
ferðamálanefnd Sveitarfélags-
ins Skagafjarðar.
Í þeirri könnun kom m.a.
fram að meðallaun í Skagafirði
væru mjög lág í samanburði
við landsmeðaltal og þar vógu
þyngst lág laun í sveitum
héraðsins. Mikilvægt er að fá
samanburð á launaþróun árið
2014 í samanburði við árið
2004.
Hefur launaþróun breyst til
batnaðar og hagsældar fyrir
íbúa og samfélag s.l. 10 ár eða
erum við að hjakka í sama
farinu ?
Gréta Sjöfn Guðmundsdóttir,
sveitarstjórnarfulltrúi
Samfylkingarinnar í Skagafirði
Nærri 60 námskeið í boði
Námsvísir Farskólans-
Miðstöðvar símenntunar á
Norðurlandi vestra fyrir
yfirstandandi vorönn er nú
kominn út. Aldrei hefur verið
meira úrval námskeiða, en á
önninni eru nærri 60
námskeið í boði, að sögn
Halldórs Gunnlaugssonar
verkefnastjóra hjá
Farskólanum.
Halldór segir margar nýjung-
ar í boði og að í námsvísinum sé
tekin upp sú nýbreytni að leggja
áherslu á lýsingar á nýjum nám-
skeiðum en hefðbundnari nám-
skeið, sem reglulega hafa verið í
boði, séu einungis kynnt þar og
vísað til heimasíðunnar með
nánari upplýsingar um þau.
Meðal nýjunga nefnir
Halldór námskeið um lestur
ársreikninga sveitarfélaga sem
sé ætlað frambjóðendum í að-
draganda sveitarstjórnarkosn-
inga. Einnig sé boðið upp á
námskeið í tölvuleikjaforritun í
samstarfi við SKEMA. Verður
það í boði víða um Norðurland
vestra en þetta námskeið hefur
notið vinsælda víða um land.
Þá sé einnig ánægjulegt að
geta boðið upp á Dale Carnegie
námskeið á sama verði heima í
héraði og á höfuðborgarsvæð-
inu. Þessi námskeið eru þekkt
víða um heim og miða m.a. að
því að öðlast sjálfstraust og
hugsun sigurvegarans, eflast við
hverja raun og vinna markvisst
að því að láta drauma sína rætast.
Loks má nefna að hinn nýi
námsvísir inniheldur ýmsar
áhugaverðar greinar. Má þar
sérstaklega nefna viðtal við
Harald Ingólfsson, fyrrum
nemanda við Farskólann, sem á
síðasta ári hlaut viðurkenningu
Fræðslumiðstöðvar atvinnulífs-
ins sem fyrirmynd í námi
fullorðinna. Segir hann frá
erfiðri skólagöngu og hvernig
hann komst að því 30 árum
síðar að hann gæti vel lært. /KSE
Nýr námsvísir frá Farskólanum