Feykir - 13.11.2014, Síða 9

43/2014 9
Eftir margra ára búsetu
sunnan heiða án þess að
búa við þann lúxus sem
húsmæður hér norðan
heiða hafa, hef ég loksins
komist í hóp þeirra heppnu
húsmæðra að hafa snúrur í
garðinum hjá mér.
Snúrur í garði eru
staðalbúnaður og jafnvel tákn
um gæði og myndarskap
heimilisins. Hvaða húsbónda
dreymir ekki um bifreið
með leðuráklæði og hita í
sætum, rafmagn í rúðum og
speglum, sjálfskiptan og
með kúlutengi. Eins er með
húsmóðurina – hverja dreymir
ekki um snúrur í garðinn
hjá sér, zinkhúðaða staura
með traustum undirstöðum,
sterkum snúruböndum úr
Kaupfélaginu í grænum lit
Framsóknarflokksins og síðast
en ekki síst – að snúrurnar
snúi í rétta átt.
Hver kannast ekki við að hafa
keypt sér bíl og innan viku fer
tímareimin. Sama er að segja
með snúrurnar þó þær fari
ekki yfir á tíma þá er ekkert
eins hvimleitt og snúrur sem
snúa í vitlausa átt þannig að
þvotturinn blaktir ekki með
fullri reisn á snúrunni heldur
vefur sig um snúrulínurnar
líkt og lævís köttur vefur sig
utan um nýrakaða fótleggi
húsbóndans.
Öll gerum við okkur grein
fyrir að ríkjandi vindátt er
mismunandi eftir því hvar
við búum á Íslandi og þar af
leiðandi þurfum við öll að gera
viðeigandi ráðstafanir vegna
þess. Hver segir að snúrur
eigi að snúa í norður þegar
ríkjandi vindátt er austanátt?
Hver segir að snúrur eigi að
snúa til vinstri þegar vindáttin
kemur frá hægri? Hverskonar
myndarskapur er að hafa
sömu ósamstæðu nærfötin
á snúrunni dag eftir dag,
snúin og skæld, í von um
Jóhanna Sveinbjörg Traustadóttir á Hofsósi skrifar
Ósamstæð nærföt og ríkjandi vindátt
ÁSKORENDAPENNINN
UMSJÓN kristin@feykir.is
að sunnanáttin breyti sér í
austanþey svo þokkafullu
ósamstæðu nærfötin fái noti
sín á snúrunum.
Höfum það á hreinu að
þvottur sem vefur sig utan
um snúrulínuna ber vott um
ómyndugan heimilisbrag
líkt og metnaðarlaus
eiginmaður sem ekur bíl með
ósamstæða hjólkoppa um
fjörðinn. Snúrur sem ekki
fylgja ríkjandi veðurátt eiga
sér ekki sjö dagana sæla líkt
og vinstri sinnaður maður í
hægri sinnuðu starfi. Í raun
mætti líkja snúrustaurunum
saman við einhverjar stofnanir
sveitarfélagsins sem settar eru
niður af öflum að sunnan og
ósamstæðu nærfötin eru íbúar
sveitarfélagsins og vindurinn
er það stjórnmálaafl sem knýr
vél sveitarfélagsins áfram.
Í sumum sveitarfélögum
hefur ríkjandi vindátt verið
sú sama um árabil, jafnvel
áratugum saman og geta
ósamstæðu nærfötin í
blindni sinni treyst því að
hið ríkjandi stjórnmálaafl
muni þurrausa hvern dropa
úr þeim. Aftur á móti eru í
öðrum sveitarfélögum engin
merkjanleg ríkjandi vindátt
og þar feykjast til ósamsett
nærföt í allar áttir, í lengri
tíma og vefjast jafnvel um
snúrulínurnar. Ber það með
sér myndugt heimilishald?
Er þá ekki betra að ganga að
austanáttinni vísri án þess að
þurfa óttast aðrar vindáttir?
Eða hvað finnst þér?
- - - - - -
Ég skora á samkennara
minn að láta gamminn geysa.
Fríða Eyjólfsdóttir
– orðið er þitt.
Flýttu þér hægt –
Flýttu þér hægt, ó, þú blessaða barn,
bernskunnar haltu í drauminn.
Svo fái ekki heimurinn hégómagjarn
að hrifsa þig með sér í strauminn.
Staldraðu við þessa stund sem er frjáls
og stendur þér ennþá til boða.
Og varastu hættur hvers meinsemda máls
sem mannsbörnum steypir í voða.
Flýttu þér hægt upp í fullorðins spor
og farðu ekki bernskuna að kveðja.
Haltu sem lengst í þitt leikandi vor
og leyfðu því sál þína að gleðja.
Farðu ekki í neinu að hlaupa út á hjarn
þar sem heimurinn falsinu dreifir.
Flýttu þér hægt, ó, þú blessaða barn,
meðan bernskunnar svigrúm það leyfir.
Rúnar Kristjánsson
FRÁ LESENDUM RÚNAR KRISTJÁNSSON SKRIFAR Skagafjörður
Gönguskarðsárvirkjun endurbyggð
Fyrirtækið Íslandsvirkjun hyggst leggja nýja lögn og
nýtt stöðvarhús ofan við gömlu brúna á Göngu-
skarðsá í Skagafirði. Í umfjöllun Morgunblaðsins sl.
mánudag segir að ætlun fyrirtækisins, sem stofnað
hefur dótturfélagið Gönguskarðsárvirkjun ehf., sé að
framleiða raforku inn á dreifikerfi RARIK.

Tryggvi Þór Haraldsson, forstjóri RARIK, segir í
samtalið við Morgunblaðið að fyrir liggur samkomulag
við Íslandsvirkjun um kaup á stíflumannvirki og leigu
á vatnsréttindum til næstu 40 ára. Aðeins er eftir að
skrifa undir samninga. Verkefnislýsing vegna skipu-
lagsgerðar og umhverfismats vegna endurbyggingar
Gönguskarðsárvirkjunar hefur verið kynnt í sveitar-
stjórn Skagafjarðar. RARIK hætti rekstri Gönguskarðs-
árvirkjunar árið 2007 eftir að aðrennslislögn frá henni
sprakk, skammt ofan stöðvarhússins á Sauðárkróki.
Virkjunin, sem var reist árið 1949, var komin til ára
sinna og framleiddi um 1MW þegar mest lét. Búið er
að rífa gömlu lögnina að sögn Tryggva Þórs en RARIK
mun áfram eiga stöðvarhúsið á Sauðárkróki, þar sem
gamlir munir fyrirtækisins eru geymdir.
Íslandsvirkjun hyggst nota gömlu stífluna en leggja
nýja niðurgrafna lögn að nýju stöðvarhúsi. Í verk-
efnislýsingu kemur fram að þegar rekstur virkjunar-
innar stöðvaðist minnkaði framleiðsla rafmagns á
svæðinu umtalsvert. Talið er að endurbyggingin sé
góður kostur til að auka framboð á orku. „Ef bilanir
verða í flutningi á milli svæða er ákveðið öryggi í að
vera með framleiðslu innan svæðisins. Eitt af mark-
miðum í aðalskipulagi sveitarfélagsins Skagafjarðar
lýtur að því að vatnsafl verði virkjað þar sem virkjanir
eru hagkvæmar fyrir íbúa héraðsins og valda litlu
umhverfisraski. Með því að nýta fyrirliggjandi mann-
virki á svæðinu eins og gömlu stífluna sem enn
stendur eru forsendur fyrir endurreisn virkjunarinnar
góðar og krefjast ekki mikils rasks á landi, að
undanskilinni fyrirhugaðri fyllingu undir stöðvarhús,“
segir í verkefnislýsingunni sem unnin var af Verkís.
Næsta skref í málinu segir Jón Örn Berndsen,
skipulags- og byggingarfulltrúi Skagafjarðar, er að
vinna tillögu að deiliskipulagi og nauðsynlegum
aðalskipulagsbreytingum, sem fara í auglýsingu og
kynningu. /BÞ
Nýr formaður kjörinn á ársþingi
Lárus Ástmar Hannesson frá hestamanna-
félaginu Snæfellingi er nýr formaður
Landssambands hestamannafélaga. Þrjú
framboð bárust til formennsku samtakanna en
Kristinn Hugason dró framboð sitt til baka.
Formannskosningar fóru fram sl. laugardag, á
seinni hluta ársþings LH í Reykjavík, Á landsþing-
inu var Lárus kjörinn af þingfulltrúum félaganna
með 88 greiddum atkvæðum, Stefán Ármannsson
hlaut 62 atkvæði og 4 seðlar voru auðir. Í viðtali við
Hestafréttir sagði Lárus að hið nýja embætti leggist
vel í hann og að spennandi tímar séu framundan.
Hann sagðist finna fyrir góðum anda á þinginu,
verið sé að skipa nýja áhöfn og að honum sýnist allir
ætli að róa í sömu átt. Aðspurður um staðsetningu á
næsta Landsmóti hestamanna sagði hann að það
væri mál sem yrði að lenda og finna lausn á. Það hafi
tekið of mikla orku og að of neikvæð umræða hafi
skapast í kringum Landsmótið, sem hafi skapað
sundurlyndi á meðal félaga LH. „Við þurfum að
finna leiðir til að negla þetta til framtíðar,“ sagði
hann. /BÞ
Landsamband hestamannafélaga