Feykir - 13.03.2014, Blaðsíða 10

10 Feykir 10/2014
Öskudagurinn var haldinn hátíðlegur í síðustu
viku en mikil tilhlökkun er fyrir deginum og
segja má að um sé að ræða árshátíð barnanna.
Margir útbúa búninga af mikilli kostgæfni og
halda stífar æfingar á söngatriðum áður en lagt er
af stað og rölt á milli verslana og stofnana til að fá
gotterí.
Þessir krakkar lögðu leið sína á Bókasafnið á
Hvammstanga og fengu svokallaðan Bangsafisk að
launum fyrir söng sinn. Að sögn Guðmundar
Jónssonar starfsmanns bókasafnsins er Bangsa-fiskur
harðfiskur sem Björn Þórir Sigurðsson, betur þekktur
sem Bangsi, hafði veitt, verkað og gefið. Þá fór einn
hópurinn heim til Bangsa og söng fyrir hann.
Ljósmyndir eru frá Guðmundi Jónssyni. /BÞ
Öskudagurinn á Hvammstanga
Fengu Bangsafisk
fyrir sönginn
Molduxar á ferð og flugi
Stálu engum sigri
Öldungamót Þórs í
körfubolta fór fram sl.
laugardag á Akureyri í
öndvegis veðri. Keppt var í
tveimur aldursflokkum +30
og +40 og voru fjögur lið
skráð í hvorn flokk.
Skagfirðingar sendu lið í sinn
hvorn flokkinn og voru
sveitungum sínum og héraði
til mikils sóma.
Í yngri flokknum átti
Þrymur góðu gengi að fagna
enda áttu þeir titil að verja frá
fyrra ári. Fór svo að Þrymarar
léku til úrslita gegn Snobburum
sem reyndust erfiðir á heima-
velli, og endaði sigurinn hjá
heimamönnum.
Í eldri flokknum reyndust
Molduxar myndarlegastir og
greinilegt að þeir höfðu stúkuna
með sér þar sem bráðfallegar
Gilsbungur hvöttu sína menn
til dáða. Ekki fer neinum
sögum um sigur hjá þeim enda
aldrei ætlunin að vinna tvö ár í
röð en Molduxar unnu mótið
fyrir ári síðan.
Það sem mest kom á óvart
var að Árni Egils neitaði að
dæma leik með þeim orðum að
hann kynni ekki að dæma.
Viðstadda rak í rogastans þar
sem Árni hefur í áratugi reynt
að kenna körfuboltadómurum
sem koma á Krókinn hvernig á
að dæma. Hann stóð sig hins
vegar afbragðsvel á ritaraborð-
inu.
Að móti loknu fengu menn
magafylli af flatbökum og
límonaði og vilja Molduxar
færa Eiríki og félögum í
Skotfélaginu þakkir fyrir
skemmtilegt mót. /PF
Molduxar: Ágúst Guðmundsson, Margeir Friðriksson, Geir Eyjólfsson, Sævar Hjartarson, Vignir Kjartansson, Páll Friðriksson, Sveinn Brynjar Pálmason og Árni Egilsson.
Aftari röð: Helgi Freyr Margeirsson sérlegur ráðgjafi, Óskar Ingi Magnússon, Hákon Már Bjarnason, Ágúst
Ingi Ágústsson, Snorri Geir Snorrason. Fremri röð: Stefán Friðrik Friðriksson, Sigmundur Birgir Skúlason,
Björn Ingi Óskarsson og Haukur Skúlason.
Þeir feðgar Ágúst Ingi Þrymari og
Ágúst Guðmundsson Molduxi báru af
hvað yfirferð og léttleika varðar bæði
utanvallar sem innan.
Hér má sjá að meðalhæð Molduxanna var ansi döpur á
móti liði Ármanns úr Reykjavík. Margeir og Sveinn Brynjar
eru þó mun myndarlegri.